الموضوع مغلق

شعرك مثل عباد الشمس ..........

سلام يا احلى بنات في احلى منتدى

انا اليوم شفت تجربه جدا مفيده وقلت لازم اقولها للحبايب علشان افيدهم

اكيد كلكم تعرفون ان ماء الحلبه مفيد للشعر لكن مافي احد يتشجع ويسويه علشان ريحته وانا اول وحده :32:

بس حبيبتكم اموول لقيت لكم طريقه تخليكم تستفيدون من الحلبه بدون ريحه



قولو كيييييييييف




قلتولي كييف
اول شي تحطين حلبه مقدار قبضه اليد في كأس ونصف ماء مع ملعقه شاي قرنفل وتتركينها تغلي لمدة 10 دقائق

بعدها تاخذين المويه فقط وتحطينها مع الحناء او السدر او لوحدها على راحتكي المهم تتركينها على شعرك ساعتين وبعدين اغسلي شعرك عادي


هو مفيد جدا للتصاقط والي شعرها منكوش راح تحس انه هدى وصار رطب ويسمع الكلام :22: :22:

والله يابنات بنت خالتي شعرها يتساقط ومنكوش كنها عباد الشمس :21:

بس لما استخدمت الحلبه صار شعرها محترم .


اي سؤال انا في الخدمه

26 تعليق 3,013 مشاهدة

شاركي في النقاش

سجلي الدخول لإضافة تعليق.

التعليقات

23
  1. @rayaah_100

    هلاااااااااااا امول

    يعطيك العافيه على هالوصفه الجديده اموووووووووت بالجديد

    بس عندي سؤال ياترى القرنفل مو حار على الشعر لاني سمعت انه يقطعه

    والحلبه بهاي الطريقه مالها ريحه؟؟؟؟؟؟؟

    بس والله ضحكتيني بجد على عباد الشمس:21:
  2. @amool_2002

    صاحبة الموضوع
    هلا والله بالقماري

    رائعه
    الله يعافيك
    ياعسوله القرنفل يكون قليل اق بكثير من الحلبه يعني مقدار ملعقه شاي او نصف ملعقه فقط علشان يشيل الريحه
    تصدقين الحين صارت بنت خالتي جوري بعد عباد الشمس كخخخخخخخخ

    مع الايام
    العفو لا شكر على واجب
    يا احلى ايام
    القرنفل يكون مطحون والحلبه حب مثل ماهي


    اي سؤال انا جاهزة
  3. @mshaaar

    مرحبا امووول خلطه سهله وانشاء الله نتائجها تطلع فعلا رهيبه وتخلي شعري يسمع الكلام ويكثر لان هذي مشكلتي معاهلكن عندي سوال متي الاحظ التحسن؟؟ خلال كم ؟؟
  4. @amool_2002

    صاحبة الموضوع
    هلا مشاعر

    اذا كان شعرك منكوش راح تلاحظين الفرق من ثالث استعمال وبالنسبه للتساقط فبيكون بعد فترة مو طويله لكن على حسب استخدامك لها
    يعني اذا حطيتيها مرتين في الاسبوع راح تلاحظين الفرق بعد اربع اسابيع
    اما اذا استخدمتيها 3 مرات طبعا النتيجه راح تكون بفتره اقل

    ان شاء الله اكون افدتك
    واي سؤال انا حاظرة

تابعي تجارب أخرى من هذا القسم.