الاسبوع اللي فات رحت مع الوالده المستشفي عندها موعد
وحنا فالانتطار نحتري دورنا لقينا مجموعة كتب واوراق دعويه كل ما خذيت ورقه
باقراها لقيت اني اعرف محتواها وتركتها
وشفت مجموعة اشرطه قريتها وخذيت شريط
للشيخ/عبدالمحسن الاحمد(قصص لا انساها)
وحطيته فالشنطه ونسيت امره
المهم كنت بسافر مع رجلي وحنا بالدرب قلتله وشرايك معي شريط نسمعه قال نسمعه وش ورانا
وكانت المفاجأ شريط مؤثر جدا جدا جدا تاثرت انا وياه بشكل كبير وصرنا نحمد ربي علي النعمه
اللي حنا فيها
وعلمت اختي اللي بمنطقه ثانيه عن الشريط واخوي
ورجلي خذاه بيعطيه اهله واخوياه
واصلا كنا رايحين ناخذ عمره تخيلوا ........كنا نحمد الله علي النعمه في بيت الله الحرام
جلست افكر سبحان الله لو دري اللي حط الشريط بالاجر اللي جاه من شريط ما يتعدي سعره
بضع ريالات
لو علم كيف حمدنا الله ببيته الحرام استشعارا لنعم نبهنا عليها هذا الشيخ الجليل(بسبب فضل الله ثم هالانسان)
وفقه الله
شاركي في النقاش
سجلي الدخول لإضافة تعليق.
التعليقات
128مواضيع مشابهة
تابعي تجارب أخرى من هذا القسم.