في يومن من الايام وفي ليله من الليلات وتحت ضوء القموور وفوق اشعه النجمة
ومع التلزق في خيووط الشموووسه >> مهي ناويه تخلص
سمعت صديقاتي يتكلمون عن فيلم (سكريم)>>> هذاك ابوووقناااع ابيض اللي يخررع عرفتووه
المووووهم هووو فلم مرررعب ...
وهات يامدح فيه
( والله روعه سكريم مافيه احلى منه)
( لالاسكريم هذا شيء)
(لايفوووتكم هذا خيالي )
وانا فاتحه فمي احسب انه عسكريم

واطلع البيت واقول لصويلح اخوووي (صويلح قم انقز وجبلي عسكريم)
ويقوم ويروح يشتري واخذه ومالقيت عليه اسم عسكريم ابووجه ابيض
واقول صويلح يامال الي مهوب قايله هذا مهوب عسكريم

البنات يقولن اسمه ابو وجه ابيض وهو عسكريم
وياخذ العسكريم ولزقه بوجهي ويقول هذا ابو وجه ابيض :06:
واروح اصيح عند امي واقول ابي مثل البنات ابي مثلهم
كلهم مدلعين الا انا وش فيني الزين متربع علي والله
لاروح اتسدح بالتراب واصير قشرا غبرا >>> من الزين الي مقطعتس خخخخخخخخخ
قالت امي روحي كانس تمساح روحي
قلت لاتحسبيني صويلح...انا رحووووقة
قالت خير ياطير >>>>> حقهاااااا مهضوووم في الدلع
واروح اصيح عند ابوي واقول (فااااااذر هلبس مي )
يقول وش فيس قلت ابي زي صديقاتي عسكريم ابو وجه ابيض
قال فيه عسكريم ابو وجه ابيض ؟؟
قلت ايه
قال يمال الهبال الي ياذخس ويمغطس
>>(كني مهوب بنته) واقعد اصيح واصيح ومحد عطاني وجه
وقلت مالي الا اشتري بعمري
واطلع واخذ عباتي وامشي المشكله
اني مااعرف الطريق اساسا واحنا صغار مانعرف الشارع
واروح للمكتبة وادخل وافتح غطوتي وابوس راس راعي المكتبة >>> ذربه خخخخخخخخ
واقول شلونك عمي وشخبارك وشلون سلمى >> سنعه ياحبي لي
واقول (انكل ) خخخ اخس ياعنقليزي
عندك عسكريم ابو وجه ابيض
>>> الرجال انبطح ضحك علي
واجيه واسمي عليه واقول سلامتك عسى ماشر وشفيك >>> دلخه خخخخخخخ
ومات ضحك علي...
واضف وجهي وانلقع خفت منه
واروح للبقاله وادخل وافتح غطوتي الا وذاك الشعر الى يلمع
رفيق شنو هذا في شعر انت حاطن فازلين ؟؟ ولا زيت الغدا خخخخخخخخخخخخخ
لايصير قاعد تقلى سمبوسه خخخخخخخخخخخخ
قال لي ايش في انت مجنون ؟؟
قلت جنون يلعب فيك اخلص علي وعطني عسكريم ابو وجه ابيض
قال مافي اسكريم
قلت لا والله احلف..وبعدين مهوب اسكريم اسمه عسكريم
ويقوم الضعيف ويدور وكل شوي مطلع لي شكل ولون
واقول لااااااع

ومليت وتعبت..وقلت مالي الا ادق على شيوووخة واسعلها
واروح للبيت وادق
انا/ مساس الله بالخير
ام شيوووخة / هلا رحوووقه وشلون امتس >>> نستني
انا / طيبه تسلم عليتس >>> انواع السذب
ام شيوووخة / الله يسلمها
انا / اخلصي وين لسونه >>> مستعجلة تبغى عسسسكريم خخخخخخ
ام شيوووخة / اصبري دقيزه
انا / طيب
شيوووخة / هلا وغلا ومرحبابالطش والرش
والبيض المرصع والبرتقال المقرش والطماط المطحون
انا/ خلاص عاد
شيوووخة / هاه وش تبين
انا/ شيوووخة وش لون ذاك العسكريم؟
شيوووخة / وش عسكريمه !!
انا / ذاك الي تحسون عنه انتي وخوياتي
شيووخة/ ماقلنا عسكريم ولا شيء
انا / نعنبوا السذب ..ذاك الي اسمه ابو وجه ابيض
شيوووخة/ كع كعكع هع هع هع هي هي هي
انا / بلا مصاخه قولي وشو؟
شيووخة /الله يرحم والديتس مهوب عسكريم
انا /اجل وشهو؟ >>>> وجها يتلوون

شيوووخة / هذا فلم اسمه سكريم
انا/ طيب وشفيها هما الفيلم يوكل >> تحسبه فليك :29:
شيووخة / شوفي يانظر عيني (فيلم هذا مايوكل هذا حق فديو زي التلفزيون وسكريم هذا شريط للفديو فهمتي؟؟؟ )
انا / يعني ذولي ماتوكل ؟>>> غباء متفحم
لسونه / لا
انا/ طيب سوري لسونه كلفت عليتس >> زعلانه لانهم مايوكلن خخخخ
شيووخة/ لا عادي رحووقه خخخخخخخخخخ بقول للبنات باسر عنس
انا /لالا ارجوس لاتقولين
شيوووخة/ وش دخلني >>>> مجرممممة
واسك السماعة واقعد اصيح :06:
خسارة عسكريم ابو وجه ابيض
تخياطي ...
وبككككككرة اكمممل واعلمكم شيووووووخة وشلووون علمت اهااات وحبوووبة وقلوووبة وغلغووولة عني :06:
