مشكلتي ماني عارفة اشتغل ولا احمل

استخيري اختي وباذن الله ستتوصلين لحل مناسب جدا ..

والله انا اشوف ان عيالي اهم ...لان نجاحي من نجاحهم
عن تجربه ندمانه عليها اشد الندم...عمري 36 وعندي 4 عيال بس بسبب الوظيفه وقفت الحمل من ست سنوات والحين انتبهت ان عمري راح وانا عيالي بس اربعه واحنا في العايله يحبون الاعداد الكبيره وانا بعد افكر بعد ما اكمل الخمسين احلى شي عيالي وعيال عيالي متجمعين عندي احسن من الوظايف وقرفه
صحيح انا اعطيهم كل وقتي واتابع دراستهم بس كله على حساب صحتي يعني ضغط في الشغل وضغط في البيت ولو تأخر مستواهم الدراسي احس بالذنب
اتمنى يروح عيالي على المدرسه وانا ارتاح في البيت بدل الطلعه معاهم علشان اكون مرتاحه وانا استقبلهم واهتم بتربيتهم وتعليمهم واهتم بنفسي وبزوجي بدل دوامة الشغل اللي ما تخلص .....ادري بتقولون ليش ما تخلين الشغل وتجابلين عيالك...للأسف ما اقدر استقيل لاني قطعت شوط كبير في الشغل وما بقى على التقاعد غير كم سنه ...يعني نصيحه إذا كنتي غير محتاجه مافي داعي للشغل او جربي شغل مؤقت لفتره وشوفي ظروفك اذا تكملين او تجلسين مع عيالك افضل