هل أستمر في كوني "نكره"؟؟!!!

أم كوشه / مها روزي: صادقين والله .. وعلى ما قلتي مو كل الموظفات كذا .. أنا أمي وخالاتي وعماتي بعد موظفات.. وعمرهم ماكانوا كذا مع غيرهم.. لكن يبدو اللي أنا قابلتهم غير!!

الزين غسال يدين/ الشوق والدمعه: على قولتكم الجلسه تقصر العمر.. يعني أنا مو رايحه ورا الماديات.. أنا أبي الفكككككه.......

ومشكورااااااااااات حبيباتي على الراي والشور..... :)

أتوكلي على الله ولا توسوسي عادي راح ترجعي لطبيعتك ولحياتك الاجتماعية وطالما نه زوجك راضي قولي الحمدلله ودوري صديقات ترتاحي معاهم ويكونوا رفقة طيبة في حياتك واشغلي وقتك بالقراءة النافعة وخاصة كتب تطوير الذات وان شاء الله راح تتحسن أمورك ولاتقولي عن نفسك نكرة قولي انا محبوبة واجتماعية موشرط انه اهل زوجك يكنوا من نفس طبيعتك عيشي حياتك بعيده عنهم اهم شي وزجك تهتمي فيه وخلي تعاملك معاهم بحدود الاحترام والود فقط والرسول يقول (أمرت أن أخاطب الناس على قدر عقولهم) عليه الصلاة والسلام فمن الذكاء انك تتعاملي مع كل شخص حسب عقليته ومستواه التعليمي والفكري والله يوفقك

توكلي على الله واقبلي با الوظيفه..لكي ترجعي كما كنتي

سبحان الله مشكلتك جدًا قريبة من مشكلتي لكن بالعكس

يعني أنا مثلك من الرياض وتزوجت عقب ما خلصت الدراسة وجيت لجدة

ومثلك كمان ما انسجمت مع أهلها إلا من رحم ربي والسبب مو إنهم مو عاجبينني ولا شيء بس مجرد إن العادات غير وماني متعودة على طباعهم

الفرق إني أنا الوحيدة الموظفة بين أهل زوجي وهم محسسيني بأني مقصرة مع زوجي وبيتي لأني موظفة
زوجي أول ما تزوجت ما كان وده أقبل بالوظيفة بس الحمدلله رجع واقتنع وهذاني موظفة من يومها

بصراحة الوظيفة على صعوبتها من ناحية تركي لعيالي تعتبر منفس .. قابلت ناس .. تكلمت مع ناس .. وسعت دائرة علاقاتي
بس خسرت أهل زوجي لسبب بسيط هو إنهم جمعاتهم في وسط الأسبوع وتستمر لآخر الليل ومرات للفجر فيتضايقون لمن أطلع من عندهم بدري (عشان بكرة عندي دوام) هم هالكلمة يسمعونها من الرجال بس فكيف أجي أنا أتكبر عليهم وعلى جمعاتهم؟

بصراحة رأيي استخيري الله واقبلي الوظيفة يمكن نتعرف على بعض هههه
لا صحيح اقبلي الوظيفة وجربي سنة سنتين ناسبك الوضع ولا ارجعي استقيلي ويادار ما دخلك شر الوظائف هالأيام فرض ما تتكرر
الله يوفقك ويكتب لك ما فيه خير وصالح

احس انها الفرصة اللي كنتي تنتظرينها
اختاري الوظيفة مع بعض الصعوبات اهون لك دام انها بتكون سبب بسعادتك واختلاطك بالناس

الله يوفقك