ساعدوني اللي عندها فرن كهربائي سيراميك تدخل (يوجد صوره)


علموني كيف استخدم الفرن :cook:من تحت ودرجة الحراره كيف اتحكم بها وكيف اوقت الساعه :time:
وايضا وش تنضفون الفرن من فوق ومن جوا .هو توه جديد بس من اول استخدام طبع علي من فوق مسحته بأسفنجه وملمع زجاج ولا راح لان البقعه بسيطه جربت الصابون بين الاثر وهو توه جديد
اللي عندها الفرن تعلمني طريقتها في تنظيفه .وش تستخدم له
ومشكورين:27

24 تعليق 71,281 مشاهدة

شاركي في النقاش

سجلي الدخول لإضافة تعليق.

التعليقات

24
  1. الله يبارك لك فيه

    أنا عندي سيراميك ويربول تنظيف ذاتي للفرن

    للأفران السيراميك منظف خاص عرضت صورته مره في موضوع بدورها لك واحطها

    طريقة المنظف بسيطه

    هو مثل الجف باللون والملمس

    يعني مثل الكريم تحطين شوي وتمدين على كامل السطح

    روحي كملي شغلك وارجعي بعد ربع ساعه

    بالأسفنجه الخضرا اللي تجي مسطحه ومستطيله ( الله من زين الوصف هههههههه )

    تفركين السطح بس بحنيه مو مهاوش

    بعدين تمسحينه بفوطه وبفوطه مبلوله تشطفين السطح وكرري لما ينظف

    أنا احط في الأخير رشه من منظف الزجاج يعطيه لمعه

    أما الفرن تنظيف ذاتي

    أشغل التظيف الذاتي وبعد ساعتين لما يبرد أمسح بفوطه مبلوله عده مرات

    فرني من برا ستيل

    أنظفه بزماك

    أما كيف تشغلينه

    صوري لي لوحه التحكم هههههههههه

    وبشرح لك عليها بالشرح الممل

    والله المستعان
  2. صوري من اليمين وصوري في المنتصف وفي اليسار

    من قرب

    علشان فرني يختلف عن فرنك

    والله المستعان
  3. هلا حبيبتي

    انا فرني مثل هذا بالظبط وهو مريح وسهل في الأستخدام

    اذا جيتي تنظفينه من فوق لازم يكون بارد بعد الطبخ يعني تكون اللمبه طافيه

    وتنظيفه من فوق احسن شي يكون بجف
    يخليه يلمع لمعان كأنو جديد

    طبعا تحطين فوقه الجف وتوزعينه وتفركينه بهاذي الليفه الحديد

    لاتخافين ماراح يتأثر:cook:

    بعدين تمسحينه بفوطه مبلله ماي

    وهذا هو عندي من ثلاث سنوات وكل مره انظفه يرجع جديد:27:


    ومن داخل انظفه بفورنيت

    انتبهي من ريحته تخنق

    بس تقريبا هو احسن شي للتنظيف من داخل

    وحذاري تخلينه ينظف روحه آليا


    اولا لأنو ريحته تخنق
    ثانيا مع الفتره راح تخرب عليك الزجاج اللي في الفرن من تحت

    وسلامتك

    واذا بغيتي اي استفسار انا حاظره
  4. صاحبة الموضوع
    مشكوره اختي لينا_سميت بنتي_
    ان شاء الله اصور لك الفرن من قرب انا شغلته من تحت اليوم واشتغل بعدين طفاء ما ادري الساعه مؤقته كذا ما فهمت له صراحه
    طبعا استفدت منك في طريقة التنظبف جزاك الله خير
    طيب كيف طريقة التنظيف الذاتي وهو مدته طويله ولا يؤقت من عندي وهل احط ماده تنظف ولا كيف ازعجتك بالاسئله تحملبني

    اهلين اختي jok
    انت اي نوع جف الاصفر
    وليه ما اخليه تنظيف ذاتي احسه اريح لان الفورنيت كنت استخدمه في فرني الاول وخربه لي وهذا اريح لي هو ينظف نفسه وبعدين اي زجاج قصدك يخرب ....وانت كنت تستخدمين التنظيف الذاتي بأستمرار عشان كذا خرب عليك؟
    والله يجزاك خير انا انتظرك
  5. اميره البحار
    مشكوره اختي لينا_سميت بنتي_ ان شاء الله اصور لك الفرن من قرب انا شغلته من تحت اليوم واشتغل بعدين طفاء ما ادري الساعه مؤقته كذا ما فهمت له صراحه طبعا استفدت منك في طريقة التنظبف جزاك الله خير طيب كيف طريقة التنظيف الذاتي وهو مدته طويله ولا…
    الكتيب الي يجي مع الفرن يحذر من استخدام منظفات غير مخصصه للسيراميك الزجاجي

    والحمد لله المنظف متوفر في سيرز وفي ساكو

    وفي أماكن كثيرة بعد ما كثرت هذي النوعيه من الأفران

    أما بخصوص التنظيف الذاتي

    فهو للتنظيف العميق يعني مره كل شهرمثلا

    وأنا ما أستخدم إلا التنظيف الذاتي ولي كم سنه ولا خرب ولله الحمد والمنه

    لمن يجب فتح مراوح الشفط والتهوية الجيدة

    ولا تستخدمين أي منظف مع التظيف الذاتي

    حيث أن فكرة التظيف الذاتي تقوم على رفع درجة حرارة الفرن حتي تصبح بقايا الأكل والأشياء المتساقطه في الفرن رماد ,,,فيسهل إزالته

    والله المستعان

تابعي تجارب أخرى من هذا القسم.