شاركي في النقاش

سجلي الدخول لإضافة تعليق.

التعليقات

327
  1. آمل الـ ح ـياه
    اهلا وسهلا بكن بنات مصلانا الغالي عارفتهم ** ري الوادي ** جنان الرحمن ** شروق شمس جديده ** حوراء 10**غيوض ** سما الشرقيه **ابيسه** والي ماذكرت اسماؤهم اعذروني الذاكره اف مع الامتحانات مشاركاتكم اسعدتني الله لايحرمني منكم ومن صاحبة ال…



    غالياتي .....لاتنسون قراءة سورة الكهف

    واخر ساعة من يوم الجمعه ...الدعوة فيها مستجابه

    ارجوكم ادعو ا لاخوننا في غزه ان الله يفرج همهم وينصرهم

    اللهم ياحي ياقيوم .....اجمعنا على الخير وقوى ايماننا وثبتنا على الطاعه

    اللهم فرج هم كل مهمومه....وارزق كل وحده فينا ماتتمنى....ياكريم

    اللهم ....انهن اخواتي احببتهن فيك فاجمعني بهن ومن نحب في مستقر رحمتك

    وارزقنا واياهن الفردوس الاعلى.....

    غاليتي ابيسة ......تسألين عن القنوت في صلاة الفجر......لم نلزم با القنوت في صلاة الفجر

    صلي ....ركعتين الفجر بدون قنوت...

    اشكركن اخواتي .....على مداخلاتكن الرائعة

    ومضطره اترككم .....لان لازم انجهز انفسنا للرحله

    ماني مصدقه ...اننا نبي( نكشت ) الله يسعد قلبك اختي ديباج تدرين احب البر

    ترى الجو برد البسو زين وخوذو فروات....معكم ....

    وترى التمر علي ...لان مافيه احلى من تمر مدينتي مشهوره بالتمر الزين

    اترككم في رعاية الله
  2. @aaarfthm

    السلام عليكم ورحمة الله وبركاته
    احبكم في الله
    الله يجمعنا على طاعته ولا يشغلنا الا بذكره
    المسأله فيها بر وحركات وحلى ترى الطبخ علي انا احب اطبخ في البر
    يابنات ماشاء الله عليكم منين تجبون هالصور لي وقت ادور بجهزي ما لقيت الا صورتين من عهد جدتي بس المنتدى مشغول مره ورفض انه يحملهن :09:
    اشكركم جميعا خواتي على مساهماتكم لاعمار المصلى بذكر الله
    بالنسبه للسنن يابنات مع الوقت والاستمرار اتصيرين ما تقدرين تتركينها ابد انا كنت اول ما بديت اطبقا اعتقد من خمس سنوات كنت احسب انه اذا اقام لصلاة الظهر خلاص يروح وقتها وكنت اتركها لحد ما قالت لي وحدة عادي حتى لو خلصوا الصلاة عاااد لاتضحكون ما حد يولد عارف:lechz: الا يا ديباج وين هي فيه المحاضرات
    الله يجزاك الجنه
    بناتالا وش رايكم نتعرف على بعض يعني قليلا من المعلومات الشخصيه التي لاتضر
    مثل الحاله الاجتماعيه والمكان والتي تضر وليس لها داعي ابدا هي العمراستودعكم الله:
    p
  3. @shrok_shms_gdyd

    مساء الخير وجمعه مباركه عليكم جميعا وشكرا على ردك اختي ديباج الجنان الله يبارك فيك وجعل الله ايامك كلها فرح وسعاده
    كيفكم يابنات والله اني اعزكم واحبكم في الله وتسلمين اختي الغاليه ابيسه على الاهتمام ومشاركتك الرائعه الله يعطيك العافيه
    وانتي ياامل الحياة تسلم يدك على الموضوع الحلو وتنسيقه اللي يحببه للنفس الله يجعله في ميزان حسناتك والله افدتينا بهذا الموضوع
    رى الوادي تسلمين على التمر بس لاتكون ذواقه وبعدين تبيعين ترى ماحنا جايبين فلوس في الرحله :)=====================

    اتمنى تعجبكم المشاركه اللي بقدمها لكم وهي الحقيقه شي مر علي في الشغل واثرفيني
    ابداها بهذه الايه الكريمه




    انا اشتغل برياض اطفال وتمرعلي حلات تقهر لاطفال ايتام مثل وحده حبيت اقولكم موقفها وحده يابنات زوجها اللي فرض عليها تربية الولد تعذب فيه وتقرص رجوله قرصات باينه بجسمه والشغاله صارت تكتب رسايل لشغالة اهل زوجها عشان تبلغهم باللي يصير لانها تخاف من عمتها والله الولد ينحب بس سبحان الله الايتام طاقتهم زايده امتحان من الله للانسان اللي بيتكفل فيهم
    واذكر وحده جدها حقد عليها لان امها تزوجت وابوها مايبغاها صار يطفي سجايره ببطنها وهذا الشي انا شفته بعيوني
    لكن الخير موجود الحمدلله والطيبات بيننا الله يكثرمنهم ويثبتهم ويعينهم لاني شفت وحده من الامهات معها بنت معوقه كانت هذي الام روحها في البنت تعاملها معامله ماتتخيلون كيف طيبتها وهدوءها وهي تتعامل مع البنت وكانت دايم تمرعلي وتسلم وحبوبه ودايما كنت ادعيلها ان الله يعينها على حالة بنتها وهي كانت تشكرني بدون ماتقول انها موامها وانها زوجة ابوها ؟؟؟؟ عرفت من ملفها ان اسم امها غير ولمن سالت المديره قالت ان امها توفت في حادث والبنت صارت لها هذي الاعاقه وتزوج ابوها من هذي الانسانه اللي دايم ادعي لها بظهرالغيب عسى الله يكثر من امثالها
    =====================
    هذي مختصرولاانا شفت كثييييير والله يهدي اخواتنا اللي يكسبون اثم في الايتام مايدرون انه يضيعون على نفسم رفقة الرسول صلى الله عليه وسلم في الجنة لو احتسبوا وصبروا

    اتمنى تكون المشاركه مفيده وماكون طولت عليكم ولكم مني كل التقديروالحب:26:
  4. @horaaa10

    اختي ديباج الجنان بارك الله فيك يا شمعة الملتقى .. رحلة البر حلوه في الشتاء مع اخوات نجد فيهن دفىء الأخوه الصادقه .جنان الرحمن غيوض سما الشرقيه ابيسه امل الحياه رى الوادي عارفتهم شروق شمس جديده كلكن احبكم في الله الله يجمعنا في ظله يوم لاظل الا ظله .



    غيوض الله يثبتك على الطاعه انا سعيده بكلامك اسأل الله العظيم ان ينفعنا بكن اخواتي وبتجمعنا الطيب بارك الله فيك



    بارك الله فيك اختي سما الشرقيه واهلا بك اخت غاليه .

    ابيسه كلام يكتب بماء الذهب بارك الله فيك يا الغاليه .

    امل الحياه جزاك الله خير على الموضوع القيم الله يسهل عليك الأمتحانات للحين ما خلصتوا الله يعينكم

    رى الودي جزاك الله خير على الدعوات الطيبه ولكي مثلها بارك الله فيك .

    عارفتهم الله يثبتنا واياك على الطاعه .. حبيبتي ما حد ولد متعلم انا عن نفسي كل يوم اتعلم

    شي جديد .. اما بنسبه لتعارف فكره حلوه نخليها على كيف الأخوات الي تبي تعرف بنفسها

    براحتكم يا الغاليات .. انا ببدأ قبل صاحب الفكره بتعريف نفسي

    انا حوراء .. ام محمد ,, متزوجه وعندي اولاد وبنات الحمد لله..الله يحفظهم ويبلغنا برهم

    من قطر,, ويش تبون تعرفونه انا تحت امركم

    عارفتهم الله المستعان على الأشياء الي نشوفها من بعض الناس من قساوة قلب انا ما اتحمل

    اذا شفت يتيم على طوول ما اقدر امسك دموعي يااااالله انته ارحم بهم منا .. حسبنا الله ونعم الوكيل
  5. صاحبة الموضوع
    ابيسة
    ما شااااااااااااااااااااء الله :26: امل الحياة جزاك الله خير على الكلام الرائع الله لا يحرمك الاجر غاليتي ري الوادي حبيبة قلبي الله يجزيك الخير و يسعدك يا اختي العزيزة جنان الرحمن دعواتك يا غالية شروق شمس جديدة ... طمنينا حبيبتي …




    سما الشرقيه تسلمين والله يعافيك يارب

    بالنسبه لآختي ابيسه وسؤالك عن قنوت الفجر!!
    لا لا اختي مافيه قنوت بصلاة الفجر ابد
    يمكن تكونين لخبطتي بين قنوت النوازل
    ولكنه يكون في اي صلاة مو بشرط الفجر
    ولو بحثتي برابط موقع الشيخ أبن باز كان فهمتي اكثر

    والله يابنات لو تخصصون من وقتكم كل يوم بس
    ساعه وحده بقراءة الفتاوي والاحكام بالموقع كان استفدتوا كثير منها

    أقراي هالموضوع بالتفصيل بتفهمين أكثر

    http://www.islam-qa.com/index.php?QR=20031&ln=ara

    ومشكوره على مشاركتك
    لكن من سمح لكم تكتبون المشاركات قبل الرحله:(
    هههههههه خربتوا الرحله علينا,,بطلنا خلاص

    تراي امزح لكن أباجهز للرحله وأبي منكم أفكار
    من عقولكم متميزه مانبي نسخ ولصق
    أكيد فهمتوا علي
    باذن الله أباجهز للرحله خلال ساعات وأنزلها لكم


    امل الحياة

    ماشاءالله وش هالآبداع وهالحركات
    والله موضوعك مميز وروعه بمعنى الكلمه
    حتى أني دخلت بأحط لك شعار التميز
    لكن عدد الصور تجاوز الحد ولم يقبل الشعار
    لكن ابدعتي فعلآ الله يجزاك خير
    الموضوع يشرح النفس لآنه متعلق بالطبيعه سبحان الله العظيم

    وبشرينا عن نتايجك بالتوفيق يارب

    ري الوادي
    ياهلا والله وغلا هو فيه احد مايحب البر!!مستحيل
    تدرون ليش الناس تحب البر لآنه بساطه مافيه تكلف
    حياة المظاهر اتعبتنا واشغلتنا وجابت لنا الهموم ياساتر

    والتمر لا تنسين القشد تكفين ترى برد


    عارفتهم

    هلا وغلا بتطبخين لنا بعد... ماشاءالله عليكم والله كلكم خير
    بالنسبه للصور مليان النت أبحثي بالمحركات وبتلاقين
    وراح ارسل لك على الخاص بس افضى

    بالنسبه للتحميل انا ماأحمل انا انقل مباشره ماعندي وقت أبد
    وبالنسبه للمحاضرات تقصدين اللى بألاعلان
    بمدارس الرواد






    شروق شمس جديده

    مشاركتك مؤثره ومفيده بالعكس
    الله يعين على هالدنيا
    يتاس والله مأدري هالعالم من وين قلوبهم هاذي
    شلون يسوون كذا يعني والله شي غريب فعلآ


    حوراء

    حسافه صرتي بقطر
    الظاهر كل اللى معنا من أماكن مختلفه
    لكن يجيب الله خير..وأتمنى ماأحد يفوت الفرصه للحضور

    وبالنسبه للبطاقه الشخصيه لي
    ربة بيت عندي اولاد وبنات
    وعايشه بالرياض

    اعتقد البطاقه المختصره تكفي ههههههههه خايفه يلقى القبض علي

    حياكم الله والله لا يحرمنا من هالمصلى اللى كله خير وبركه


    انتظروا الرحله وتجهزوا

تابعي تجارب أخرى من هذا القسم.