بنات لا يطوفكم شهر كامل وبإذن الله نتخلص من الوزن الزايد ...سجلو فرصه ما تتعوضالنتائج

هلا بنات

أنا اليوم أخضرررررررررر على قولتكم


بس قبل شوي كلت قطعه صغيرة فطاير دارسين

اله يعين على باقي الأيام


والمشي لحد الآن مابديت

صباح الورد على أحلى بنات

بنات انه امس كان يومي أخضر لوقت العشا بس بع العشا صار أحمر ما ادري شنو صار لي يعت يوع وخربطت شوي لكن يلا نعوضها وانشالله اليوم يكون يومي أخضر ادعو لي يابنات ما ادري شنو صار لي صرت وايد ايوع يمكن صادتني عين والله لان الاسبوع اللي فات كانت نفسي مسدودة على الآخر وكل اللي يشوفني يسألني شنو اتسوين عشان ضعفتي جذي :( والله قهر احاول اضبط نفسي بس اليوع يذبحني وبعد ما اخربط اتندم بس انشالله اليوم راح اصمد

خواتي

فاتنة الحي : ما تشوفين شر انشالله والله ذكرتيني بمكان التخريب انه اليوم باروح بيت أمي مثل ما قلتي مكان التخريب لاني لما اروح بيت أمي اصير كاني مفجوعة ما اخلي شي في بيت أمي حتى أمي تسألني تقول لي انتوا ما عندكم اكل بالبيت :23: والله ذكرتيني شكلي ماراح اروح لهم اليوم عشان ما اخبص بالاكل كفاية تخبيص عندهم الخميس والجمعه وحاسبي على صحتك عشان الامتحانات وانشالله نبي علامات حلوة بالدراسة وارقام حلوة بالوزن

لول : هلا حبيبتي فيج انه طولي 158 ووزني حالياً 65 ووزني المثالي على كلام الدكتورة 58 كيلو بس انه ودي اوصله إلى 55 كيلو أمنية صعب تحقيقها لكن يلا خلنا نحلم الا الحلم ببلاش وش ورانا لعل وعسا يتحقق انه بعد الولادة كان وزني 75 او يمكن ازيد وخلال 5 شهور الحمدلله قدرت انزل 10 كيلو بس طبعا في فترات تخبيص يعني مو كلها كانت رجيم وانشالله اقدر انزل العشرو الباقية في مدة أقل بس المهم اني اواصل وما اخبص وانه امشي نص ساعه او ساعه الاربع واسوي تمرين البطن 50 مرة عشان ينشد جسمي ما ابيه يترهدل وانه مثلك تخفيف شديد وهو نوع من الرجيم بس انه اللي اقرره واحط النظام من عندي لاني كنت اتابع عند اخصائية تغذية ووايد اقرا بخصوص هالمواضيع فصارت عندي خبرة كافية في هالموضوع واهنيكي على نظامك لان هذا هو النظام السليم اللي المفروض نمشي عليه طول حياتنا يعني نحافظ على نفسنا طول الاسبوع وايام الاجازات نخليه يوم مفتوح لان هذا اللي راح يضمن لنا ثبات اوزانا بإذن الله واذا محتاجة اي مساعدة ترا احنا بالخدمة

حبيبة عمري بنت الكويت والله قلبي عندك لاني حسيت بهالاحساس وانقهرت مثل قهرك لكن يلا انشالله ماتكون عزيمتك خفت واعتبريه كان يوم مفتوح وابتدي من اليوم وانشالله النزول راح ايكون احلى على يوم الجمعة بس حاولي لاتوزنين الا يوم الجمعة لاني احس ان هالميزان اهو سبب خرابنا ابعدوه عنكم شوي وواصلي على الرجيم اللي تشوفينه يناسبك بس حبيت انبهك لانك غالية عندي وما ابيك تنضرين الله يبعده عنا وعنك ترا الرجيم اللي انتي كاتبته مو صحي صحيح راح اينزلك بسرعة بس راح يأثر على اشياء ثانية الرجيم الصحي يا حبيبتي المفروض يحتوي على نشويات بنسبة قليلة وفواكهه وخضروات وبروتين والبان يعني ما لازم تحذفين شي لان جسمك محتاج حق هالاشياء حتى لو كان النزول بطيء مو مشكله بس المهم انه يكون صحي وما يأثر على الجسم من نواحي ثانية حبيت افيدك لاني اراجع عند اخصائية تغذية وهذا كلامها مو كلامي والله ايوفقك انشالله بس ياخسارة على الاغراض اللي شريتها اشرايك اتدزينها لي خخخخخخخخخ

SHY G!RL لا تكدرين خاطرك يا حبيبتي كلنا لها بس انتي قادرة اتنزلين هالكيلو في يومين صح ولا انه غلطانة وشوفي رجيم ايناسبك ولا توزني قبل اسبوع من بدايتك للرجيم لان اذا وزنتي قبل راح اتحيسن باحباط حتى لو كنت نازلة كيلو راح اتقوليين اوف بس كيلو نزلت وراح تتحبطين لاني مريت بهالتجربة وقررت اني مااوزن الا كل جمعه وانشالله إلى الجمعه انكون نزلنا الوزن اللي زدناه

الخوات قرقوعة و narima كل جسم يختلف عن الجسم الثاني وايد ناس جربوا رجيم الاخت جوليا ونحوا عليه ومثل ما شفتي انه والاخوات سمنا عليه اذا حابين اتجربونه جربوه بس الاخت narima ما انصحك اتجربينه لانك مثل ما ذكرتي وزنك فوق الميه واحتمال ان الفلافل والفول اتسبب لك زيادة في الوزن انصحك اتشوفي رجيم يعجبك وتقدريين تواضبين عليه وابتدي فيه وانشالله يارب يوصلين إلى الستين شوفي الرقم شلون حلو 60 وناسه صح يلا نبي همتك معانا وخبرينا عنك كل يوم وانشالله راح توصلين للوزن المطلوب
قرقوعة اذا مرتاحة على رجيمك واصلي ليما توصلين للوزن المطلوب بس اخذي فترات راحه بس بدون تخبيص وبالتوفيق

أختي فلونة : شكراً على تواصلك تاكلين بوضة من وراي ليش ما عزمتيني <<< انه بعد امس كلت بس بدون سكر وقليلة الدسم وعلى شوكولاته هم هم لذيذ بس آخر مرة تاكلين بدوني مرة ثانية لاتنسيين العزيمة

عطر البوادي : وحشتينا وانشالله انشوفك قريب والله لج وحشه ومكانك خالي انشالله اليوم كمبيوترك يتعدل ويتسنع لاني باذبحه اذا ما شفناك اليوم والله محتاجين لكلامك اللي يبرد على القلب وبالذات قلوبنا انه و ام احمد العسل وبنت الكويت وشاي قيرل لانا متحطمين وانشالله ما تطوليين علينا

دموع الكويت : وين منخشه لا حس ولا خبر عسا المانع خير ليكون وقفتي الرجيم وشخبار تمرين الكرسي معاك انشالله بس انشالله محد شافك
واخيراً وليس آخراً اتمني التوفيق للجميع

مرحبا،،صباااااااح الخير..

ما اعرف شو طبيعة الاجسام اللي تتاقلم وي طبيعة الرجيم،،انا جربت ريجيم جوليا والحمدلله في اول عشرة ايام عطاني نتيجة حلوة ولله الحمد،،من مسكت طواري ستة ايام وزني زاد وبعدين نزل وبعدين رد ارتفع بس الزيادة بسيطة تقريبا كيلو وشوي،،
في بداية الرجيم وزني ما بدا ينزل في ريجيم جوليا،،وكنت اكل كميات معقولة وابتعد عن الدهون والبقوليات،،اكثر اكلي كان بازلاء خضراء مسلوقة او فاصوليا بيضا مسلوقة وملوخية دجاج وكرات لحم امريكانا جاهزة من السوق وبيض وفطر وزيتون وخضروات خيار وخس بس على بسيط ومتبل بزيت زيتون وثوم..وكنت اشرب ماي على الريق لتر كامل ولا اقرب ابدا صوب القهوة والشاي..

بعدين لما يتني الدورة،،وزني ارتفع على بسيط وبعدين نزل شوي ورد ارتفع،،واعتقد الارتفاع في المرة الثانية لاني خربطت وايد في الاكل،،لاني وايد كثرت بقوليات حمص وفلافل وفاصوليا بيضا وكلها وطماط وزيت زيتون كنت احط كميات غير طبيعية ابدا واشرب يمكن ثلاثة دايت في اليوم،،وبعد كلت لحم مثل الكباب وكريات اللحم..وفي يوم كلت طحينه وي الفلافل,,

على هالاساس انا كنت ناوية ارد اطبق الاسبوع الاول،،واظل على نفس الاصناف اللي جربتها في هالاسبوع،،وان شاء الله وزني في هالاسبوع حتى تاريخ 26/5 بينزل 4 كيلو يا رب،،لاني اريد اعبر الهدف الاول,,

ام احمد العسل،،اكلج مضبوط ولا تستعيلين على نزول الوزن،،جوليا قالت شوفوا لنهاية الاسبوع وابتعدي عن الفلافل..

بنت الكويت،،الله يعينج،،بس مستعيلة على شو من بداية الريجيم تغيرين..على الاقل اسبوع

shy..كم لج صار في ريجيم جوليا

تسجيل حضور :42:





انا بعدى على ريجيم الكربوهيدرات والحمد لله صامدة الله يديم ايامى فى هالريجيم تقريبا كلها خضرااااااااااء



بس الواحد مايستغنى لازم يشغل ماطوره 24 ساعة والا مايرتاح

آكل كل مابغيت اشغله شوكلاتة خيار مغطاة بكريمة الفجل ويالله نمشى حالنا


موفقين :26: