السلام عليكم
طبعا انا ودي استشيركم في شي مهم
ولكن مابي افضح اختي عند الناس
ويطلع عنها سمعه مو كويسه
علشان كذا فضلت اكتب موضوع في المنتدى علشان تشوفون لي حل
انا عندي اخت في ثاني ثانوي عمرها 17 سنه
البنت كويسه وحبوبه وبريئه وتقدرون تقولون ان تفكيرها زي الاطفال
هبله بالعربي
وتخبرون بنات الجيل الجديد هذا كيف منفتحين والوعي الديني عندهم مو ذاك الزود
وغير كذا اختي للحين تحس انها صغيره وانها بزر
وخاصه ان البيت كله يعاملها على اساس انها طفله
المشكله قبل اسبوع دخلت عليها الغرفه وهي على السرير فجاءه
وقامت تخبي شي تحت البطانيه
انا استغربت مع العلم اني عمري ما شكيت ولا لاحظت عليها اي شي
المهم
جيت وطالعت تحت البطانيه الا جوال وفيه شريحه سوا
انا طارت عيوني وفي نفس الوقت ضاق صدري وانصدمت مره فيها
قلت لها وش هذا قالت انا انا مدري وشو اول مره
انا اسفه
خلاص خذيه
هذا جوال بنت عمتي نسته عندي وهي ما تدري اني استعمله علشان شي انا بس استهبل انا ما عندي شي
وسحبت الجوال والشريحه منها
المهم
انا قعدت مكتومه منها 3 ايام وقاهرتني خاصه اني فتشت في الجوال لقيت مسجات تجيب الهم
كلها حب وغرام
انا بفهم هاللي يكلمها كم عمره بس
اطفال والله اطفال
المهم قلت لاختي القصه
والصدمه الاكبر ان اختي قالت لي انا بعد قد مسكتها قبل هالمره معها شريحه سوا
وخانقتها واخذت الجوال منها وقعدت لها واحسبها ما راح تعيدها علشان كذا ما قلت لاحد
يا بنات وش اسوي ؟؟؟؟
انا اخاف عليها
والله اخاف عليها مره
والمشكله امي حرمه كبيره وما تقدر عليها
واخاف اقول لاخواني الاولاد يسون تصرف قاس معاها
مدري شوفوا لي حل تكفون
علما باني اشك ان فيه احد من صديقاتها هو اللي يساعدها على هالشي بتوفير الجهاز و توفير الشرايح
والغرفه المنفرده وتقفيلة الباب تساعد بعد
شاركي في النقاش
سجلي الدخول لإضافة تعليق.
التعليقات
35- نصيحة مني صادقي اختيك
وما تخليا تحس إنيك أختا وخلي تأمنليك وتخبريك كل شي بيصير معا يعني حاولي عدة مرات تاخدي منا كلام ولو ضايقيك الكلام ما تحاسبيا ولا تعصبي عليا نصحيا بطريقة - حاولي تكلمينها بنفراد وبطيبه وحب ولا تهوشينه او تعلين صوتك او تفضحينه
ذكريه ان هذا حرام وان امك وابوك لو عرفو راح تجيهم جلطه لاسمح الله وانتي السبب
هدديها بانك لو شكيتي مجرد شك انه معه جوال للمره الثالثه راح تخبرين اكبر اخوانك
حاولي تاخذين مفتاح الغرفه او تضيعينه او انك تنامين معه بالغرفه
حاولي انه تفضفض لك وش قصه الجولاات او هذي الارقام
وبالتوفيق اختي - الله يحفظ اختج ويستر عليها
والله ماادري شاقولج .. حاسه بالهم اللي انتي فيه ..
اهم شي على طول راقبوها وفتشوا غرفتها اذا اطلعت ..
وقد ماتقدرون لاتخلونها تطلع من البيت بروحها يعني تقول بزور صديقتي ومادري وشو .. ريلكم على ريلها
واذا الجوال تجيبه من المدرسه والله مشكله .. حاولي تعرفين مين صديقتها
وتكلمي معاها انصحيها .. علميها ان اللي تسويه اخرتها مصيبه لاقدر الله
هذا اللي كل اللي اقدر اقوله لج
وان شاءالله البنات تكون عندهم حلول احسن
اهم اهم شي راقبوها على طول - اول مرحله تغير المجتمع اللي حولها يعني اذا تقدرو تنقلوها من مدرستها لمدرسه ثانيه واذا الامر صعب تنقل من الفصل
عشان تبعد شوي عن صديقتها
ثاني مرحله صدقيني ماراح تبطل هالحركات مهما حاولتو ا عشان كذا اذا فيه احد من اخوانك كبير ومتفهم علميه بالامر واطلبي منه انه يكون اقرب اليها يعني مو على طول عقاب يبدا بعتاب وبعدة بتهديد واذا لزم الامر تحرم من روحه المدرسه ليومين اوثلاث وقولولها مصيرك قعدة البيت اذا مابطلتي هالشغلات
والمرحله الثالثه والاهم
تقربو منها يعني كونو لها اخوات وصديقات وحاولو تخلقو جو حلو في البيت واشركوها فيه
وحاولو تقضو على وقت الفراغ عندها اشغلوها معاكم بالمطبخ او اعمال فنيه او رسم
لان العدو الاساسي في سن المراهقه الفراغ +صديق السوء
والله يهديها ان شاء الله ويهدي جميع ابناء المسلمين - الله يصلحها ويهديه ويبعدها عن هذا الطريق
لا تغفلين عنها خلو عينكم عليها وراقبوها وخلوها تحس انكم زعلانات عليها وقولو لها المره الاولى وسترنى والثانيه ومشيناها بس الثالثه ابوك واخوانك بيدرون وكليها ظرب وتكسير راس
مواضيع مشابهة
تابعي تجارب أخرى من هذا القسم.