شاركي في النقاش

سجلي الدخول لإضافة تعليق.

التعليقات

127
  1. انا نفس معاناتك بس الي ياثر على عيالي احفادها وخربو تربيتي لعيالي وماني قادره اضبط الوضع لاننا في نفس العماره فوضى وازعاج

    الله المستعان
  2. @ala_yanfsy

    في اللي طرحتيه للحين
    يحتاج لتدخل جدي وصارم من زوجك ولا بناتك بيتمردون عليك أكثر وأكثر
    شي ثاني ان مااستجاب الزوج لطلبك بالتدخل انتي كلمي عمتك "ام زوجك" بنفسك
    كلميها بجديه برضو ..

    عجيب الوحده تتعب وتتعب بتربية عيالها ويجي أي شخص بلامبالاة وانانيه ونفس شينه ويخربهم!! لاحول ولاقوة الا بالله

    الله يهدي ام زوجك ويصلح حال بناتك ويريح بالك يارب
  3. @am_olyyyd

    صاحبة الموضوع
    وبيني وبين نفسي قلت اكيد عمتي فهمت الموضوع غلط وتحسبني ما ابغى انزل بناتي

    عندها وانا زي ما قلتلكم <اتعذر بالدراسة> المهم اتصلت على عمتي وقلتلها انه سمعت

    من بنتي انك زعلتي مني انا قصدي عشان المدرسة وهم ما بيقصروا معاكي بنزلوا

    عندك في المغرب,, وصارت تصارخ عمتي وتقول يعني بنتك تكذب ؟؟؟ اصلا الطفل ما يكذب

    وانا اقولها بنتي ما عرفت توصلك الكلام انا صح منعتها تنزل بس عشان المدرسة

    ويكفي انها بتنزل لك المغرب, وركب في راس عمتي مية سيف انه بنتي الصح وانا الغلطانه

    وصارت عمتي تقووووول انا دحين طالعة عندك وراح اسأل بنتك قدامك ؟؟

    المهم طلعت عمتي جري ودخلت البيت ونادت بناتي وجوا البنات وسألت الكبيرة وقالتلها

    من منعك تنزلي تحت؟؟؟ قالت بنتي: ماما

    انا في هذي اللحظه انحرقت وقلت لعمتي : يا حرمة انتي ما تفهمي انا قاعده اقول صحيح

    منعتهم ينزلوا في كل وقت الا المغرب مسموح لهم ينزلوا عندك ... اهم شيء انهم ينزلوا عندك

    صح ولا لا؟؟؟ صارت عمتي تصرخ وتقول انتي ما تمنعيهم ينزلوا عندي انتي اصلا ما تبغينا

    انتي ما تحبينا < بيني وبين نفسي صرت اقول طبعا من طيب عودك ما ابغاكي>

    وصارت تقول كلاااااااااااااااااام كثيييييييييييييييييييير وخرجت عن صلب الموضوع

    ودخلت في مواضيع ثانيةومواقف من ايام زواجي وشيء اتذكره وشيء ما اتذكره

    وكل هذا والبنات يتفرجوا فينا وصارت بنتي تسجل كلام عمتي كله , اصلا البنات انبلهوا

    من كبر الكلام وفي كلام كثير المفروض ما ينقال قدام البنات وقالته قدامهم

    وانا خرجت عن طوري وصرت اغلط عليها بالكلام : واقولها اصلك انتي مريضة

    اللي في عمرك مقابل القبله ويقول يالله حسن الخاتمه, وانتي لساعك قلبك اخضر

    تجري ورى الدنيا جري الوحوش , ترى يا حرمة في شيء اسمه اخرة اشغلي نفسك

    في صلاتك وصيامك بكرة النهار ربي بيسألك عن صلاتك ما بيسألك اذا احفادك نزلوا عندك ولا

    لا؟؟ اتقي الله في عمرك ما خليتي احد ما اتلحقتي علية انتي مغتابه ونمامه ... خافي الله يا

    حرمه, خاااااااااااااافي الله

    حتى بناتي قسيتي قلوبهم علي , ماعاد صاروا يسمعوا كلامي, يعني انتي دحين في نظرهم

    الكويسة وانا البطالة.. صح؟؟؟؟
  4. @tmymy2006

    الله يعينك عليها

    بس الله يهديك احس ردك عليها كان جارح وفيه كلمات ماكان لها داعي انك تقولينها

    وبعدين يمكن تقلب زوجك عليك

تابعي تجارب أخرى من هذا القسم.