السلام عليكم ورحمة الله وبركاته
هذي قصه سمعتها من وحده بس اتعجبة كيف الحب والتقدير والتضحيات تجازينها بالكره ونكران الجميل
تقول القصه بنت المتضرره وتحلف انها صادقه وما ضلمت احد
السالفه وحده تزوجة من 35 سنه وكانت اكبر خواتها واخوانها وحملت وجابت بنت وامها جابت بنت بعدها يمكن ب 5 شهور يعني جابت بنت وصار لها اخت بنفس الفتره تقول ربت اختها مع بنتها وحبتها اكثر وبعدها بسنه جابت بنت ثانيه تقول صار عندي 3 بنات اختي وبناتي الثنتين لما يجي عيد اطقم لهم ولما يجي زواج اطقم لهم نطلع نتمشى للبحر ذيك الايام مافيه مجمعات ومنتزهات بس البحر اخذها معي وتنام عندي كانت الام مدرسه تقول دخلت بناتي مدارس اهليه وكان وقتها مافيه زي الان والسعر غالي ذيك الايام تقول عديتها مثل بناتي ولا قصرت عليها تقول مرت السنين وكبرو بناتي واختي,,,,,, تزوجو خاواتي الي اكبر وخواني ومات ابوي وضلت اختي و بنتي وحبيبتي صارو بناتي يتضايقون منها اقول في خاطري يغارون منها
تقول لما يروحون مع بعض لسوق تعجبهم بلوزه تقولهم يع مو حلوه ذوقها مره شين يخلونها بعد كم يوم يشوفونها لابستها تروح وتشتريها من وراهم
بطلو بناتي يروحون معها لسوق بطلو يزورونهم كثير صارو كل اسبوع مره يسلمون على جدتهم
لما وصلت بنتها الكبيره واختها 26 والصغيره 25 سنه صارو ينخطبون بناتها واختها محد يخطبها نصيب
وكل مره كنت اشاور امي تقولي توهم اصغار وش تزوجينهم وتلح علي بالرفض وساعات تلمح اذكري اختك لهم وانا من هبالتي كنت ارسل لهم الناس وارفض البنات واحول لختي بس الناس مايروحون واذا جتني وحده من زميلاتي تقولي ابي اذكر فلانه يعني بنتها لخو فلانه اقولها لا اختي احسن وكبيره ومزيونه واذا انخطبو بناتي ارد الخطابه بدون لا هم او ابوهم يعرف
المهم بناتي كبرو واختي معهم وصلو 29 و 30 وما تزوجو في مره صارحها زوجها وقالها انا اعرف انك ما تبين تجرحين اختك بس بناتي مالهم ذنب ومصيرهم مو متعلق باختك
جاء لبناتها اخوين وصالحين وموظفين وظيفه كويسه وشهاده تقول ما قدرت اردهم وابوهم اصر والبنات تمردو علي وقالو موااااااااافقين واختك بكيفها
ومن هنا بدات المشكله امي ما تسلم علي واختي حاربتني ونست اني ربيتها وكبرتها وعلمتها باحسن المدارس ودفعت عليها دم قلبي زي بناتي واكثر ويتكلمون عني عند الناس بالشين وانهم اصبرو علي وعلى ضلمي انا و بناتي وانا ساكته
زواج بناتي ما حضرو اخواني وخواتي كلهم احضرو الا هي وبنتها
وكل اهلي يقولون لي تستاهلين اختك ما عليش بس مو لدرجة ذي ,,,,, يمكن هذي ذنوب بناتك يوم وقفتي نصيبهم بدون وجه حق
تقول رحت لامي وقلت لها وش سويت لك ولبنتك قالت تحرون قلب بنتي وتزوجين بناتك قلت وحده اكبر منها و وحده اصغر منها بشهور وعمرهم راح حرام قالت مو حرام بنتي بعد تنقهر وش مستعجله عليه انتي وابوهم مستعجلين على قهر الناس الله لا يوفقهم تقول بكيت امي تدعي على بناتي
رحت لاختي قلت لها وش فيك قالت مافيني شي الا الحقران الي تحقريني انتي وبناتك وتزوجينهم قبل خالتهم قلت نصيبهم قالت نصيبهم بعد نصيبي بحكم اني خالتهم
والى الان ما يكلمونها وهي بتموت من القهر بنتها الصغيره الي قالت لي تقولي يناس احنا اذنبنا يوم تلاحقنى الباقي من عمرنا وتزوجني ولا حرام البنت تتزوج لين خالتها او عمتها تتزوج حتى لو هي اصغر منها
انا بصراحه اتعجبت واستغربت من تفكير الجده والخاله وكيف يبون الناس يمشون على كيفهم
انتو وش رايكم
صحيح المفروض نراعي العمه او الخاله اذا بعدها ما تزوجة على حساب قطع النصيب لبناتنئ
ودمتم
شاركي في النقاش
سجلي الدخول لإضافة تعليق.
التعليقات
25- الحمدلله والشكر
هذول ناس مرضى
ولايخافون الله
هذا نصييييييييب طيب يمكن الخاله او العمه الله مو كاتب لها تتزوج طوووووول عمرهااا
الله قبل يخلقهم كاتب عليهم يتزوجون او لا
لا حول ولاقوة إلا بالله - هلا فيك وغلا
لا والله من حقها تفرح ببناتها والله يوفقهم
والبنت بطبعها حسوده ويمكن هي الي تحرك الام ضد اختها
أنا أقول تخلي علاقتها بامها واختها سطحيه تزورهم عشان حق الله مو عشانهم وتصبر حتى ربي يفرجها والله يعينها
ترا الحسد في هالزمن منشر وكثير وعادي بالعكس الحسودة حظها يكسر الصخر - حسبي الله ونعم الوكيل
- معلش يا اختي هي ما تقطعهم عشان صلة الرحم وامها مهما سوت فيها حتى لو ضربتها هي امها وبناتها الحم لله زوجتهم واطمنت عليهم فخلاص تعيش حياتها ولا تنسى اختى واذا سمعت احد يور عروس تدلهم عليها وبالنهاية الزواج نصيب
- شاكره مروركم خواتي
قمر بني هاشم انا قلت لها نفس الشي قالت انه امها قالت لجدتها لو فلانه الله ما قدر لها تعرس اخلي بناتي بعد هذا نصيب يا اميمتي قالت الجده الله لا يوفقهن بزواجهم
دلوعه هلا وغلى عزيزتي اكيد هي الي تحرض امها وفيهم ميزه بعض العجايز الله يطول باعمارهم يدلعون اخر العنقود ولو تصير ام 60 بعينهم بزر وصغيره وصح كل الي تقوله ولو الجده عاقله كان فهمت بنتها انه هذا رزق بيد موزع الارزاق سبحانه
نعومة حواء شرفني مرورك
مواضيع مشابهة
تابعي تجارب أخرى من هذا القسم.