ممكن تقولولى اعمل ايه

السلام عليكم ورحمة الله وبركاته انا هاعرض عليكم الموقف باختصار .أنا مخطوبة من سنة وكان خطيبى معى فى الجامعة وبعد التخرج سافر اوربا وبعد ست سنوات انتظار اتقدم لخطبتى والحمد له كنا متفاهمين والكل بيحسدنا لكن بعد فترة بدأت اكتشف حاجات كنت فى الأول بأعديها لكن عملتلى مشكلة فى النهاية مش عارفه احلها وهى ان خطيبى بيسمع كلام مرات اخوه فى كل شى وبياخد رايها فى كل حاجة وحاولت كتير افهمه ان دا مينفعش ان حياتنا لازم يكون فيها خصوصيه لكن مفيش فايده ودايما المشكل بينا بسبب دا لدرجة انه بيزعل لما يعرف ان العلاقه بينى وبين والدته كويسه المهم انى احافظ على علاقتى بمرات اخوه وما ازعلهاش منى .ولما قرب ميعاد الفرح كترت المشاكل لدرجة انه زعل منى لما عرف انى زرت والدته قبل دخولها المستشفى ومش بيكلمنى من شهر تقريبا وانا مش عارفة دا سببه ايه ومش عارفه اعمل ايه واذا كان راجع على ميعاد الفرح او انه مش عايز الخطوبه والاكتر من كدا نى عرفت بالصدفه انه هيتجوز هناك علشان ياخد الجنسيه انه هيستنى سنه كمان وكل ما اسال والدته او اخواته يقولوا انهم ميعرفوش حاجه وانا مش عارفه ايه الحل ممكن تقولولى اعمل ايه؟ وخصوصا ان والدتى قلقانه جدا وانا مش عايزه اظلمه وافك الخطوبه قبل ما اسمع رأيه وهو مش بيتكلم والحيره والقلق مسيطرين على افكارى .:(