انا بصراحه ما انصح المتزوجه و اللي عندها عيال تاخذ طفل لقيط....الاحسن تاخذهم وحده ما عندها عيال....او و حده كبرت و ما تزوجة ....و انا اعرف كثير ناس مربين اطفال عندنا
انا بخبرك قصة وحده اعرفها هي متزوجه والله رزقنها بالذرية ما شاء الله ...بس راحت و خذت ولد تربيه و لما كبر شوي تعبت في تربيته و بد زوجها يتذمر و يلومها غير المشاكل الثانيه....الواحد يالله يالله يربي اللي من لحمه و دمه واين يجيب فوقهم طفل مو من لحمه ودمه و بعدين يستحمله....و إذا هو استحمله ترى العيال ما يستحملون و بيجي يوم و بيعايرونه
القصه الثانيه في وحده فاتها قطار الزوج و راحت خذت اطفال و ربتهم و الحين ما شاء الله اشوف مونسين عليها وحدتها و تروح و تشتري لهم من احلى الثياب و مربيتنهم تربيه صالحه و تسميهم عيالي... الله يطرح لها البركه فيهم
و في بعد عندي قصص ثانيه لناس اعرفهم بس ما ابغي اكثر من القرقره هههههه
اللي تربي طفل مجهول الهوية او لقيط في بيتها تدخل للمشاركة
متابعة النقاش، صفحة 9