هذا تقدم لي.. ايش رايكم

صديقتي جاتني قبل يومين وقالت ان في عريس يبغى يتقدم لي :arb:
اصغر مني بسنتين :baby2:
عسكري:37:
راتبه محدود
راتبي اكثر من راتبه
يبغى موظفة
ويقول ابغاها تعرف اني مااقدر اعيشها في المستوى اللي هي عايشته فلازم تشيل نفسها
شغالة تشيل مصاريفها هي
وشرطه الاساسي اني اكون موظفه << اصلا ماتقدم لي الا عشان كذا
صراحة ماعجبني اسلوبه .. لانه قال بصراحه انه يبغى فلوسي
ومو هامه فرق السن .. ولا شرط جمال ولاعلم وتقول صديقتي انه خطب ممرضه قبل وخطب وحده عمرها 36 سنة مطلقة وعندها بنت بس عشانها موظفة .. وهو توه في العشرينات ..مو غريبة حالته

مع ذلك قلت لزميلتي خليني اصلي واستخير علما باني من الاول مومقتنعه.. يابنات صليت وماارتحت ابدا ضاق صدري منه وبالعكس جاني شعور انه بجح وجرئ.. وكلمت صديقتي اليوم الثاني وقلت لها مو مرتاحه .. حاولت تقنعني .. قلت الله يكتب اللي فيه الخير .. رجعت مرة ثانية اتصلت علي وتقول اهله بيجونكم .. قلت لها انا قلت لك مو مرتاحه .. مدري ليه هي مصرة ..قالت يتهيأ لك .. ومن ذا الكلام .. يابنات ايش رايكم اخليهم يجون ؟ ولا كيف اصرف صديقتي اللي نشبت لي ؟
بالنسبة لي ماعندي استعداد اعطيه ولا ريال ؟؟ لان اهلي ماعمرهم طلبوا مني ريال ولا عمرهم حطوا عينهم على راتبي .. فليش اعطيه ؟ اريد حلاً:44::44:

23 تعليق 1,975 مشاهدة

شاركي في النقاش

سجلي الدخول لإضافة تعليق.

التعليقات

21
  1. @am_kosh

    صراحة امره غريب
    استخيري كذا مرررررررررره وشوفي وش بيصير معك
    مع انه واضح جدا وجريء وطماااااع وباين من الاول وش يبي
    شوفي وش مميزاته ووش عيوبه مع ان شكل والله اعلم عيوبه اكثر
    الله يعينك اختي ويوفقك امييييييين
  2. حبيبتي مدامك صليتي صلاة الاستخارة واتكلتي على ربك تأكدي ماراح يصير الا الخير لو تتم الخطبه والامور تمام وربي ماكتب بيتوقف كل شي وبعدين صديقتك مو اعرف منك بمصلحتك والحياة زي ماانتي شايفه صايره صعبه وماعليك من كلامها وخرابيطها قوليلها اذا انتي مو مرتاحه اني قلت لابوي او امي ورفضوا واقطعي السالفه ومهما زنت عليك لاتحاولين تضعفين وانشاء الله ربي بيعوضك بشخص يحبك لذاتك مو لفلوسك والا لوظيفتك وعليك بالاستغفـــــــــــار وربي بتنحل امورك بأسهل مايكون ,,,
    وبالتوفيق والله يكتب لك اللي فيه الخير والسعاده يارب
    ...
  3. @raghdh_1

    اختي نصيحه لاتتزوجين واحد اصغر منك بعدين اذا توه بالعشرين يعني هو صغير ليش يخطب وحده اكبر منه او وحده عمرها 36
    اتوقع انه واضح ويش يبي
    بالعربي يبي وحده تصرف عليه وتسنعه لين يقدر يوقف على رجوله بعدين يتزوج عليها ويقولها في النهايه انا ابغى وحده صغيره
    او ماابغى مطلقه ابغى وحده لسا بنت
    وانتي استخرتي وماارتحتي خلاص اتركيه وان شاء الله بيرزقك اللي يستاهلك وربي يسعدك
  4. هذا مستقبلك وحياتك واتنتي ابخص

    بس انا بنظري ضد هالزواج
    لان الولد من الاول باين انه طمااااااااع
    وغير كذا اصغر منك وراتبه اقل منك
    يعني يبيك تصرفين عالبيت بعد مو بس تصرفين على نفسك
    وثالثا مارتحتي في الاستخارة

    بالخلاصة هذا مو يبي زوجه يبي بنك
    الحمد لله والشكر
    والله يرزقك بافضل منه


    ومن كلامك ذا مستحييييييييل تتاقلمين معه
    :09:

تابعي تجارب أخرى من هذا القسم.