بنات لا يطوفكم شهر كامل وبإذن الله نتخلص من الوزن الزايد ...سجلو فرصه ما تتعوضالنتائج

متابعة النقاش، صفحة 6

شاركي في النقاش

سجلي الدخول لإضافة تعليق.

التعليقات

343

  1. @el_wafaa

    عينى عليكم باارده .....

    ما شاء الله عليكم .......

    والله يدووم علينااا هالاراااده ...

    امس كاان يومى اخضر نااااااصع .... وان شاء الله اليوم وكل يوم يكون بنفس الطريقه .....

    :26:

  2. حبيباتي وخواتي شلونكم عساكم على القوة

    انه الحمدلله امس كان يومي أخضر على أخضر بديت امس برجيم جوليا وانشالله نوصل للخمسينات

    عطر البوادي : لاتحرمينا من طلتك ومشكورة على هالمتابعة الامومية اللي تدل على ان احنا كلنا أسرة وحدة

    بنت الكويت مشكورة يابعد عمري على تشجيعك والله لايحرمنا منكم يااحلى مشرفات وشنو هالاشياء اللي تشهي حرام عليج والله ضربتي على الوتر الحساس الحمدلله اني بالدوام مو بالبيت ولا جان ما اعتقد ظل شي بالثلاجة

    فلونة حيالله من طول غيابه علينا وانشالله دايماً متواصله معانا

    دموع الكويت لاتخبصين وايد ولاتنسيين التحدي لاتخلين حماسك يقل

    عاشقة المستحيل ديري بالك على صحتك ترا الصحه ما تتعوض وامشي على كلام الدكتورة اشفايدة الرشاقة بمرض الله يبعده عنج وعنا ويعطيج الصحة والعافية

    أم بكر قولي لنا شنو رجيمك اللي ينزل 4 كيلو بالاسبوع ذبحني وزني ينزل بالقطارة

    أم احمد العسل : انه معاك بديت امس برجيم جوليا ويلا نشوف منو ينزل اسرع بس قولي لي شنو تاكلين صراحة احس نفسي محتارة مو عافة شنو آكل لان الاكل اللي موجود محدود (لحوم - بيض - بقول - خضرة) ياريت اتقولين لي شنو تاكلين لاني اليوم ثاني يوم واحس نفسي محبطة شوي خاطري في اشياء ثانيه لكن يلا نجربه على الاقل اسبوع وانشوف النتايج

    سماء الحرية : آخر مرة اشوفك اتخبصين وانشالله اتكون ايامك كلها خضرا بس بدون تخبيص

    مسألة وقت : عساج على القوة حبيبتي بس حبيت اسألك ممكن استخدم الخل وخل التفاح والصويا صوص في رجيم جوليا لان هالاشياء مال عنا عنهم عفيه لاتقولين لا لاني ما اشتهي الاكل مشوي بدونهم وياريت لو تقدرين ترسلين لي على الخاص جدول لمدة اسبوع امشي عليه لاني صراحه مو عارقة شنو آكل ومتى واخاف اخبص وايزيد الوزن وراح اكون شاكرة لك

    شيم : الف الف الف مبروك على نزول الوزن وعقبال ما تشوفيم الستينات والخمسينات بعد والفال لكل البنات انشالله بس عمري عندي سؤال شنو الاكل اللي كنتي تاكلينه في رجيم جوليا لاني بديته من امس واتمنى مساعدتك دامك جربتيه وهل كنتي تاكلين طعميه وفول وكم نزل وزنك في الاسبوع الاول لاني اخاف اطيح بالطعميه والفول واخر الاسبوع الاقي وزني زايد وانشالله ما راح اتقصرين وعقبال وما اهنيك انك وصلتي للرقم اللي تحلمين فيه

    تمنياتي بالتوفيق للجميع انشالله

  4. @bnt_alkoyt_1

    El_Wafaa
    ---------------
    مبروك اليوم الأخضر ==> ماعلقتي على تغيير الرجيم:42:


    mooolaaa
    ----------------
    هلا وغلا باحلى بحرينيه :)

    هذا ريجيم البروتين ويشبه ريجيم الاخت جوليا بس في بعض الاختلافات
    انا عمري ماجربته بس صديقتي شجعتني عليه ماشاءالله عليها نزلت 10 كيلو

    قلت بجربه اسبوع وبشوف النتيجه ..

  5. @msal_okt

    فلووووووووونه،،الحمدلله على السلامة،،وان شاء الله نشوفج متواصله ويانا على طول،،اذا غابن اكبر المشجعات مشكله نخاف نخربها,،

    شيم،،مبروووووووك على نزوووول الوزن،،وان شاء الله لين اخر الشهر تشوفين ارقام جديدة،،وانتي مثل حالتي انا ماشفت وزني الحالي من اكثر من 6 سنوات،،والحمدلله على كل حال،،

    ام بكر،،في انتظار معرفة ريجيمج تدرين الشهر قرب يخلص ولازم نغير الريجيم وما شاء الله اذا ينزل 4 كيلو في الاسبوع معدل مب هين أبدا..

    عاشقة المستحيل،،افااااااااا ليش جيه،،كله ولا صحتج حبوبة،،خاصة نسبة الهيموجلوبين تبهدل من الخاطر،،والله من متى لي خاطر اسوي ريجيم بس ما كنت اقدر بسبب الحديد،،وادويته وايد اتعب مرة حبوب ومرة سائل ومرة ابر ومرة نقل دم،،انا اخوفج عشان تتحذرين،،وما تشوفين شر..وخلي بالج من عمرج

    mooolaaa،،مبروووك على اليوم الاخضر،،بالنسبة للخل وخل التفاح ما فيهن شي استخدميهن بالعكس يساعدنج على تنزيل الوزن،،بس لصلصة الصويا انا عندي منها وشفت يدخل القمح في تركيبتها فابتعدت عنها،،ابعد عن الشر وغنيله،،بس لو ترد جوليا على استفسارج هذا،،بالنسبة للقائمة ان شاء الله قريب تشوفينها وبحطها في الموضوع،،على فكرة انا في موضوع حاطة وصلته في توقيعي فيه بعض الاكلات اللي تصلح لريجيم جوليا،،وهي ابعدتني عن الرتابة والملل،،كنت اكره عمري لان اكلي ما فيه شي تشتهيه النفس لكن وي هالطبخات تغير الوضع،،وان شاء الله الموضوع يتجدد..


    بالنسبة لي،،أنا وزني نزل شوي اليوم بعد ما ارتفع في فترة الدورة،،وان شاء الله يرد لمسيرة النزول حتى اوصل لوزن معقول على الاقل اشوف عمري تحت 90 حتى شهر 7..


    الفتووون،،انتي مسوية ريجيم جوليا صح،،كم صارلج،،وشو الاكل اللي تاكلينه

تابعي تجارب أخرى من هذا القسم.