احلى تجمع لاحلى حوامل (يناير_ فبراير_ مارس)قرب الفرج ان شاء الله

السلام عليكم خواتي الغاليات ..
أنا داخلة أبشركم أني ولدت الحمدلله يوم السبت وجبت ولد صغنطوووووووووووط :)

طبعا أنا كنت داخله فجر السبت أقولكم أني صاحية على طلق ما ادري عنه كاذب وإلا مخاض ولادة .. كان بادي معاي الساعة 3 الفجر .. وفعلا زاد معاي والساعة 7 ونص الصبح ما قدرت أ تحمل بالمره .. رحت المستشفى أنا وأمي وخالتي .. وكان الرحم بس 3 سم أو أقل .. منتهى الإحباط بصراحة .

وقعدت للساعة 11 والحمدلله وصلت 5 .. بعدين جتني دكتورتي وفتحت كيس الجنين عشان يطلع الماي .. وحطت واير داخل عشان ينقل لهم نبض الجنين بدقة !

وقعد معاي طلق حاااااااااااااااااااااار ورا بعض ورا بعض .. وكانت الممرضة كل ساعة تحط ايديها على بطني وتقول الجنين بعده فووووق .. قلتلها لا تفحصيني من داخل أبدا لحد ما أحس براس الجنين ينزل بنفسي ! .. وعلى الساعة 1 بديت أحس أن راس الجنين دخل الحوض .. بس ما قلت للسيستر خفتها تكشف عليه وتحبطني :(

والحمدلله على الساعة 1 ونص حسيته بيطلع وطلبت من أمي تنادي الدكتوره بسرعة لأن الراس بيطلع خلاص .. والحمدلله ولدت على الساعة 2 إلا ربع الظهر وانتهى شريط الحمل على خير ولله الحمد والشكر .

طبعا أنا من بدا معاي الطلق بالليل قمت وخذت ملعقة عسل .. وشربت ماي زمزم مقراي فيه آيات تسهيل الولادة .. ومسكت القرآن وقرأت سورة مريم ويس والملك .. ولما أذن الفجر صليت الفجر وصحيت أمي وخالتي أخبرهم أن فيني طلق ولادة .. وما قصروا قامت وحده منهم وسوت لي مغلي بقدونس وحلبه ... والثانيه مغلي زعفران وزعتر :( !!!!!!!!!!!!!!!!

كل هذا طفحته قبل ما أروح .. شسوي من قلة الحيلة هذيك الساعة .. لكن الحمدلله ربنا يسر :)

أم علايه : الحمد لله على سلامتك ويتربى بعزك

بس من شريط حملك إنتي لسه ماخلصتي التاسع صح ؟؟

وش مسميته الله يحفظه ؟؟

عزيزة ماشاء الله الله يخلي لج اياه مثل العسل تبارك الله