شاركي في النقاش

سجلي الدخول لإضافة تعليق.

التعليقات

154
  1. @tobat

    انلا
    تخرج شعرها


    ان ترتدي عباء او بالطو
    ان تصلي بستمرار
    ان لا تضع عدسات
    هادا ماعندي واضن انة لن يعجبكي
  2. @alaygaby_1

    صاحبة الموضوع
    akg
    لا عزيزتي هذه شدة كبيرة وضغط مثل ماقلتي كل البنات الآن يهتمون بنفسهم كثير حرام تشوف هالشي وهي ماتسويه وبعدين هالاشياء مالها دخل بالاخلاق بالعكس هذي تعزز أنوثتها حاولي بيوم تجيبي عدسات هدية منك لها وشوفي فرحتها وجلوس وسكرة المكياج الخفيف…
    سألت بنتي :- بصراحة انتي تحسي اني حارمتك من شي ؟؟؟

    مرررررررره استغربت من السؤال وقالت لي لأ .....ليش ياماما تسأليني هاذا السؤال ؟؟

    قلت لها طيب تشوفيني شديدة معاكي ؟؟؟

    قالت ماما ايش في ؟؟ صار شي ؟؟

    قلت لها جاوبيني أول وانا راح اقولك ليش سألتك هاذي الأسئلة

    قالت :- بالعكس مانتي شديدة ...الشديدة من جد ام آلاء صاحبتي ...ماتخليها تشترك ولا في أي رحلة من رحلات المدرسة

    قلت لها :- طيب قد حسيتي انك أقل من صاحباتك ؟؟

    قالت لي: أقل منهم في ايش بالضبط؟؟

    قلت لها اي شي بشكل عام ( ماحبيت اركز على شي بالتحديد عشان أعرف ايش الأشياء اللي تقارن نفسها مع صاحباتها فيها )

    قالت لي :- ما أحس اني اقل من صاحباتي ... بس أحيانا اتمنى اشياء تكون عندهم وماهي عندي ...وأحيانا العكس انا عندي اشياء يتمنوها صاحباتي ...

    قلت لها :- طيب ايش الأشياء اللي تتمنيها وماهي عندك ؟؟

    قالت:- اتمنى يكون عندي (آي بوت )...الله يخليكي ياماما اشتري لي ( آي بوت ) اذا جبت مجموع عالي هاذي السنة

    قلت لها :- خلاص هدية نجاحك آي بوت

    طبعا كانت بتطيييييييييييييييييييييير من الفرحة ........ووالله كنت ناويه اجيب لها اي بوت هدية نجاحها
    وسألتها :- وايش اللي صاحباتك يتمنوه وهو عندك ؟


    والله جاوبتني جواب خلتني ابكي من قلبي وبكيت هي معايا والآن كمان وانا أكتب لكم اللي حصل معاها عيوني دمعت

    قالت لي والله ياماما صاحباتي يتمنوا أمهاتهم يكونوا زيك

    والله يابنات اني سجدت سجود الشكر من الفرحة (قدام بنتي) ....ان بنتي تفتخر بي قدام صاحباتها ...الحمد لله

    المهم عشان لا أطول عليكم ذكرت لها الأشياء اللي ما أخليها تسويها وقلت لها ماتتضايقي اني ما أسمح لك انك تسويها زي صاحباتك ؟؟

    قالت :- ماما بصراحة انا ابغى أسوي الشي اللي يناسب عمري ....ولما تمنعيني من شي انا متأكده انك منعتيني عشان مايناسبني ....بس والله ياماما انا ماني زعلانه منك .....وماني عارفه ليش تسأليني كل هاذي الأسئلة ؟؟؟

    قلت :- صاحباتي قالوا لي انتي مرره شديدة مع بنتك وحبيت أتأكد منك

    وسلامتكم
  3. @alaygaby_1

    صاحبة الموضوع
    الإيجابية
    سألت بنتي :- بصراحة انتي تحسي اني حارمتك من شي ؟؟؟ مرررررررره استغربت من السؤال وقالت لي لأ .....ليش ياماما تسأليني هاذا السؤال ؟؟ قلت لها طيب تشوفيني شديدة معاكي ؟؟؟ قالت ماما ايش في ؟؟ صار شي ؟؟ قلت لها جاوبيني أول وانا راح اقولك ليش…
    تحية من أعمااااااااااااااااااااااااق قلبي:33:

    لكل من دخل وإطلع واهتم وشارك وقرأ وتجاوب ونصح وشكر ودعى وشجع وتابع

    نفررررر.........نفررررررررررررررررررررررررررر
  4. @alaygaby_1

    صاحبة الموضوع
    همسةسحرية
    نفس عمر بنتي وتعبانه منهاااا في الاكل ما تاكل اكل صحي شعررها يتساقط واسنانهاا بدت تسوس علمتهااا علي شيل الشعرررالي تحت بالمقصوالابط انها اشيله بالحلاوه واستخدام مزيل العررق واستخدام المناديل بعد الحمام التحمم ثلاث مرات يالاسبوووع شعر الا…

    فعلا الأكل مهم جدا

    بنتي كانت دبدوبه وهي في الصف السادس من المأكولات السريعة

    ولماصارت في سنة اولى متوسط ..........بدأت أغير طريقة الطبخ

    مافي مقالي أبدا

    وصحن الفاكهة على طول جاهز

    والعصيرات الطازجة في العصر مع المذاكرة

    والسلطة انوع فيها وأحط معاها شوية مايونيز وأسلق مكرونة احيانا مع السلطة

    بصراحة التغيير لكل البيت

    بس اللي من جد مجنني ( البيبسي ) بنتي تشرب تقريبا 3 علب في اليوم
  5. الايجابيه طريقتك صحيحه بارك الله فيك انتِ محظوظة الله اعطاك بنت وحده وتقدرين تتعاملين معها بسياسة
    مقنعه اجل انا ايش اقول عندي 4 بنات

تابعي تجارب أخرى من هذا القسم.