الموضوع مغلق

النووووووم بينهي زواجي

السلام عليكم

يا بنات انا مشكلتي مشكله مع النوم

نومي ثقييييييييييييييييل ودايم ودي انام .... واذا نمت مااقدر اصحى عيالي يروحون للمدرسه ما اقوم معهم الا مره او مرتين بالكثير في الاسبوع :44: وهم صغيرين 7 و5 سنوات
زوجي يقعد ينغزني ويهاوشني ويرفسني ويولع اللمبات وما اقدر وما اقدرررررررر اقوم اعوذ بلله من الشيطان الرجيم
ما اقدر ارفع راسي من المخده
وفي الاخير مل زوجي مني وصار هو يصحى ويصحيهم ويلبسهم بس يطلعون بدون فطور :44: لانن زوجي ماله خلق يوكل ويشرب ويصلح فطور وحتى ما ياخذون وجبه معهم للمدرسه ابوهم يعطيهم فلوس وهم صغيرين احيانا كثيره ما يقدرون يشترون والصغير اصلا ما عندهم مقصف ويجلسون ياكلون بالفصل عشانه بالتمهيدي .. ومره ارسلت لي المدرسه ملاحظه ان الولد ما يجيب وجبه معه ويقعد ياكل من اكل اصحابه والله ذبحني الصياح :icon33: ويوم فقدت الامل مني صرت اصلح لهم بوكسات في الليل فيها كيك وعصير واشياء ما تخرب بالليل واحطها بشنطتهم

بس احيانا الجو يكون بارد وزوجي ما يلبسهم ملابس كفايه واحيانا يكون حر ويلبسهم بزياده تعرفون الرجال عاد

والله احس اني ازفت ام بالعالم !!! بس عجزت
مع اني انام بدري بس ولو النوم يكبس علي احيانا انام 12 ساعه
حتى اهم شي بالدنيا صلاتي ما اقوم لصلاة الفجر :icon33:

وزادت المشكله ان زوجي ذالايام مرررررررره متضايق يقول نفسي اصحى الصباح القى ملابسي جاهزه وعيالي جاهزين ونفطر مع بعض ودايم يردد علي هالكلام

وامس جا من العمل وانا لسه نايمه والله اني انفجعت يوم شفت الساعه
وصار يلعن ويسب ويقول عيشه تقصر العمر وطلع من البيت وخلاني وما رجع الا بالليل وومن امس وهو زعلان

بصراحه معه حق بس وش اسوي بالنوم يا بنات تكفون شوروا علي

416 تعليق 32,628 مشاهدة

شاركي في النقاش

سجلي الدخول لإضافة تعليق.

التعليقات

393
  1. يالله ياختى حرام عليك جد
    ومافي شي اسمه ما اقدر كلنا لو ما صحينا الصبح ودنا ننام
    فكري وقتها بعيالك اللى يروحون بلا اكل وزوجك ان صبر عليك الحين مو صابر عليك بعدين
    ياختى حرام والله كسرو خاطري عيالك غصب اغصبي نفسك تقومين خلى جنبك قاروره مويه اذا انتبهتى وصحاك زوجك رشيها على وجهك على شان تصحين يختى حرام ذولا اطفال ترى بذمتك والله يسهل عليك يارب
  2. @amyrh_alorod_2

    والله ماني عارفه

    بس معقوله كل ذا نووووووووووم ماصدق

    يمكن تكوني مريضه

    وبعدين نامي بدري واصحي بدري

    خليك كبيره في عيني زوجك

    واهم شي الصلالالاه انتبهي اخيتي وطاعه زوجك

    وترى اذا جلستي على كذا بروح يدور وحده ثانيه


    اسمحيلي على كلامي القاسي

    بس والله ابيك تهتمين في زوجك وصلاتك واطفالك

    الله يعينك
  3. @khoh_sadh

    صاحبة الموضوع
    اسيرة الذكريات

    متى اشرب القهوه ؟؟ بالليل يعني


    moha 555

    يا اختي والله حالتي حاله الهم ذابحني على عيالي
    ونفسيتي تعبانه
  4. @alhlo_11

    انتبهي لحياتك يا اختي كلنا مجبورين نصحى الصبح ورى شغلنا انتي حطي عيالك وزوجك هدفك وشغلك

    والله الرجال يسكتون يسكتون وتراهم ينفجرون مرة وحدة

تابعي تجارب أخرى من هذا القسم.