السلام عليكم يااحلى بنات شلونكم عساكم طيبيين و عساكم على القوة
الحمدلله ايامي كانت خضرا بس امس بغت اتصير بنفسجية بس الحمد لله الله ستر راح اقول لكم شنو صار انه من يوم السبت اللي فات بادية الرجيم وما خربطت فيه وامس على غفلة اتصلت ام زوجي وقالت انه جايه اتعشى عندكم وام زوجي اكره شي عندها شي اسمه رجيم وعندها ان البنت كل ما كانت مليانه كل ما كانت صحتها احسن وطبعا لما وصلت وشافتني تخرعت قالت لي انتي شنو سويتي بعمرك ضعفتي وويهك ضعف ليش جذي انتي مريضة >>>> قمة التحطيم بس اختكم خذتها من الناحية الايجابية معناها ان بين على اني ضعفت مع العلم انها كانت مسافرة ولمدة 3 اسابيع ما شفتها والبلشة الكبيرة في العشا انه ما قلت لها اني اسوي رجيم قلت لها بس رياضة لاني لو قلت لها اني مسوية رجيم راح تعطيني محاضرة لمدة ساعتين انه جذي وما سلمت منها المهم انه قعدت افكر شنو اسوي لها عشا وفي نفس الوقت يكون خفيف انه اقدر آكل منه بدون ما اخرب رجيمي وام زوجي ما تحب اكل المطاعم تبي كله من البيت يعني لو من مطعم طلبنا مشاوي وارتحت المهم فكرت وفكرت وتوصلت إلى اني اسوي بيض مفيوح (مغلي في ماء) وشرايح طماط وسويت لها حمسة مشروم مع نخي خضر وعندنا زيادة من الغدا مضروبة خليتها معاهم وجبنة قريش قليلة الدسم طبعا انه كلت خبز مع البيض المفيوح وجبن قريش بس وباقي الاشياء اللي فيها دهون ما لمستها وبكذا عدا اليوم على خير بس الله ايساعدني على الخميس والجمعة لانها اجازة ويوم راح اكون في بيت امي ويوم في بيت ام زوجي
بنات اللي عندها نصايح للاجازة تلحقني لاني اخربط بالاجازة تجربط ابي اضبط نفسي ولو اجازة وحدة بس
اشكر كل البنات على التشجيع واخص بالذكر الاخت عطر البوادي والاخت بنت الكويت مشرفاتنا العزيزات وكل العضوات المشتركات في المسابقة على الدعم والتشجيع وحبيت اوجه سلامي وشكري للاخت دموع الكويت لتشجيعها لي للاشتراك في المسابقة معاكم<<<<حشه كله هذا سلام ماصدقت عطوها الميكرفون خخخخخخ
بنات لا يطوفكم شهر كامل وبإذن الله نتخلص من الوزن الزايد ... سجلو فرصه ما تتعوض
متابعة النقاش، صفحة 70