موضوع جديد لتلقى الاسئلة للدكتورة راندة فخر الدين

السلام عليكم ورحمة الله وبركاته

طبيبتنا الفاضلة: انا حامل في الاسبوع الخامس .و اعاني من كحه مع بلغم والم في الصدر .. ذهبت اليوم للعياده وكتبت لي الطبيبه العامه دواء Ezipect 100ml وايضا Decatylen عباره عن مص..

عادي آخذ هذا الدواء وانا في بداية حملي .. لاني اخاف انه يأثر على الجنين..

نسيت اقولك ان طبيبتي اللي اراجع عندها للحمل فقط عطتني جو سبرين 81 .. وماكتبت لي اي شي للكحه.. والطبيبه العامه فقط هي التي وصفت لي دواء للكحه..

سؤال ثاني : لما بعد ما اخذت جوسبرين .. احس بدوخه وتعب كأن عندي هبوط في الضغط وانا حتى لما ما اكون حامل ينزل عندي ضغط .. فهل يمكن جوسبرين اثر على ضغطي ؟؟ وكيف اقدر اتفادى هبوط الضغط؟؟

الطبيبة كتبت لي جوسبرين عشان الدورة الدمويه ويوصل الدم للجنين ..


طمنيني الله يطمن قلبك دنيا وآخره يارب

مشكوره دكتوره على الرد وجزاك الله كل خير ...الله يجعل ماتقومين به معنا في موازين حسناتك ...

السلام عليكم دكتوره الاحد

انا حامل والحين اخر الثامن وكل 29في الشهر اكمل شهر

المشكله قبل كم يوم رحت الموعد وانا صار لي فتره عندي الم وقالت الدكتوره الرحم

فاتح واحد سانتي واليوم نزلت علي افرازات بنيه سائله مرتين ولكن مافي الم

هل معناه ان ولادتي قربت ولا وش السالفه وش رايج ابدى امشي عادي علشان الرحم يفتح

ولا ارتاح على امل اني اكمل الثامن وادخل التاسع وش اسوي ياليت تفيديني في اقرب وقت

والله يجعله في ميزان حسناتج


اليوم الاثنين حاسه بضغط شديد اسفل البطن ولم في ظهري ومنطقه الحوض

السلام عليكم
دكتوره لوسمحتي انا سويت العمليه التجمليه ..(خياطه داخليه ) واليوم فكت الدكتوره الخيوط وعطتني تحميلة لومكسين 1000 وعطتني Dalacin clindamycin phosphate vaginal cream 2% ممكن اعرف ليش وصفت هذا الدواء ....؟؟؟؟ مر علا العمليه 19 يوم ...

السلام عليكم..
بسألك سؤال يخص وحده من قريباتي عندها بنت بتدخل الشهر السابع وتقول انها كثيرة الترجيع وغيرت حليبها ولا فاد ورجعت للأول مع العلم ان حليبها الاول رونالاك اما الحليب الثاني برميل بلس ..؟؟