هالعنوان كتبته من قبل سنتين أو أكثر.......
شوفو هالرابط ....... http://archive.hawaaworld.com/showthread.php?t=332881
المهم..........
ريلي عرس وخلاص........ أنا دريت عن طريق الصدفة ....
هو ملج بس ( يعني عقد قران ) من اسبوعين... على اساس إن العرس
في الصيف........... أحس إن حياتي صارت فوق تحت......
ومب قادرة أفكر......... أنا حاليا في بيت أهلي..........
تدرون من قبل آخر مرة كان بيعرس فيها ( شوفو الرابط ) ... ريلي تغير
وصار يحبني أكثر من أي وقت وكانت حياتنا مثالية وكنت دايما أدعي
إن ربي ما يغير علي هالسعادة اللي كنت فيها........ لكن البارحة يوم
دريت حسيت إني ضيعت كل شيء..........
لا تسألوني ليش يبي يعرس لأن ما عاد يفيد شيء...............
حاليا أحس إن الزمن واقف ...... وعقلي واقف ومب قادرة أفكر بشيء
إذا فكرت إني أنفصل لأني إنسانة ما راح أعرف أعيش مع ضرة وراح
أخلي حيلته جحيم أرجع وأقول ليش أخليهل وأخليه يتهنون بحياتهم ...
وإذا فكرت إني أواصل حياتي معاه راح تكون مشاكل بمشاكل.......
حتى النوم مب قادرة أنام ........
شو تشورون علي .......... هل أرجع البيت ........ ولا شو أسوي.........
على فكرة ريلي ماخذ موقف وزعلان علشان انا قبل لا أطلع من البيت
غلطت عليه وقلت له كم كلمة سميت فيها بدنة......... الحبيب مسوي نفسه
زعلان!ّ!!!!!!!!!!.......
لا تقولون لي اهتمي بنفسج وسوي له حركات.......... لأن وقت الحركات
راح........................... أنا حياتي أنا أعتبرها انتهت.............
حياتنا مشاكل بمشاكل
شاركي في النقاش
سجلي الدخول لإضافة تعليق.
التعليقات
47- يابنت الناس ردي بيتج وخذي حقوقج منه
والاهم انها في بيت وانتي في بيت
والايام اللي بيسيرلها حطي ببالج تشغلين عمرج باي شي..دورات واي شي مفيد
اهتمي بنفسج لنفسج من ريجيم او عناية بالجسم وشعر وغيره
وعيالج انتبهي لهم وعيشي لهم..
واليوم اللي بيي عندج سووي واجبتج وارضي ربج...وكوني مثل مانتي مرتبه ولابسه وحلوة
اهم شي الريال مابيقصر معاج..وليش تضيعين عيالج عشان حضرته يتهنا
خذي حقوقج مثل ماهو ياخذ حقوقه..ومن حقه يعدد..ومن حقج يعدل
وباين من كلامج انه يعزج بس الزواج حان براسه..شو بتسوين خليه يتزوج عشان تفتكين من هالكابوس
بيت اهلج شو بتستفيدين من اليلسه فيه غير القهر والحسره وبهدلة هاليهال
وهو مونس ومعيد خففتي عليه هم العدل
صدقيني فترة وبتمر هاللي سمعته من ربيعاتي اللي رياييلهن عرسوا..وادعي ان الحرمه تكون بنت حلال..ويااااارب ماتكون بينكم مشاكل
وحاولي اتحطين في بالج انج مابتسوين مشاكل وطنشي اللي تقدرين عليه مع انه صعب - مافيه أي امرأة ترضى إن زوجها يتزوج عليها أبداً
لكن لو تزوج هل تترك أطفالها وهم بحاجة لها ؟
هل تنسى كل الأيام التي عاشتها معه بسعادة ؟؟؟
أنا عارفه القهر اللي تحسين فيه (الله يفرج عليك كربتك وييسر أمرك ) لكن زوجك أحسن من اللي قاعد يخون زوجته ويكلم بنات وهي تعرف ويسمعها ولا همه أبداً مشاعرها يمدح فيهن وسوالف معهن طول الليل على الماسنجر ..................
اسألي نفسك سؤالين
1_لو خليتي له البيت وطلبتي الطلاق من المتضرر وما هو مصير أطفالك ؟؟
2_ لو جلستي في بيتك من المستفيد ؟؟؟
الله ييسر أمرك ويفرج كربتك - الله يفرج همك
وييسر اموورك
ويسخر لك زوجك - الله ييسر امرك ويفرج عليك ويرضيك بما قسم الله لك هذه مصيبه خليها مكسب لك في الاخره عش لاخرتك كانك تموت غدا وعش لدنياك كانك تعيش ابدء..اللهم يجرك في مصيبتك ويخلفلك خيرا منها
فلانة بنت فلان يابنت الناس ردي بيتج وخذي حقوقج منه والاهم انها في بيت وانتي في بيت والايام اللي بيسيرلها حطي ببالج تشغلين عمرج باي شي..دورات واي شي مفيد اهتمي بنفسج لنفسج من ريجيم او عناية بالجسم وشعر وغيره وعيالج انتبهي لهم وعيشي لهم.. واليوم اللي بيي…
كلام موزون مابقدر أزيد عليه حرف ... استهدي بالرحمن الله يفرج همك يارب
مواضيع مشابهة
تابعي تجارب أخرى من هذا القسم.