بعد 9 سنوات حامل بتوأم..تعالوا أبيكم>>فقدت توأمي والحمدلله على كل حال

الف مبروك ياعممري الله يتمم لك على خير ويعوض صبرك

هلا حبيباتي جزاكم الله خير على دعواتكم لي وفرحانه بمشاركتكم لي موضوعي
ألحين بكمل لكم وش صار معي :)
أول شي أحب أعطيكم فكره عن حملي ووضعي الصحي... الله يسلمكم حملي متعب جدا من اول شهر لي بالحمال نزل علي دم مت من الخوف وضليت اعاني من اعراض اجهاض منذر مثل ما يقول الدكتور
ويدي على قلبي وادعي من الله يثبت حملي.. الدم كل شوي نزل علي من اي حركه ومجهود بسيط ويا منومني بالمستشفى ويا منسدحه في البيت بين اربع حيطان والله المستعان.. كل مره يعطيني الدكتور موعد بعد اسبوعين وكلوا ربكم ما اكمل 7 ايام وجرررري على العياده ايش فيه؟ عندي نزيف.. يا الله اعصااابي تلفت..والحمدلله بس كملت الشهر الثالت عمل لي الدكتور عملية ربط ولله الفضل والمنه انا حاليا بالشهر الخامس والامور وااايد احسن... وعلى فكره حتى بحملي الاول والثاني دوووم ينزل دم وكانت النتيجه اني افقد الجنين... بس بعون الله هالمره ربي بيثبته قولوا اميييين...
المهم من اول الحمال بدت الاحلام والامنيات كان عندنا احساس انا وزوجي ان الله بيرزقنا بولدين صالحيين وكل واحد منا اختار اسم للبيبي اللي يخصه خخخخ هو اختار عبدالله وانا اخترت عبد العزيز ما تتصورون فرحة زوجي يقول بس يجون بالسلامه بسوي كذا وكذا بسوي لهم اربع ذباح في مجلس القبيله وبجيب عرضه وكنت افرح.. وكل ما رجع زوجي من المسجد يقول بكره بوديهم المسجد معاي من اول ما يمشوون..وبس يجون ويكبرون شووي بوديهم مجلس العايله يتعلمون وشلون تتكلم الرجاجيل ويحلم زوجي ويحلم .. وانا بعد كان عندي احساس انهم اولاد... ألحين جينــــــــــاااااااا للحدث المهم... امس كنا بالعياده وطبعا باقي على موعدي 7 ايام بس رحت لان نزل علي دم شووووي الحمدلله هالمره.. اقول لكم ودي مره اروح على موعدي ما يصير خخخخ...فحص علي الدكتور وشاف كل شي سليم ولله الحمد وسمعني دقات قلبهم فديتهم قال لا ما في شي تلاقين جزء بسيط من المشيمه انفصل ورجع التحم الحمدلله....قلت له طيب دكتور وش جنس الجنين ويفرررر الجهاز ببطني ولا كانه يسمعني واعيد عليه السؤال يا الله المره الثالثه رد قال شوفي اللي عل اليمين بنت.. انا بس قال بنت طار قلبي من الفرحه قلت بصوت عالي لا شعوريا فديتها....قلت له طيب البيبي الثاني فررر وفررر في هالجهاز قال لي مو اكيد احتمال 50 بالميه بنت بعد.. بس الموعد الثاني باقدر ااكد لك... اللي ما ودكم تشوفون وجهه هو زوجي كأن راشين عليه مويه مثلجه.. تمتم زوجي بكلمات الحمدلله .. وضل ساااكت في الطريق:44: وهذا اللي معور قلبي...حاولت اتجنبه انا بعد لاني مو عارفه شقول بس انا عن نفسي فرحانه الحمدلله وبنفس الوقت متكدره على زوجي... المهم ضليت انا بعد ساكته وبعد ما قمنا صلينا الصبح رجع زوجي من المسجد والحمدلله وجهه يضحك ومنور وبدا يتكلم عن شعوره قال لي: انا ما انكر اني تفاجأت ان طلعوا بنات .. كنت احلم باليوم اللي اطلع فيه مع عبد الله وعبد العزيز واحد على يميني والثاني على يساري.. لا تلوميني..بس بالعكس هاذي نعمه ونحمد الله عليها الخ ... الخ..
واللي بااااااااط جبدي ان في نص الكلام فتح موضوع اني لما اقوم بالسلامه انشا الله يبغينا نعيد المحاوله واحمل مره ثانيه... ياني شور اهجم عليه واكفخه:hahaha:
انا وااايد علي اللي فيني لحدن يفتح لي موضوع الحمل كلللش مو وقته انا خلني اقوم بالسلامه بالاول..
وعلى فكره زوجي عنده امل يلمع بعينه ان البيبي الثاني ولد مدام ان الدكتور ما اكد انها بنت..
المهم ابغي رايكم اولا وافكاركم شلون اخلي قلب زوجي يتعلق بالبنوتات وش هي الاشيا اللي ممكن يسونها سوا..يعني لا اقدر اقول له توديهم معاك المجلس ولا المسجد.. بس شنو ممكن اقول له وازيد حماسه ان بان الله بتجينا بنوتاااااااات....وانا اسمع كثير ان الاب يتعلق بالبنات اكثر... والله انا ما فرقت عندي بنت ولا ولد المهم باذن الله يتحقق حلمي واصير أم...والأهم الخلقه السليمه المعافاه يا رب..
يا الله بنات وخصوصا اللي عندها بنوتات تعطيني افكار شقول حق زوجي وشلون اخليه يتعلق ويحب البنوتات؟ جزاكم الله خير:27:

اولا الله يبارك لك في حملك يا اختي ويتممه عليك يارب
وبخصوص موضوعك انا اضمن لك في مثل حالك انه زوجك مايبيله تاهيل هم بس يشرفون بالسلامه والدنيا بتقوم عنده ولا بتقعد من الفرحه

مشكووووره أختي سنا الفضه...:) الله يسمع منك

ههههههههههه نهاية سعيدة ان شاء الله



الله يكمل حملك وتقومين بالسلامة



اما تعلق الاب بالبنات هذا سبحان الله مثل المعجزة بعد ماتجيبيهم بتشوفي بيلاعبهم ويحبهم اكثر منك بعد