هلا بكم كل الشريكات والهم واحد اذا جاز لي التعبير ,, :39:
يمكن خطر في بالكم سؤال ليه انا عرضت صور قبل وبعد ,,, ؟
يعلم الله اني ترددت اكثر من شهر ونص احط الموضوع ولا مااحطه
كلما شفت وحدة منكم تستفزع او تتنقل من ريجيم لريجيم الي تقول مافادها
والي يأست وحلتها حالة ,, انا كل هذا مريت فيه من بديت وجلست كيذا
17 سنة تصدقــــــــــــــون ولا لاء ,, والوزن زي ماهو بينقص بالبلا
قلت ليه ما اجنبكم كل هالمشاوير ,, والاشكالات والحيـــــــــرة ,,,
مثل ما انا استفدت من الي شفته لازم افيدكم معي ,,,,,,,,
والآن بعد ما شفنا هالنماذج من البشر (بِغـض النظر عن اشياء كثيرة)
هـل ستمـر علينا مرور الكـرام ,,,,,!!! شـــــوف وحرق جـوف!!!
والا بنبداء نتصـرف على اسـاس من الوعـي لكل مايختص بالغذاء!!!!
والله اني اول ماشفتهم انصدمت ,,, يعني عندهم ارادة واحنا لاء!!!!!
والحمدلله عندي إلمام متواضع بلغتهـم ,, والي ما اعرفة الله يخلي "الوافي"
يترجمة لك وانتي جالسة تبلعين في هالكيك والا الشوكلاتات انواع واشكال
شلي ايدك انتي وهي شفتكم ,, ورجعي الي خذيتية مكانة بسرعة,,,
وقفي اكل الان الان وليس غداً (<<من جد تتكلم والله)
نرجع لمحور الحديث ,,من كثر ما كنت اقراء تجاربهم تصدقون صرت آلياً
اطبق ,, ماني بقول : ببداء يوم السبت اف تعقدت من هالكلمة ,, خلونا نرددها
شوي ,, وعد مني تقرفين كل حياتك ,, : : ببداء يوم السبت
: ببداء يوم السبت
: ببداء يوم السبت
: ببداء يوم السبت,, هي قلق خلاص عاد تراك مصختيها ( لاتشرهون ترى الذكريات
مريرة ٌ جــــــداً وعمر ماهو بسيط ,,
خلاص نجي للجــــــــد هنـا ركزو مع المكتوب ترى هو مهم
أسألي نفسك :
س/ ليــــــــه تبين تسوين ريجيم؟
عشان صحتك والا عشان تغيضين فلانة وعلانة ,,
س/ماهو تصورك للريجيـم؟
فتــرة معينة ولا اسلوب حيـاة ,,
اذا الجواب الاول استــــــريحي وكبري المخدة منتي بناحفة الا بتمرضين وبس.
اذا الـــثاني هو جوابك : اسلوب حياة ,, هنـــــا اقول لك راح تنجحين وبجدارة بعد.
واذا اسلوب حياة صحي وش هي اسـلحتك يا ترى؟
طبعاً الاسلحة ماهي سكاكين وسواطير<<تنكت هي وجها فاضية يعني؟ :angry:
الاسلحة هي :
الاول : اختراع الدافــــع (لانك لو انتظرتي الدافع يا حبيبتي بيروح العمر ماجاء اساليني. :09:
وقفي قدام المراية وتمقلي وانتي تقولين خلاص انا بنحف لا لا انا نحفت (اعملي
ايحــاء واقناع نفسي .. (مجربة وناجحة بردوة اســــاليني).
الثاني : ركـزي في كل لحظة وكل ثانية على هدفــــك . واتركي عنك الهـروب ,,
(بنام ,, تعبانة ,, مالي نفس ,, معزومة وما اقدر ابداء اليوم ,, اهلي بيجون ,,,
يوة لو بنعددها ماراح نخلص ابد ,,
الثالث : عطي نفسك مساحة من الهدوء والـتأمل ,, تخيلي انك وصلتي لوزنـــك
الي تمنيتية ,, والكـــــــل منبهـر منك ((ماشاءالله لاحول ولاقوة الا بالله..)
خليك ماشية مع هالحلم الحقيقـــــــــي لانك فعلا بتوصلين بأذن الله .
الرابع : لاتحددين فترة ابد تقولي شهر شهرين ثلاثة لالالالاء ,,هنا بتعرفي
فائدة الاسأله الي فوق ^ ,,عطي نفسك ,, ما لايقـل عن" ستة اشهـــــر"
الخـامس : ابتعـــــــدي عن الناس الي تحبطـك (وهنا تظـر لك اهميـة
اقتصـار معرفة الي حواليك بريجيمك على الناس الي بتثقي فيها فقـــــط ,,
ويا حبذا ,, لو كانت صديقة واحدة مخلصة ,, وتعاني مما تعانين .
اما عائلتك الصغيرة (زوجك ,, عيالك ,, وحتى خدامتك!!) كلميهم ,, واشرحي لهم
انتي ايش ناوية تعملي ,, و وش هو الي تنتظرينة منهم ,, حتى يساعدوك,,
واقل حاجة يراعو مشاعرك ,, خلال الرحلة الذيذة ( الي بتوصلك لهدفك المنشود)
السادس : اختـاري وجباتك بعناية واكلي الي تبين ,, يعني اختاري لك صحن
صغير ووزعي فيه اكلك مثـــــــال لغداء (ثلث سلطة خضار , وربع ارز , وربع لحم) .
دجاج . سمك . الي تحبينه . وحتى بعد الاكل بساعة اذا نفسك في شوكلاته ,,
اكلي بشرط تكون من الحجم الصغير).
السابع : بتجيك لحظـات ملل ,احباط , لاتوقفيــــــــــن ابد لانها مؤقتة عزيزتي.
الثامن: اشـربي" مــــاء" ايه اشربي مابين لترين الى ثلاث ليترات ,,
قبل الاكل بدقايق وبعد الاكل ايضاً واول ماتصحين اشربي كاس كبير
يعني قد ماتقدري اشربي بس لاتتعدي الثلاث ليترات !!
التاسـع:" الرياضـــة" انتي اعرف بنفسك وش الي تحبين او عادي تعملية
وبدون أي مشكلة لك,, اختاري ( مشــــي ,, شغل البيت ,, اجهـزة ,, كلها
مناسبة لان المطلـوب : انك تتحـركي لتحرقي المخزون من الدهون,,)
تبعا ً لهاذي المعادلة البسيطة ,, يجب ان يكون الداخل < من الخارج
بالعربي ,, "تاكلي اقل وتبذلي مجهـود اكثـــــر"
ملاحظة مهمة : لاتخافون من حمل الاثقال يابنات ابدئي باثقال بسيطة
من واحد الى ثمانية كيلو او حتى عشرة ماتظرك لكن ابدئي بالتدريج بين الاثقال ,,
فائدتها : تشد جسمك وزنودك وصدرك ,, ولاتحلمي انها بتطلع لك عضلات ,,
هي فقط تطلع للرجال لسبب وجود هرمون اسمه التيستيرون وهو يخص الرجل فقط
وتاثيره في النساء محدود ,, ولو شفتي أي ست معضلة فهذا لان عندها خلل او انها
بتستخدموه حتى تطلع لها عضلات,, احنا نحتاج للاثقال لانها بتساعد على حرق
الدهـون. وملاحظـة اخرى : الرياضة لما تنعمل في الصباح الباكر قبل الاكل
جسمك ولباقي اليوم بيستمر يحرق دهوناته.
العـاشر : كـافئي نفسـك اذا شفتي وزنك نقص بالمقاس او اذا تحبي بالميزان
ملاحظة : يحدث ان ينقص الوزن لكن يخذلك الميزان ويحبطك وانتي ترين انه
لم يتزحزح عن مؤشرة (والميزان فالحقيقة من ظمن المحبطات خاصة لنا احنا ,,
يالي وزنها ماينزل بسهـــــولة ,, فالافضل في هالحالة اعتماد شريط المقاس ,,
مثل الي عند محلات الخياطة,, (هنا بعد اســــــــاليني )
اما ان كان وزنك يبين على الميزان ,, بامكانك توزني كل يوم والوقت الي تبين.
الحادي عشـر : خلي لك اهداف واضحة وقصير وبسيطة( ترى قلنا اقل شيئ ستة اشهر,,
فلا تبـــالغي ,,, ويكون النزول فقط مكون (من عضلاتك ومن ماء الجسم,,وغيرها ,,
وهاذا الشئ مانبية "اتفقنــــــــا",, فكلنا في النهــــــاية نريد جسماً مشدود غيـــر
مترهـــل بسبب النزول السريع السيئ,, لذا لازم يكون نزولك في حدود الطبيعية
والمطلوب(كيلو ونص الى ثلاثة ونص اسبوعياً,,)
الثاني عشر : اعملي تغييرات كبيرة في حياتك ,, اشياء روتينية في حياتك,,
غيريها ,, العبي مع عيالك ,, جربي الوان جديدة في لبسك,, اسلوبك,,
وتعاملك مع الاخرين,, ابتسمي حتى لو ماكان فيه داعي لهالبسمة (تاثيرها سحري)
ولو انك لحالك ,, كلمي احد من اهلك او صديقاتك ,, من زمان ماكلمتيهم,,
اهــــــم شيئ تغيـــــري حاجة ,, مؤثـرة .. شوفي النتيجة وتذكري كلامي.
الثالث عشـر : اكتبي كل الي تاكلينه اذا تقدري(الطريقة هاذي مهمة جداً لو عملتيها
وعرفتي كل الي بيمر جوى بطنك من طريق فمك راح تنظمي اكلك وتحسني
اختيارك لوجباتك,, وحاولي ماتنصدمي من الكميات الي بتاكليها ,,!!!
بدون ماتنتبهي لها ,, ( الهوايل واســـــالينيي كمان)
الرابـع عشـر : اياك تاكلي قدام التلفزيون ,, او وانتي تسولفيـن ,, كلي ببطء
وامضغي جيداً طعامك ,, (توفرين مجهود على معدتك وامعائك فما يطول الاكل
في الامعاء ومن هناك تتخزن في جسمك الدهـون .
الخامس عشـر : ابداً ابداً ماتحتفظي بأي من اكلاتك الي دمرت جسمك قريب منك
اتركي فقط الاشياء البسيطة يالي ماراح تؤثر في نظامك او تصميمك فتضعفي
قدامها ,, (لمى تكون بعيدة عن عيونك راح تكون بعيـدة عن تفكيرك(اســأليني)
قلنا اكلي الي تبين بس في حدود ,, اعمليها فالبداية بدون تشدد ومن ثم ,,اقطعيها
من نظامك.
وتذكـري كملاحظة : ان النظام (أي نظام,, بشرط يكون نظام صحي وشامل ومتوفر
فية كل شروط الغذاء بانواعه,,) ,, ماراح يفيدك الا اذا عملتيه وطبقتية
فاذا تبين تخسرين الوزن ويثبت ومايرجع ابد ,,غيري اسلوب اكلك وطريقته
وروتينة للابــــــــد. واعلمي ان هاذا النظام دائـم وليس مؤقت فلازم تتحكمي فيه
مو هو الي يتحكم فيك,, بيحصل لك احباط اهم شيئ ماتتراجعي ,, ومثل ماقلت سابقاً
هو احساس مؤقت,, لذا يفضل تعملي لك يوم تدللي نفسك ,, وتاكلي الي نفسك فيه
واليومين الي بعده زيدي الرياضة وخففي اكلك اليومي للاقل,, لتعوضي ماخبصتية
من تدليل (ايه لاتفرحين كثير بيوم الدلال خخخخ).
السادس عشـر : اذا كنتي مشغولة وحياتك زحمة سوي لك خطة ,, اعمليها
حسب اشغالك ,, حتى ما تتركي الخيار لنفسك ,, ويروح جهدك بلاش,
السابع عشـر : لاتغشــــين (ترى ماتخدعين الا نفســـــــك,,) حــاولي بقوتك.
وتذكري ان أي تخبيص خارج يوم التدليل فانما هو يؤخرك عن هدفك,,
وبكذا تلتزمين بجــــــد .
الثامن عشـر : (تعبت وانا اكتب الحين تذكرته) التزمي بعدد الوجبات
اما ثلاث وجبات فاليوم ,, او خمس او ست وجبات (مفيد لعدم اعطاء الفرصة
للاحساس بالجوع,, فاذا شعرتي بالجوع بين او بعد تناولك لوجباتك ,,فاشربي ماء
(يمكن ان يكون انذار خاطئ بالجوع والشغله كلها انك عطشان ).
ومن فوائد الوجبات المتعددة الصغيرة : يحس الجسم ان ماعليه خطر تجويـع
فيستمر بالاحراق ,, اعطي الامان لجسمك فيعطيك غايتك,, ويساعدك للفوز,
اخيرا لو حصل وخبصتي لاتوقفين كثير عند الي حصل ولاتزعلين وتتنكدي
واكملي يومك كما خططتي له .
وتذكــــــري : كلما اسرعتي بالتنفيذ كلما قربتي من الهدف المنشود
والعكـس صحيح لو طاوعتي نفسك ,
بنات انا نقلت لكم كل الخطوات الي طبقوها وطبقت انا بعضها وما زلت في البدايـة
اتمنى افدتكم , انا عملت الي علي ,, وماباقي الا عزيمتكم وهمتكـــــــــم
ترى هي صحتك وجسمك ونفسك مو احد ثاني ,, والله يوفقني ويوفقكم
ونوصل لمبتغانا واحنا بصحة وسلامة .
وبعد قليل ان شاءالله احمل لكم باقي الصور لنتشجـع ,, ونشوف عليهم نتايج
كل القواعد الي نقلتها لكم حسب ما كتبوها بس بطريقتي العامية .(<<تكفين يالمهمة) :icon28:
"يـــا هــالرشـــــاقــة" متى نشـوفك بسسس
متابعة النقاش، صفحة 5