شاركي في النقاش

سجلي الدخول لإضافة تعليق.

التعليقات

126
  1. @lyana_3

    وانا عانيت منها
    وهي مؤلمة جدا وصعبة
    وصلت لدرجة العزلة والخوف من الخروج والبعد عن البيت
    حتى عملي كنت بفقده
    ورحت للدكتور واخذت حبوب لمدة ثلاث شهور والحمد لله خفت كثير بالبداية
    بعدين صرت اخذ حبوب عند اللزوم مهدئة
    وتباعدت الحاجة لها الى ان انقطعت الحالة والحمد لله
    اهم خطوة في علاجها انك تفهمي وش سببها وكيف تحصل لك
    وعلى فكرة يابنات هي ما تحصل الا بعد صدمة قوية او تراكم مشاكل كثيرة بحياة الواحدة
    فيبدأ العقل يعطي اشارات خاطئة للجسم من كثر ما تعب العقل والاشارات هذه هي الاعراض بانه في شئ غير طبيعي ومخيف
    بس هي اشارات كاذبة ومت تؤذي ابدا
    بس المسألة يبغى لها صبر
    وراح تحس الواحدة ان شخصيتها اتغير فيها اشياء كثير
    انا ما حسيت اني رجعت لشخصيتي الطبيعية الابعد سنتين
    انصح كل واحدة تعاني انها ما تتأخر وتروح للطبيب
  2. @oaaaaao

    ااااااااه تعبت من نوبات الهلع احيانا ودى اصرخ اقول خلاص تعبت تعبت الى متى
    شعور غريب مخيف احسه عذاب باليوم اكثر من مره
    ادعولى
  3. @odh_12

    السلام عليكم ....


    مشكوره اختي ماقصرتي...

    انا بعد عانيت من هالمشكله ..


    اسمحولي اتكلم عن مشكلتي شوية ..لاني لما كانت ببدايتها كنت ارتاح كثير لما اقراء لاحد متكلم عن نفس المشكله ...


    بدات معي المشكله قبل تقريبا 3 او اكثر ...من كارثة توسونامي لما كنت باول ثانوي ...من لحظتها بديت افكر ان الواحد وهو قاعد مبسوط ممكن يجيه شيء فجاء يموته اويعيقه عن اي شيء بالحياة ...

    بدات اولا احس اني مريضة الله يكفينا الشر بالسرطان ..وقلت لاهلي حاولو معي يودوني طبيب يثبتون لي ان الشيء هذا خرابيط بس انا ارفض خايفه ..الى ما اقنعون اهلي اني اروح ..رحت الحمد لله وسويت فحوصات واشعه ..الحمدلله سليمه ..صار اللي بي التهبات بالجيوب الانفيه واشياء زي كذا ..
    بس يابنات تصدقون وحنا طالعين بالسيارة ...كنت اقول اكيد الدكتور مايعرف يكشف ولا انا بي شيء اكيد <<شفتوا وشلون وسوسه الشيطان ..اعوذ بالله منه ..

    بهذي الفتره حالتي انقلبت فوق تحت ..كنت مررحه جدا وضحيكه انا اللي احرك الناس اذا اجتمعنا ...صرت على الصامت بالاجتماعات الضحكه ماتطلع من ابد ....

    كنت مليانه شوي ..نحفت النص ..كلن يسالن ...مشاء الله وضحى وشو الرجيم اللي متبعته ...وانا هات من انواع الريجيمات ..ما اقدر اقولهم هذي حالتي ....

    نرجع لحالتي النفسيه ..

    قضيت من سالفة اني مريضة بمرض خطير ...جيت لقصة الموت ....صار عندي خوف من الموت ...قطعت اتصالاتي بصديقاتي واشياء كثييييييره كنت متعوده عليه ...عشان خوفي من الموت ...
    تجين الحاله اللي هي...تبرد اطرافي وقلبي يمشي مليون ...وابدا ارتجف ...واركض اقوم ابوي وامي ...اقولهم خلاص ابموت ...
    اذا قاموا وهدون وقعدوا معي شوي اهداء ...

    وهذي حالتي يوميا ...رحت لشيخ يقراء علي ....
    وجتن فترة اصريت على ابوي اروح لدكتور طارق الحبيب ...ورحت واخذت مواعيد عندهم بس ماكملت ...

    كل هالفترة كانو امي وابوي معي وبعض من اقاربي (الله يجزاهم خير ويجعله في موازيين حسناتهم ) ...يقنعوني ان هذا شيء بنفسي انا مايحتاج لا دكتور ولا احد ...اذا انا اقتنعت انه هذا الشيء وسواس من الشيطان راح يروح ولا يشغل تفكيري كثير ...

    بس صدق واني في ذيك الحاله مهما كان ماحد يفهمك زين الا اللي مجرب ...شعور يقتل صراحه ...


    الحمدلله والشكر-مشاء الله تبارك الله- انا الحين مو زي قبل خفت عندي الحاله بس مازالت تجيني من فترة لفتره ...وكثير تجيني باوقات العطل ...احس فيها وقت الدورة الشهريه ...



    امممممممممم ...بعد والله عندي اشياء كثيره عن هذه الحاله .....
    بس احس اني كثرت الكلام ....

    بنات ...اي وحده تبغى تسالني او تستفسر لا يردها شيء ....اعرف وش قد الواحد في هذي الحاله يحتاج احد يتكلم معه وخصوصا اللي مر بهذه الحاله .....


    ويااارب ياحي يا قيوم تشفين وتشفي جميع مرضى المسلمين ...يا ارحم الراحمين ....

تابعي تجارب أخرى من هذا القسم.