علاج فعال للقمل وخصوصا الصيبان ....

@amasy_2

السلام عليكم
بنات تكفون انا والله تعبت من هالقمل قبل سنه جا وعالجناه يمكن جلست شهرين وانا اعالجه بخاخات وشامبوهات وملابس في مويه حاره وتعبت تعب لحد ماراح والان رجع لقيت في بناتي انه منتشر البيض ولا يطيح منهم قمل كبار بعد واستغربت ومن يومين وانا احاول اسيطر على الوضع مع انه الحمدلله النظافه موجوده بس ما ادري شكله من القطط الي يلمسونها بناتي المهم الله لايحرمكم الجنه اي وحده جربت علاج فتاك للقمل وقضى عليه خلال اسبوعين تدلني الله يعافيكم ويجزيكم الف خير ويبعد عنكم كل سوء والله تعبت ما ادري وش اعالج بهاق الي كل شوي يطلع في وحده من بناتي مع انه مافي العائله احد فيه يهاق ولا اعالج الأكزيما الي فيهم ولا الصدر وحساسيته ولا هالقمل ولا اخفف وزني اه ياربي لك الحمد على كل شي اللهم لا اعتراض تكفون بنات لاتحرموني مساعدتكم انا ما ادري مع تطور العلم والطب وغيره مالقووو حل جذري لهالقمل غريبه ؟؟؟؟

103 تعليق 787,972 مشاهدة

0 0

شاركي في النقاش

سجلي الدخول لإضافة تعليق.

التعليقات

99

  1. معلش حبيبتى اصبرى وإن شاءالله ربنا يجازيكى خير:)
    وإن شاءالله البنات يفيدوك فى موضوع القمل...

    رفــــــــــــــــــــــــــــــــــــــــــــــــــــع لعيونك:)

  2. @bny_oayl

    اولا انتي عندك شغاله اذا عنك اول شين فتشي شعرها لايكون فيها وقاعده تعديكم
    ثانياالنظافه ثم النظافه روحي للصيدليه واشتري شمبوهات للقمل لكل وحده فيكن مع البخاخ وكل يوم اغسلي الشعر مرتين اقل شين مع تمشيط الشعر بمشط ناعم تحت الدش
    مع قص الشعر اذا امكن واحسن واسرع في حل المشكله بعد
    مع وضع القاز على الشعر يقولن انه يقتله وبسرعه فيه ايضا فليت مال الحشرات رشي الشعر بعد بس كثفي الشغل والنظافه الين مايطلع منكن لانها عدوا تنتقل بينكم وانتم ماتحسون
    على شان ترتاحين لازم تتعبين والله يعنك يارب لانها مشكله كبيره بصراحه
    احنا مثل الخوات نشيل بعض في هذا المنتدا
    بس تكفين انك تدعيلي اني اجيب توم اولاد عاجل غير اجل تكفين وانا معك انتظر وش صار معك

  3. @mshghoooolh

    الله يعينك ..بس وش هالقطط الي يلمسونها بناتك!!!!
    يمكن كل مشاكلهم منها الاكزيما والبهاق وحساسية الصدر والقمل تخلصي منها باسرع وقت

  5. @amasy_2

    صاحبة الموضوع
    بني وايل
    اولا انتي عندك شغاله اذا عنك اول شين فتشي شعرها لايكون فيها وقاعده تعديكم ثانياالنظافه ثم النظافه روحي للصيدليه واشتري شمبوهات للقمل لكل وحده فيكن مع البخاخ وكل يوم اغسلي الشعر مرتين اقل شين مع تمشيط الشعر بمشط ناعم تحت الدش مع قص الشعر ا…
    مشكوووره ياعيوني على مساعدتك وصدقيني قصيت شعورهم الصغار باقي الكبيره بروح اقص شعرها بكره ياخساره مع انه شعورهم ناعمه وحلوه وكل من شافهم ينهبل على شعورهم خصوصا الصغيره :(:(

    وياربي ان شاء الله يرزقك بولدين توأم يارب ياكريم وتشيلينهم بين ايدينك ولايحرمك امين يارب العالمين ويرزقني معك بتوأم ولدين بعد لانه ماعندي الا بنات والحمدلله راضين بس على الله يشفيهم واحمل واجيب ولدين توام مره وحده وارتاح من كلام الناس هالي مايرحمون احد ومشكوره مره ثانيه اسفه قصيت قصة حياتي:angry2::angry2:

تابعي تجارب أخرى من هذا القسم.