بليييز ساعدوني

الحمدالله ان الله فكك منه لان لو يحبك بجد ماتركك حتى لو كنتي اكبر منه بكم سنة ماتفرق عنده بس شكله ماصدق على الله ولقى فرصة عشان يتركك

ادعي الله ان الله يرزقك بالاحسن منه واخير لان دايم زواج عن طريق النت تبؤ بالفشل

والله يوفقك بالافضل منه ياارب

يالله مرة واضحة انه كان يبي عذر
بهالسهولة يتخلى عنك ؟ وكمان تدعي تبينه يرجع ؟
خلي عندك شوية عزة وكرامة
بعدين هو اصغر منك وشتبين بطفل ؟!!

هلا بحبيبتي الغالية

اولا / والله اني حاسة فيك وبألمك وماأقول إلا الله يصبرك وينزع حبه من قلبك ويصرفك عنه

ثانيا / ياغالية علاقتكم اصلها غلط ياحبيبتي الشي اللي مايرضى عنه الله مايتبارك شاب وتكلمينه بالجوال لأنك عرفتيه من الانترنت .. والله يالحبيبة انه مايجوز ولا يرضي الله
استغفري ربك وادعي الله كثير كثير ( إنه يغنيك بحلاله عن حرامه وبفضله عمن سواه )
وبحول الله وقدرته بيرزقك الله الزوج اللي يحبك جد مو نصب وضحك على العقول ومعه بتنسين هذا وبتضحكين على نفسك انك في يوم من الايام سميتي علاقتك معه بعد ماتجربين الحب الحقيقي آمين يارب العالمين .

ثالثا / لا تتألمين على واحد غشاش ولا تصدقين انه تركك عشان العمر ابدا والله هذا أنا أحلف وانا ماعرف نيته ولا اعلم بخفايا قلبه .. لكن واضحه يالغالية فرق العمر مو عائق لاتمام الزواج لو هو جد يحبك ويبيك فمابالك والفرق بينكم فرق بسيط جدا وهو سنتين .
ياحبيبتي لا تجلسين تبكين وتهلكين نفسك من الهم والحزن على واحد ألحين جالس يحاول يلاقي ضحية ثانية يمثل عليها

عارفة والله ان الوضع صعب لكن يااخيه ألجيء إلى الله أدعيه في كل وقت قومي في آخر الليل واسأليه
لا تسألينه انه يجعله من نصيبك لا بل اسأليه ان يرزقك اللي يستاهلك ويوفقك لما يحبه ويرضاه اقري القرآن كثير واذا كنتي من اللي يسمعون الاغاني اتركيها ألحين تراها والله والله تزيد الهم والحسرة
وراح تشوفين كيف بإذن الله راح تتغير نفسيتك وتنسينه ولا كأنه كان في حياتك

الله يفرج همك ويستر علينا وعليك في الدنيا والآخرة

اشكركم عالردود والدعوات

انتظر ردودكم