انتبهووووووو من عمليات الربط و التكتيم و التحوير
بنات و شباب انتبهوووووووووووووو انتبهو من جشع الاطبا . انا ليا خبره كويسه بهدا الموضوع و اقولكم انه الطب صار كلللللللللله تجاره . بس دحين ابغى انشر تجربتي مع ربط المعده عشان اريح ضميري و اوصل تجربة للناس عشان يفكرو الف مره قبل ما يسوو هدي العمليات . هدي العمليات تتعامل مع الشخص كانه مو انسان .ما اقدر انكر انه في ناس كتيره استفادو من هده العمليات بس بنفس الوقت في كتييييييييير اتعذبو و في كتير نحفو بس ما تدرو ايش صار بمعدتهم و جسمهم من التهابات و قرحه يعني لو ضلو سمان كان احسن . انا يا بنات سويت العمليه من 5 سنين و ما استفدت منها ابدا عملية ربط المعده . دكتوري ممتاز و العمليه ناجحه ميه بالميه بس انا ما استفدت لانه انا ما اكل كتير بس احب الحلو و الي ياكل حلو مستحيل ينحف مع هدي العمليه حتى لو ياكل قليل . و لو وحده فيكم تقدر تترك الحلو معناته تقدر تنحف بدون ما تسوي العمليه . بس اقولك تجربتي مع الوقت صار يجيني اوجاع و نفخه و كل ما اكل انام على بطني عشان اتضايق من الاكل . طبعا هدا شي طبيعي بربط المعده و ادوني ادويه و كدا بس عالفاضي . المهم انا حشيل الربط ان شاء الله ادعولي انه يتم كل شي تمام . بس انا ابغى انصح الناس يعني لما رحت الدكتور اخر مره لقيتهم مخترعين عمليه تانيه و هيا تكتيم المعده . قال يقص المعده و يرمو جزء كبير من المعده بالزباله تخيلو؟؟؟؟؟؟؟؟؟؟؟؟؟؟ الدكتور يقولي يرموه . طيب ليه تسووه بنفسك كده؟ بنات الي معاها فلوس تدفع سعر هده العمليات فاكيد معاها فلوس تسافر مصحات . سافرو على اي مصحه و اقعدو فيها . انا صراحه ما اقدر اسافر بس يعني الي تقدر تروح ولا انه تدمر نفسها . فكرو و حاولو تسوو ريجييييييييييييم . انا مع الربط ما اقدر اكل الا الاكل المضر يعني الحلو و النشويات لانه طريه بس مثلا اللحمه و الاشياء المفيده ما اقدر اكلها بسهوله لانه توجعلي بطني . عارفين جسمنا نعمه لازم نحافظ عليه . ادعولي اني انحف و اقدر اسيطر على نفسي بعد العمليه . لانه الدكتور كان بيقولي انه بعد ما اشيل الحزام لو ما انتبهت حلاقي نفسي خارجه عن السيطره لانه خلاص مافي شي ماسكلي معدتي . بس ان شاء الله ما يصير لي كدا . صدقوني الريجيم كويس و ادري كلام الناس . انا مسويه العمليه بالسر . كذا وحده كانو ييجو يقولو لماما ليه بنتك ما تسوي ربط المعده او ييجو يقولولي الي . لا تردو على حد . على فكره انا بس سويتها كنت انحف من دحين بس كنت بمرحلة اكتئاب فظيعه و كان الكل يقولي سويها فسويتها . قال ايش عشان نتزوج . ما حينفعني الزواج على حساب صحتي . حبيت انقل تجربتي .