في انتظار اسئلتكم // الدكتورة نجلاء محمود(7)

السلام دكتورة ...
ولدي عمره 5شهور واسبوع اعطيه حليب ابتامل كمفورت وسيريلاك ارز وفواكه مهروسه ...ابي اسال هل هذا يكفيه في عمره او ازيد..
ومن فترة صاير ريحة الغازات مررررررره كريهه وعلى طول اليوم يخرجه .. واليوم جاه اسهال .. ودكتوره من شهر كان عنده احمرار في الذقن قالي الدكتور من السعبله بس الحين صاير الاحمرار في خدوده يخف شوي ويرجع ويحيك طوال الوقت ذقنه هل هذي اكزيما ؟.
وشكرا

دكتوره جزاك الله خيرا

ابني عمره سنه و10 شهور تقريبا ,, بدا معاه من قبل اكثر من ست شهور فجأه ترتفع حرارته الى 40 بدون اي مقدمات ولا فيه اعراض
والفحص السريري ممتاز واحيانا يقول الدكتور احتقان خفيف جدا جدا لايتوافق مع الارتفاع في درجة الحراره

سويتله فحص دم كل شي فيه طبيعي
سريتله عيينه من اللوز قال لي دكتور انف واذن وحنجره ان فيه بكتيريا تسبب ارتفاع الحراره وانه سوف يعمل عمليه لازالة لوزه اول مايكمل سنتين
رحت لطبيبة اطفال سوتله عيينه من اللوز قالت ان نتيجة المزرعه طبيعيه ومافيه شي مجرد فطريات خفيفه

يادكتوره انا احترت بهالطفل مادري شسوي معاه مانخلص غرشة مضاد الا نبتدي بالي بعدها الاسبوع الي وراه متواصل ولا بعض ولا ادري شفيه

الحين صرت ماعطيه الا إيريس و مخفض حراره ماعطيه مضاد احس مناعته صارت بالارض من كثر ما اخذ المضادات

شنو فيه دكتوره وشنو علاجه ؟؟

السلام عليكم دكتورة بغيت اسالج عن اتش بايلوري لان انا وزوجي سارت عنا من سنة واخذنا المضادات اللازمة ولكن انا رجعت لي مرة ثانية وحاليا آخذ المضاد مرة ثانية لكن يا دكتورة انصدمت يوم عرفت ان ولدي اللي عمره 6 سنوات وبعد ما شاف الدكتور عينة البراز طلعت عنده هذه الجرثومة وصراحة دكتور اتضايقت وايد وصحت اصياح لان ولدي ضعيف جدا ووزنه 15 كيلو والهمجلوبين عنده 9.5 والحديد نازل وصراحة انا الحين بديت معاه في المضادات لكن كاسر خاطري وابيج اطمنيني دكتورة وجزاك الله الف خير