بصى يا جميل طريقتى المعتمدة انتى تحطى الكنافة الاول قبلها بيوم مثلا فى الفريزر لحد ما تتجمد بعد كده تجيبى الصينية وتدهنيها سمنة وتكسرى نص مقدار الكنافة فى الصينية "بيسموا الكنافة وهى متكسرة رموش" وتضغطى بطبق او صينية مقاس اصغر تضغطى كويس وترشى شوية سمنة عليها وبعدين تحطى الكاستر او المهلبية بتاعتك عادى بس تكون بعيد عن الاطراف علشان لما تضغطى فى الاخر مش تتحرق عند الاطراف
وتكسرى بقيت الكنافة على الوش وبرضه تضغطى كويس وفى الاخر تسقيها سمنة كويس وتدخليها الفرن
الطريقة دى انا مجرباها ما شاء الله مضمونة تطلعلك الكنافة متماسكة جدا واحسن حاجة مش تخلى سمكها كبير يعنى تبقى نفس سمك اللى بتتباع بره
وكمان بالنسبة للحشو ساعات باعمل باشاميل بالسكر واحطه فى النص بدل المهلبية مع مكسرات بيبقى تحفة وطريقة الباشاميل زى العادى ما عدا انك مش بتحطى بيض وبتحلية بالسكر حسب الرغبة وابقى طمنينى لو جربتى
ملف ..استشارة ..مطبخية.. سريعه
متابعة النقاش، صفحة 200