ونزلت الطريقة اللي استخدمتها
المهم جلست بيني وبين نفسي ابي اورد وجهي
ياربي وش اسوي وش اسوي .... ماجا الالهام :(
قمت رحت لتسريحتي كالعاده ابي اخترع شي جديد :D
ولقيته :04:
جبت العكر االفاسي + ماء ورد خلطتهم سوا وخليتهم بقارورة صغيرة كذا
(( بصراحة استخدمت العلب الصغيرة حقت الشامبو اللي تجي بالفنادق عرفتوها؟؟ المهم هذي هي ))
ومن بعد ما احط الاسكينول واغسل وجهي الصباح بصابونة البابايا على طوووووول
اخذ قطنه واحط عليها شوي من العكر الفاسي وماء الورد اللي خلطتهم بالقارورة عالخدود والخشم
والجبهه وكل وجهي
واحط غلوس خفيف وردي واطلع اصبح على امي فديتها وترجع تصدمني بالسؤال اللي كنت منتظرته منها بصراحة :D وتقولي وجهك مورد؟؟
واقولها ايييييييييه بكل ثقة :04:
طبعا طول اليوم يجلس اللون ان توضيت او غسلت وجهي يخف شوي وان حبيت اثقله ارجع واحط
الين قبل لا انام اكرر خطوة الاسكينول واغسل وجهي وانام
صار لي كم يوم اسويها وبصراحة ناسبتني هالحركة وان شاء الله تناسبكم
بصراحة ملينا مافي شي يورد الوجه على طول ودائم فمالنا الا هالحل :06:
<<< عصبت
يلا جربوها واتمنى لكم وجيه منورة وموردة بعد :04:
هذي صورة العكر الفاسي وهو زي اللي عندي زي كأنه قشور كذا وتلمع اما اللي يجي بودرة اتوقع انه مو اصلي
طبعا الصور دورت عليها واخذتها من منتدى ثاني

ينباع زي كذا
بس اللي عندي غير هالشكل جاي بعلبه زجاجيه مو مكتوب عليها شي واخذته من عطارة نجد الظاهر كمية مررررررة قليله بس كانت بخمسين ريال

