لاحول ولاقوة الا بالله
والله ماأخذ شئ بالأكراه هذا تعبه واجي اخذه بارده مبرده وانا مرتاحه بالبيت
لا الأحسن تتفق الزوجه مع زوجها انه يعطيها مصروف 200 ريال فقط لاغير شهرياً
والله تتبارك ال200 وتجمعها الوحده شوفي عاد بعد كم شهر ايش معك
لازم الوحده يصير عندها مصروف لوحدها مثل ماقالوا الأخوات لمن تروحين لأهلك الا ومعك فلوس تجيبي اللي تبينه
وتقطين بعشاء حاجه زي كذا او تقطين حتى تعملوا حفله صغيره بمناسبة نجاح الأولاد
والله عندي 4 اطفال الحين ومابديت اخذ ال200 الا قبل كم شهر واحسها تتبارك لدرجة ان اشري لأولادي منها اي شئ يحتاجونه
واطلع للبيت مره فاكهه اي شئ والحمدلله تتبارك والحين على وشك ولاده وناويه اجمع حتى لمن تجي الصيفيه
يكون معي مبلغ حلووووووو لمن حسبتها تقريباً 1000
وعليها شوي حتى لمن ازور اهلي يصير معي اللي اقدر استانس فيه
لأن كنت قبل بالعربي اروح لأهلي والله مامعي الا 50 ريال بس وللأولاد مو بخل بزوجي لا بس زيارتنا ماتصادف
الا الطفره ويالله كلها تساهيل من الله
حاولت فيه لمين وافق ع المصروف ال200 ريال والحمدلله على كل حال
بس لاحظوا احياناً اطلع شئ لبيت اذا صار فيه نقص مثل غاز شئ اطلع والحمدلله تتبارك ال200
والقناعه كنز لايفنى
وبالنسبه لأي وحده زوجها مو مقصر عليها بشئ يعني ماشاءالله الراتب حلوا ويعطيها اللي تبي
تحاول فيه الين يخصصلو 100 ريال كفايه وكثيره بعد
وبالنسبه للي تقول شغاله انا يعطيني راتب لا ياحبيبتي ماحد جاب طاري الشغاله ولاحنا بشغالات
لأن الوحده في بيتها معززه ومكرمه وان اشتغلت اشتغلت لزوجها ولعيالها ولنفسها المصروف مجرد توفير لاأكثر
يمكن انتي تقدرين اتجيبين اللي تبين وزوجك مايخلي عليك قاصر وموفر لك اللي تبينه بس فيه حريم الله اعلم بحالهم
يصير عندها نقص بملبس بشئ خاص وفعلاً بعض الأزواج الله يهديهم ينقصون على حريمهم
وكثير سوالف سمعتها عنهم لامصروف ولاشئ ولايطلعها ولايجيب لها ولا اشياء كثيره وبعضهن يلجأن للمحاكم
والشيوخ حتى يحط مصروف اجباري من النقص اللي يصير لهن وازواجهن ولا على بالهم
والأصابع مو سواء فيه اللي مرتاحه والله يزيدها وفيه اللي مو مرتاحه وينقصها الكثير
والله في بالي كلام كثير بس احس اني طولت عليكم وتعبت من الكتابه
الله يسخر ازواجكن لكن ويوافقون على كل اللي تبون بدون مبالغه
واتمنى اني ماضايقت احد بكلامي وكله موضوع ونتناقش فيه
لكم ودي
زوجك يعطيكي مصروف او ما يعطيكي
متابعة النقاش، صفحة 8