-*-- معكرونتي اللذيذه من مطبخي --*-



السلام عليكم و رحمة الله و بركاته ...

أخواتي حبيت أقدم لكم هاي المعكرونه اللذيذه من مطبخي ,,,

و أتمنى أن تنال على اعجابكم ,,,,,

و أول شي أقول الكم طعمها تجنن و لذييييذ اللي أكلها مدحها و الحمد لله ,,,

بسم الله نبدأ :

المقاديـــر :

معكرونه

بطاطا ( مقطع مربعات )

بصل مقطع شرائح طولية

بندورة مقطعه مربعات وسط

معجون طماط

بهارات مكونه من ( زنجبيل + كمون + قرفه + بزار ) كل واحد منهم ملعقه شاي

ملح و رشة فلفل أسود حسب الرغبه

شطة حارة ( حسب الرغبه )

قشطه

جبن شيدر ( مبشووور )

جبن موزريلا

خضروات مشكله ( حسب الرغبه )

فطر ( مشروم )

ثوم مهروس

و هنيه بعض الاغراض في الصورة



أول شي ... نغلي المعكرونه لين تستوي و نضيف الها ملح



بنفس الوقت نروح نقلي البطاط



و نقطع البصل شرائح كما في الصورة



و بهالصورة نكون خلصنا المعكرونه و صفيناها من الماي

و نصب فوقها القشطه ,,, و نخلطه مع المعكرونه



و هنيه بعد ما خلطنا القشطه



بعد ما نخلص من البطاط نعزلة و نحمس البصل



نخليه يحمر و نحط عليه البندور ( الطماط المقطع مربعات ) و نحمسه وياه لين يذوب



و بعدها نحط ملعقتين شاي او ثلاث ثوم مهروس ( حسب الرغبه ) و نخلطه



يتبــــــــــــــــع

100 تعليق 9,995 مشاهدة

شاركي في النقاش

سجلي الدخول لإضافة تعليق.

التعليقات

95
  1. @dlaa_bnat_15

    صاحبة الموضوع
    و بعدها نحط معجون الطماط و نكون خالطينه في الماي و يكون شوي غليظ

    و يفضل تخلطونه بفنجان و نبدأ نخلطه مع البصل و الطماط



    و بعد ما نخلص نضيف البهارات مع شوية شطه حارة و فلفل اسود و ملح

    و نبدأ بالخلط



    بعدها نضيف البطاط + الخضروات المشكله + الفطر ( المشروم )
    و نبدأ نخلطه لين يعطينا حشوة



    و هذا بعد ما خلصناها و صارت ويانا الحشوة جاهزة



    و بعدها ناخذ الحشوة و نخلطها مع المعكرونه



    و نحطها داخل البايركس



    نغطي المعكرونه بالجبن الشيدر المبشور و بعدها جبن الموزريلا

    و ندخلها الفرن و نحمر من فووق لين يذوب الجبن و يتماسك



    و هنيه بعد ما طلعناها من الفرن



    و أصبحت جاهزة للتقديم



    بالهنـــــــا و الشفـــــــــا

تابعي تجارب أخرى من هذا القسم.