السلام عليكم
يا بنات انا مشكلتي مشكله مع النوم
نومي ثقييييييييييييييييل ودايم ودي انام .... واذا نمت مااقدر اصحى عيالي يروحون للمدرسه ما اقوم معهم الا مره او مرتين بالكثير في الاسبوع :44: وهم صغيرين 7 و5 سنوات
زوجي يقعد ينغزني ويهاوشني ويرفسني ويولع اللمبات وما اقدر وما اقدرررررررر اقوم اعوذ بلله من الشيطان الرجيم
ما اقدر ارفع راسي من المخده
وفي الاخير مل زوجي مني وصار هو يصحى ويصحيهم ويلبسهم بس يطلعون بدون فطور :44: لانن زوجي ماله خلق يوكل ويشرب ويصلح فطور وحتى ما ياخذون وجبه معهم للمدرسه ابوهم يعطيهم فلوس وهم صغيرين احيانا كثيره ما يقدرون يشترون والصغير اصلا ما عندهم مقصف ويجلسون ياكلون بالفصل عشانه بالتمهيدي .. ومره ارسلت لي المدرسه ملاحظه ان الولد ما يجيب وجبه معه ويقعد ياكل من اكل اصحابه والله ذبحني الصياح :icon33: ويوم فقدت الامل مني صرت اصلح لهم بوكسات في الليل فيها كيك وعصير واشياء ما تخرب بالليل واحطها بشنطتهم
بس احيانا الجو يكون بارد وزوجي ما يلبسهم ملابس كفايه واحيانا يكون حر ويلبسهم بزياده تعرفون الرجال عاد
والله احس اني ازفت ام بالعالم !!! بس عجزت
مع اني انام بدري بس ولو النوم يكبس علي احيانا انام 12 ساعه
حتى اهم شي بالدنيا صلاتي ما اقوم لصلاة الفجر :icon33:
وزادت المشكله ان زوجي ذالايام مرررررررره متضايق يقول نفسي اصحى الصباح القى ملابسي جاهزه وعيالي جاهزين ونفطر مع بعض ودايم يردد علي هالكلام
وامس جا من العمل وانا لسه نايمه والله اني انفجعت يوم شفت الساعه
وصار يلعن ويسب ويقول عيشه تقصر العمر وطلع من البيت وخلاني وما رجع الا بالليل وومن امس وهو زعلان
بصراحه معه حق بس وش اسوي بالنوم يا بنات تكفون شوروا علي
الموضوع مغلق