شاركي في النقاش

سجلي الدخول لإضافة تعليق.

التعليقات

189
  1. @shykh_shyokh_1

    صاحبة الموضوع
    السلام عليكم ورحمة الله

    اخواتي الغاليات جداا....ترااني داخلة أبهااااوش فانحاشن مني ابركلكن..:mad:

    وش ذا؟؟؟؟الله يغربل ابليسكن..لا عادت من كلمة قلتها..في موضوعي السابق..

    قلت اني ماودي تردون علي بردود من نوعية استغفري تصدقي..لا ...أبغي حل واقعي

    لني ولله الحمد ملتزمة..والأمور الدينية اسأل عنها أهل الإختصاص ولاني بجاهلة ولله الحمد والمنة

    ويومن اني بغيت حل لمشكلة خاصة,,,نصيتكن ..ابي وحدة خبيرة او مجربة..

    يعني أنا ان شاء الله واقفة بباب الكريم..لكن هذا ما يمنع اني أطلب العلاج الواقعي ولا كيف..؟؟

    قمتن عليا قومة حرمتن وحدة شعثتن غبرااا...مطفوقتن قشرااا..

    واللي تقول (تزدري الدعاء) واللي تقول(علاجك فيما اعرضتي عنه)....!!!!!!!!!!!!!!!

    أنا ازدريت واعرضت...لا اله إلا الله..جعلكن تطيحن على برطمي..ماقصدتهاا

    وبعدين..البعض منكن قلبت السالفة اني ودي به وهو معييي...لكن لا..مو هذا قصدي..انا قصدي

    انه يشوف محرمات وودي بحل عشان يتوب ويرجعلي..مثل أول يحبني..ويبغاني.

    يعني معقول يكون موظوعي..اني أبغي هذيك الشغلة..؟؟؟!!!!!!! هااااااذا الناقص الله لا يبلانا

    الحين وقد تفاهمنا مفاهمتن رزينتن عاقلتن.. ودي أمدكن بآخر الأخبار..

    السالفة ياطويلات اللسان...عفوااااا.....العمر...طويلات العمر والسلامة<< ماامداني ارظى..زعلانة

    المهم..صارحت زوجي مع اني قد صارحته عشرميت مرررة قبل هالمرة لكني هالمرة ظغطت

    عليه وكتمت على انفاسه وبغيت اذبحه...المهم..وسألته وش مشكلته واستفزيته..فصارحني

    اني مااعجبه في الأمور الخاصة ابدا البتة مولية نيفررررر....نهائيااا..!!!!!!

    واني زايد وزني وشعري منتف..وقربت اصلع..ولكن للعلم..أنا ولله الحمد جميلة جدا

    ومهتمة بنفسي وكشخة وثقافة ولغااااات...لنغوجز يعني<<< دليل..من جنبها..خخخ

    والكل يسالني عن اي شي اسويه ولله الحمد نظرات الإعجاب من كل حدب وصوب..ومتواضعة

    وكل من شافني يقول سبحان من عوظه خير عن حرمته الأولة

    المهم..أنا انجرحت مرة واستغربت لأتي كنت أظن أني متخمته وماتركت شي ماسويته له..بالفعل

    اثري الأخ موعاجبه ويبغى يقلد اللي يشوفه..!!! وانا وش دراني الله يمحقهن

    بالنسبة لوزني حااااولت انزل وزني مو راضي ينزل وأنا مكتئبة ومحبطة وأعوض بالأكل بصراحة

    لكن ابحاول وبروح لطبيبة..وياااارب..رغم اني اشوف أن زيادة وزني مو مررة..

    وشعري لو طرت ما يكثر...رغم أني اشتري علاجات غالية وماركات..لكن معيي لا يطول ولا يغزر..

    لكن ماعليه حليو..وأنا أصبغ وأتكشخ..واتزين ولا الفنانات..

    لكن أنا انجرحت مرة والله وجلست أبكي لحد ماانفقعت عيوني..والله انجرحت بالحيل

    استغفر الله..لكن وش اسوي يبغى جسمي مثل عارضات الأزياء...من وين أجيبه كود أقطع راسي

    وراس عارضة أزياء ونبدل الأجسام..والله يعينها على مابتلاها به..

    وذكروني اقلع شعرها من راسها قبل لا انسى....خخخ

    ووقتها لأشتغل عارضة أزياء واتركه هالمكرش وانساه واتزوجلي عارض ازياء مثلي ثم نعرض

    ازياءنا هنيا..وخله يشوف ويتحسر..وانا لو صرت عارضة ازياء وشلي به ..!!! << امزح تنوييييه

    لا تنشبوا بحلقي بعدين...!!!

    المهم مشكلتي أني ماودي ارجع بيت ابوي لني هناك ذقت العذاب ربي يجزا والديني الجنة

    لكن ماهنا راحة كل يوم هواش ومطاقق..وهم ما يبوا أحد..وأحس أنهم حتى الزيارة ماودهم بها

    مع أني خجولة وبس أبغي رضاهم يالله رضاهم والجنة..ولا عمري بينت زعل وأتحمل والله لو توطو

    براسي ماعندي مشكلة لو يذبحوني..وبس اقول سم وآمر ولبيه..لكن هم كذا...

    واحس اني غريبة عنهم...وانا ذبحتني المشاكل..ما اقدر أتحمل..والله ما تزوجته

    إلا عشان أشرد من هالعذاب والإهانات والضرب أحيانا..وقلة المصروف..والتفشش بي..

    ولا انا لو مرتاحة كنت ترويت شوي وخذيتلي عازب مثلي..وش لي بمطلق..لكن ماحدني عالمر إلا اللي

    أمررر منه..الشكوى لله..والله المستعان الله يعوضني في الدنيا والآخرة يارب.وكل مبتلية..

    طيب الحين وش الدبرة..انا وش أسوي أنا..جد أنا ماعندي أحد ينصحني..تكفون لا تخلوني..

    ابغى حلول من جد..لكل شي حتى وزني شعري..ومشكورات اللي ارسلن لي على الخاص..

    خاصة موضوع المرايا..تراه مايصلح..وبعدين اخاف من ال....بسم الله الرحمن الرحيم...مايصير

    وبعدين هو ما يحب يشوف جسمي كيف أخليه بوجهه من كل جهة..تبونه يطرطع..ويذبحني ثم ينتحر..ّ!!

    كود يجيه انهيار عصبي..ونبتلش به..او ينشل من القهر..خخخ وقتها اعلمه انها فكرة بنات حوااا

    عشان يخترق الموقع ويفحط به...خخخخخخخ

    ومشكورات ياعمري وماقصرتوا والله السنافيات..جزاكن ربي الجنة..

    شيخة
  2. @laghrbh_maa_allh

    شيخة شيوخ
    السلام عليكم ورحمة الله اخواتي الغاليات جداا....ترااني داخلة أبهااااوش فانحاشن مني ابركلكن..:mad: وش ذا؟؟؟؟الله يغربل ابليسكن..لا عادت من كلمة قلتها..في موضوعي السابق.. قلت اني ماودي تردون علي بردود من نوعية استغفري تصدقي..لا ...أبغي حل…
    الله يصبرك ويعينك يارب
  3. شيخة شيوخ
    السلام عليكم ورحمة الله اخواتي الغاليات جداا....ترااني داخلة أبهااااوش فانحاشن مني ابركلكن..:mad: وش ذا؟؟؟؟الله يغربل ابليسكن..لا عادت من كلمة قلتها..في موضوعي السابق.. قلت اني ماودي تردون علي بردود من نوعية استغفري تصدقي..لا ...أبغي حل…
    لاااااااا حرام عليك اسلوبك يجنن و الله انى مت من الضحك حرام عليكـ صوت ضحكى سمعة سابع جار بالخرج يقولون بنت الشرقية خفيفة

    الله يرزقك على قد نيتك واضح انك عسل مالك منى الا الدعاء
    ياقلبي ماعليك منه قولى تقول توفة احمد ربك على نعمة خفة الدم غيرك جميلة وبثرة وانتى الحمد لله حلوة وانيقة بس ناقصك شويت خفة وزن قولى لة شف وجهى وتخيل على جسم حلو .. امزح ياقلبي
  4. شيخة شيوخ
    السلام عليكم ورحمة الله اخواتي الغاليات جداا....ترااني داخلة أبهااااوش فانحاشن مني ابركلكن..:mad: وش ذا؟؟؟؟الله يغربل ابليسكن..لا عادت من كلمة قلتها..في موضوعي السابق.. قلت اني ماودي تردون علي بردود من نوعية استغفري تصدقي..لا ...أبغي حل…
    الله يسخره لك

تابعي تجارب أخرى من هذا القسم.