مشاكل بسبب طفلة لايتجاوز عمرها ثلاث سنين,,,

السلام عليكم ورحمة الله وبركاته,,,
أنا ضيفة جديدة وهذه أول مشاركة لي في المنتدى واتمنى أن أفيد و أستفيد, بإختصار شديد هذه المشكلة تخص وحدة من صحباتي وهي بينها وبين أخت زوجها وكل المشكلة إن أخت زوجها متعلقة في بنتها, لإن زميلتي كانت تدرس وتحط بنتها عندها لإنهم في نفس العمارة ولمن تخرجت صار عمر بنتها سنتين,طبعا مو هذه المشكلة بنتها صارت ماتحب تجلس في البيت من أول ما تصحى تطلع وياليت كل الوقت عندهم المصيبة الكبرى إنها تنزل وتروح البقالة مع بنات وعيال أخوات زوجها وللإسف الشديد كلهم صغار,وطبعا هم في حارة مو حي وانتم أدرى إيش في الحواري,ولمن صار عمر بنتها ثلاث سنين تبغى تفطمها وتعودها على الحمام "أكرمكم الله" والحمد لله تعودت لكن أخت زوجها مره نزلت لها ولاأخفيكم إنهم بمجسنواترد أن يسمعون صياحها الباب يكسرونه من الطق ويأخذونها ويقولون لها إنك قاسية وتحبين الولد أكثر منها لإن عندها ولد عمره سنتين,المهم لمن سمعت صياحها نزلت وأخذتها وقالت جيبي حفاظة عشان تنام عندي ام البنت رفضت وقالت أنا معودتها على الحمام "أكرمكم الله" وانفجرت أخت زوجها وقالت لها كلام مايسر الخاطر وكان زوجها جالس وتقول له تعال شوف زوجتك طبعا زوجها قال لها من البداية أنا ما أدخل بينكم وهذا كله أم زوجها مع بنتها لدرجة إنها اتصلت على أم زميلتي واشتكتها ,وهي والله جدا طيبة مع أهل زوجها وذحين نفسيتها جدا تعبانة حتى وزنها مرة نزل بسبب هذه المشكلة,نسيت أقولكم إن أخت زوجها مطلقة من زمان وهي كبيرة في السن.اتمنى منكم ياأخوتي في الله أن تكون الحلوووول مقبولة وفيها من الحكمة,,,
وجزاكم الله الف خير,,

19 تعليق 2,088 مشاهدة

شاركي في النقاش

سجلي الدخول لإضافة تعليق.

التعليقات

19
  1. @yom_odaaak

    اسمحى لي اختى يعنى لما كانت محتاجه احد تخلى بنتها عنده كانت راضيه وساكته ولما فضيت الحين تبغى نربي البنت على كيفها هى اللي سمحت بهذا من البدايه ولازم تستحمل وهادى عمتها ماراح تسوى شي يضرها ابدا واذا على نزول البقاله ممكن تخوف البنت من اللي يصير في الشارع او تطلب بكل هدوء من اخته وامه انه البنت ماتنزل تخاف عليها من اللي يبيع في البقاله او اى شي

    لازم تهدى الوضع البنت راح تنجذب لعمتها اكثر لانه حتلقى عندها الصدر الحنون وتلبيه رغباتها اكثر من امها

    واذا على حكايه الحمام الله يكرمك كلنا نعرف انه الطفل اذا اتعود عالحمام يقرف من البامبرز وحتى لو لبستيه في الليل يصحى نظيف فخليها تلبسها ليله ماصار شي لاتدقق وفي الاول والاخر البنت بنتها ومصيرها في الاخر لامها وابوها

    والله انا عندى اخوات زوجى وامه يموتون على عيالي مع اننا في بلد وهما في بلد بس اول مااجى عند اهلى يطلبوهم والله ما امانع صدق اشتاق لهم بس في الاخر هذولا اهلهم لازم يتعلقو فيهم

    خلى صاحبتك تكبر عقلها وتمشي الموضوع ولاتكبره ولاتحاول تدخل زوجها لانه بيوقف مع اهله وامه بكل تاكيد
  2. @am_althkryat

    لازم يكون هناك تفاهم واضح وصريح بسرعه لانها هذا الامر لابد ان تتفق مع زوجها ان محد يتدخل في بنتها لان ذلك ياثر على شخصيه الطفله ويسبب صراع داخلي وعدم الثقه
    وكذلك لابد ان تفرض ردودها حتى لو رفض الزوج ولاتسمح بأخذها مهما صار

    لابد ان تتحلي بشخصيه قويه والله الموفق
  3. @skyaa_1

    الحين العمه ربت والام يوم خلصت تبي تاخذ البنت من عمتها اكيد البنت والعمه مرتبطين مع بعض بعلاقة امومه مو عمه وبنت اخوها مفروض تفرح انهم يحبون بنتها اللحين محد يحب احد انا ربيت ولد اخوى ويوم كبر خذته امه وكرهته فينا وفى جدة اللى هى امى وااقول الاحسبي الله عليها

تابعي تجارب أخرى من هذا القسم.