حاسة بيكى اوى و اكيد كلنا هنا حاسين باللى بتقوليه...و معظم الوقت بتبقى حالتى زى حالتك... بس لما افكر بالعقل بالاقى ان الناس بتبصلك بالطريقة اللى انتى شايفة نفسك بيها. بمعنى انك لو حسستى نفسك فى يوم ان حياتك كدة كويسة و بالعكس هما اللى مش عارفين يستمتعو بحياتهم او ينعموا بلحظة هدوء و دوشة على طول هتلاقى ان لو حد قالك انتى ناقصة..مجرد قوتك المستمدة من احساسك انك مش ناقصة هيخلى اللى قدامك يحس انك كاملة و ان مفيش حاجة ناقصاكى
على فكرة كلامى مش نظرى...انا كل ما بحاول اقنع نفسى ان الوضع عادى اى موقف بيعدى بسهولة و من غير نكد...لكن كل ما احس بالنقص باخذ كل حاجة على اعصابى .و كل كلمة بافهمها بالمعنى الوحش.. و مش باضر غير نفسى و زوجى
و انتى مش ناقصة و لا حاجة...اكيد ربنا اداكى حاجة مش عندهم فى الدنيا او الاخرة..و مش الحل انك تعتزلى الناس .. اخرجى و متعى نفسك...حتى لو خرجتى مع واحدة حامل او عندها اطفال...قوللى لنفسك الحمدلله انى عارفة اخرج و اطنطط من غير حمل فى بطنى او طفل شايلاه على كتفى و عايز يدخل الحمام كل 5 دقائق!!!
ربنا يرزقك الحمل انت و انا و كل بنات المنتدى!
انا لله وانا اليه راجعون
متابعة النقاش، صفحة 2