شاركي في النقاش

سجلي الدخول لإضافة تعليق.

التعليقات

1,954

  1. @doh_alkran_1

    صاحبة الموضوع
    جــــــود 4
    ما شاء الله تبارك الرحمن الله يحفظك يا رب و يبعد عنك العين و الحسد كنت ناوية اقرأ بعض الصفحات و اروح اتعلم لي كم طبق من بعض المواضيع على كثر ما اشوف ما اجرب كثير بس يوم قريت موضوعك عجبني ما شاء الله و ارتحت لك قلت خلاص متابعة معك إن شاء ا…
    هلا بك اختي { جــــــود 4 } حياك الله
    الله يجزاك خير على هالدعوات ولك بمثل ان شاء الله
    ومشكوره على الثقه اتمنى اكون قد ثقتك وافيدك باللي اقدر عليه
    وياليت كل ماطبقتي شي تبلغيني
    والبهارات هذي موجوده في السدحان وجيان وغيرهم كثير والظاهر العثيم
    كلهم تلقينهم في قسم البهارات

    :cook::39::cook:

  2. @doh_alkran_1

    صاحبة الموضوع
    جــــــود 4
    و بسأل لو سمحتي عن عصير الفراولة او سلاش فراولة شفت محل يسوبه و عجبني و حبيت اسويه في البيت بس ما اعرف هي في البداية أخذت جيك عصير فراوله طبعا ما عليه الاسم للأسف المهم حطت شوي في الخلاط و حطت ثلج و حطت صوص فراولة هذا اللي ما عرفت وين الا…
    وبالنسبه للعصير هذا بصراحه ماعرفه بس بسوي لك شقف فراوله قريب
    ان شاء الله يمكن يصير هو والله مادري

    :cook::39::cook:

  5. @doh_alkran_1

    صاحبة الموضوع
    العــابرة
    ماشاء الله اطباق رااائعة جزاك الله خيرا
    8- الرز البخاري بالكوسه على اصوله

    اليوم راح انزل لكم رز لذييييذ وهو الرز البخاري بالكوسه
    واحد يحبه بدون خضار انتي حره
    بس بالكوسه الصراحه رووووووووعه بالمره
    ونبدا بالطريقه المصوره
    اول شي اجيب القدر واحط فيه جزره مبشوره وكم حبة كوسه حسب الرغبه
    وحبة طماطم مبشوره وملح وماجي ابيض وبهارات عدله
    هيل ودارسين ومسمار وورق غار وليمون اسود
    وزيت اكثر من زيت الرز العادي
    واضيف لهم مويه مغليه لنص القدر واولع النار وبعد مايغلي
    اضيف الدجاج المنظف واغطي القدر واخليه يطبخ لمدة ساعه الا ربع
    وعلى حسب مدة طبخك للدجاج انا اخليه مستوي مره
    زي ماتشوفون



    وبعد مايستوي الدجاج اطلعه واكب الرز والمويه تكون اقل من الرز العادي
    زي ماتشوفون



    ولما ينشف الرز ويكون حب شوي مايستوي مره لان المويه قليله
    مثل ماتشوفون



    اقصدر القدر واغطيه باحكام عشان يكمل سواه بالبخار وهذا سر طعمه اللذيذ



    واخليه اقل شي نص ساعه وطبعا اقصر على النار مره
    وقبل التقديم اقلي الدجاج بالزيت وحطيه على ورق نشاف
    وهذا شكله النهائي



    اتمنى يعجبكم وتقررون تطبقونه

    والقادم احلى واحلى باذن الله

    :cook::39::cook:

تابعي تجارب أخرى من هذا القسم.