السلام عليكم والله مدري كيف ابدا بس مشكلتي إني تزوجت واحد مطلق وعندة عيال أيام ماجيتهم كانو صغيرين وحطيتهم في عيوني وعاملتهم بما يرضي الله والله الشاهد على كلامي وبعد ثلاث سنوات جت امهم وقطت علي ولدها الصغير مايتعدى سنة ثلاث سنوات بحجة تتزوج وعندي قبلة ثلاثة والله حالتة يوم جاني تبكي الصخر مدري كيف قدرت تتخلى عنة وراحت تتزوج ومشت الحياة وهم معي في نفس البيت لانة كان حاط شقتين وحدة لي وحدة لهم بس انا رفضت قلت سلم الشقة وخلهم يعيشون وسطنا والله اني متخلية عن ابسط حقوقي الي هي الخصوصية ولا عشت حياتي وكل شي يصير بيني وبين زوجي منقول لأمهم وصبرت وتحملت وقلت ان شاالله بيرزقني على قد نيتي اة ياحسرتي بس بعد ماكبرو انقلبت حياتي فوق تحت الحين الكبيرة عشرين سنة والصغير كانة ولدي عمرة 13 صارو يضغطون على ابوهم يرجع امهم بعد ماتطلقت وهي صارت تشن الحرب بأساليب من تحت لتحت يعني تمنع عيالها مايجون عندها في الأجازات ويقعدون عشان ينكدون علي وانها راجعة راجعة وان ملكتة عليها قريبة وان مطنشة وانا الحين صارلي ستة شهور ماطلعت من البيت ولا شفت اهلي وقاعدة عشانهم يخلصون امتحانات وانا مأجزة بس قاعدة عشان خاطرة والبارحة قلتلة بروح عند اهلي بغير جو قام نط في وجهي قال ماتتعدين يومين قلتلة طالبتك اسبوع بس قال لا
ترجعين عشانهم قلت انا رايحة رايحة ماعاد اقدر احس باختنق قال ولا تتعدين البيت من يأكلهم ويشربهم قلتلة خلهم يروحون لامهم يغيرون جو قال امهم ماتبيهم والله يابنات اني انا وشغالتي الحين زي المطعم يتامرون ويطلبون كل واحد علي كيفة وانا ساكتة وهم حريم وانا سويلي كذا وانا مابغى اكل الحين واوامر مالها حدود وانا ساكتة وهي شغالتي وان ادفع راتبها واهلكوها كلة يبون يضايقوني ومنعني من الروحة عشانهم وعشان اصير روم سيرفس لهم جحدني في كل الي سويتة وقال الله لا يكثر خيرك ويم قلتلة هي اسبوع خل وحدة من بناتك تطبخ لأخوانها قال انت تغيرين من بناتي شوفو التفكير بس أغير وانا شايلتهن في عيوني ياويلك من الله حسبي الله ونعم الوكيل لو اغير قلتلك حط لي بيت وبناتك بيت بس انا أعتبرهن زي بناتي والله اني مالي نفس اكلمة ودي اتطلق منة وارتاح من الحكي الي اسمعة وهو بكيفة يرجعها واكيد بيرجعها والله لو ادري ان همها عيالها ماعندي مشكلة بس تبي تحرني وتخرب علي حياتي الله يرد كيدها في نحرها حاسة اني بختنق اخاف على شعور الناس ولا احد ناظرني ولا حس فيني حتى زوجي الله ينصرني بالحق ويرد كيدها في نحرها والله اني ابى الطلاق ارتاح منة ومن عيالة ومن طليقتة اه اه اه
شاركي في النقاش
سجلي الدخول لإضافة تعليق.
التعليقات
25- ياحياتي
الله يعينك ويفرج همك
حسيت فيك والله وبكل كلمة كتبتيها
بس ابي اقولك شي.
لاتقدمين على خطوة زي كذا وتطلبين الطلاق الا لين ماتستخيرين ربك اكثر من مرة
وتطلبين منه في سجودك وانتي خاضعة له انه يقدرلك الخير اينما كان ويرزقك فية
والشي الثاني ابيك تعرفين شي واحد بس............
تتوقعين ان كل ذا اللي سويته لعيال زوجك بيروح هباءا منثورا
اذا انتي اخلصتي النية لله.........؟
اسمحيلي بقولك........ لا
والله بتلقينها بمشيئة الله في دنياك قبل الاخره
عشان كذا اللي تسوينه معاهم احتسبيه لوجه الله ولاتنتظرين لامنهم ولامن ابوهم شكر
وانتبهي لاتخلين الشياطين توسوس بك وتلعبك يمين ويسار
لا حبيبتي توكلي على ربك
وفوضي أمرك عليه
الله يوفقك في حياتك
وييسر امرك ويعينك على من أذاك - ااااااااه ياقلبي
الله يفرج همك وغمك
بس لا تنسيييين اجرك عند الله مايضيييع
واذا هم كذا مايحترمووونك ولا بالهم عليك اطلبي راحتك غصبن عنهم وروحي خذي لك اجازة انتي وخدامتك عند اهلك وقولي له عاااادي اذا بيرتاحون عيالك وبترتاح رجع امهم!!
بس طبعا بعد ما يوافق على شروطك<<اللي هي بيت لك وبيت لهااااااا
والطلاق لا تحطينه براسك الا اذا ماراح يعدل ابد..
والله يهدي سرررك وييفرج كربتك
والله اني حاسه فيك..والله ينصرك على ظلمك..ويعطيك على قد نيتك.. - اخذي وقت مستقطع باليوم ريحي فيه اعصابج وفكري بهدوء ولا تعطينها مجال تخرب بيتج هذا اللي تبيه اهي من الاساس والزمي الاستغفار
والله يسخر لج زوجج يارب
انا ماني عارفه ليش اهي تسوي هالحركات تشيش عيالها عليج وتسلطهم عشان يضغطون على ابوهم يردها مره ماكان لج نصيب مع الاول بوعيالج تزوجتي الثاني وقطيتي ضناج بطريقه غريبه الحين يايه ترسم على كبير عيال كبار جاهزين وبيت وزوج سابق !! انتبهي تنولينها اللي براسها وقعدي واحتسبي الاجر بس فكري بنفسج بعد وخشيلج فلسين للزمن - كلماتك من قلب محروق
الله ينصرك يارب
حرام الام تخرب علىاولادها
اذ كر وحدة تربيهم وتتعب عليهم وبيوم واحد من يروحون لوالدتهم تهدم كل شي ويرجعون لزوجة ابوهم عدوانيين
مثل هذولا حرام يطلق عليهم ام تربي عيالها على الحقد والمكائد ورد السؤ بسؤ
اختي انتِ غلطانة لمن جبتيهم عندك ومثل هدولا ماينفع معهم لو تشعلي اصابعك شمع لهم
انقذي مايمكن انقاذه وهتمي بنفسك وخليك قوية - ياعمري حاسه بك وصدقين ان الاجر من الله الحمدلله موعلى الرجاجيل ماتدرين معروفك هذا يمكن يدخلك جنه عرضها السموت والارض الله يسعدك ويصبرك ويرزقك
مواضيع مشابهة
تابعي تجارب أخرى من هذا القسم.