يا رائع انتا ياااا عسل
ياريت تساعديني يا جال يا قلبي بليز خليكِ معايا شويا وحدعيلك من قلبي
إنك تسمني
ـــــــــــــــــــــــــــــــــــــــــــــــــــــــــــــ
أنا عمري 31 ، ومو متزوجة ، بس شكلي يبان كإني لسا في الجامعة
طولي 156 ، ووزني 51:50
وأحياناً وزني يقل أكثر ، ( ع فكرة بالعافية سمنت :) )
بشرتي فاتحة ، وجبهتي صغيرة ، ووجهي صغير مع عظمتين بسيطة للخدود
الصدر مرررة صغير ، وجسمي تقريباً كمثري ، يعني من تحت أوسع
وأكتافي ضيقة ...
والمشكلة إني ما أستطيع ألبس cut لأن اليدين عندي نحيييييفة
كإنها أيدي أطفال ........... تحرجني والله
شعري أسود ، إلى وسط الظهر وأعلى بقليل ، ومايل للنعومة
ويصير بالسشوار حلو ..
عيوني وسط لا صغيرة ولا كبيرة ... لكن ألاحظ إني لما أعمل لها مكياج ما يصير مررة حلو ..
يقولوا شكلي أقرب لـ ( منى زكي )
ــــــــــــــــــــــــــــــــــــــــــــــــــــــــــــــــ
أبغى أعرف ..
إيش الملابس اللي تناسبني .. بس ياريت لا تنسي إني ما أستطيع ألبس الأكمام القصيرة ولا الحيران ولا الأكثر
ما أرتاح إلا لما ألبس طويل وأخبي يدي
ع فكرة ..
الفساتين الشيفون تطلع جناااان عليا الله يبارك ..
بس المشكلة لازم أدور لها على جاكيت مناسب حتى اليدين الحلوين يتخبوا ..
ومو دائماً ألاقي المناسب ..
أما المناسبات والأفراح اعتزلتها من زمااان ..
لأن الحلو في فستان السهرة إنه يكون بأكمام cut وأنا ما أقدر ألبسها شكلي يبان مرررة وحش
عشان كدا ما أروح .... والأكمام الطويلة ما تبين الجسم حلو ..
إيش قصة الشعر اللي ممكن أعملها ( مع العلم إني حابة الطويل ) لأني أول مرة أصبر عليه حتى يطول .. بس ترى راسي من الناحيتين من عند الأذن طالع شويا ( مو تشويه لا سمح الله لااااا الحمد لله بس بارز شويا يعني مو كلو متساوي ، لذلك ما تزبط عليا كل التسريحات )
ومرة عملت هاي لايت وبالمرررة ما طلع حلو ..
كلهم يقولوا ستايل الأسود أحلى عليا ...
وكيف الغرة ؟ إذا كانت جبهتي صغيرة ؟
ـــــــــــــــــــــــــــــــــــــــــــــــــــــــــــــــــــــــــــــــــــــــ
ياريت تبدئي من أعلى رأسي إلى أخمص قدمي الله يسعدك :)
وكمان حابة أسألك عن أشياء نصحتي فيها اللي قبلي :
( الملابس والفساتين اللي بها قصات فرنسيه )
(اي الفراشه ال موديلات الفرنسواه او الحرير اللي يجي كقطعه ع البدي ويكون مقصقص ومتدلي اطرافه ع الخصر)
(اليدين تكون قصتهم فرنسي )
(تنوره لفوق الركبه وتكون من عند الخصر فرنسي) << كيف ؟ ياريت ترفقي لي صور ؟؟
ملحوووظة ..
عندي مشكلة في الألوان ..
ياريت تفهميني كيف استطيع التمييز بينهم ؟
فيه كتاب لها ؟؟
الله يسعدك وييسر لك كل عسير آآآمين
