لبنات المدينه المنوره بخصوص عمليات التجميل<التضيق<بعد الولاده فيدو واستفيدو

متابعة النقاش، صفحة 4

شاركي في النقاش

سجلي الدخول لإضافة تعليق.

التعليقات

19
  1. @roh_aflh

    زميلتي ومديرتي صلحوها في مستوصف بن عامر

    والله مره يمدحو فيها


    واختي عند ناهد سنبل كمان تقول شي خيااااااااالي


    اما انا فصراحه خوافه و لافيا لالمها حاولو اني اسويها بس خاااااااااايفه مموت من الخياطه


    ونصيحه احسان بخش ولا تفكري تروحي ليها
  2. @lms_khyr

    مرحبا حبيبتي
    مين قال اننا ما كتبنا تجاربنا انا من المدينه وتقريبا كل ما احصل موضوع عن العمليه التجميليه اكتب تجربتي عشان البنات يستفيدو والله ((لا يا شيخه ))
    المهم حبيبتي انا عملتها قبل ثلاثة سنوات ونصف تقريبا في مستوصف ابن عامر عند الدكتوره حسن والصراحه انا بعد العمليه ما عاد رجعت للدكتوره الا في المراجعه الاخيره وما عادل رحت عندها وخساره تقولي سافرت
    صراحه هذي الدكتوره عسل وقمه في الاخلاق الله يذكرها بالخير ويجزاها كل خير
    انا رحت لها بعد ولادتي الاخيره وكنت متوسعه لانه في ولادتي الاخيره الدكتوره ما خيطتني وخلت الدنيا مهويه خخخخخخخخ حلوه مهويه
    حسبي الله عليها وبالصدفه كنت اراجع عند ابن عامر اسنان فقلت بالمره اراجع عند دكتورة نساء واشوف مشكلتي وحصلت كذا وحده تمدحها في العياده فا توكلت على الله ورحت عندها
    وقالتلي راح اكشف عليكي واشوف اذا تحتاجي او لا ولما كشفت قالتلي حرام عليها الدكتوره اللي ولدتك ما خيطت عشان ما تتعب نفسها وترتاح
    واتفقت معاها الساعه 10الصباح اروح عندها وتعملي العمليه وبالفعل رحت عندها وفقت من البنج الكامل تقريبا الساعه 12ظهرا وما جات الساعه 12ونصف الا انا في بيتي الحمد لله وعطتني مضاد ومسكن وغسول للمنطقه وصرفتلي تحاميل لتخفيف الالم وهذي مهمه جدا لانها تخفف عنك اغلب الالم والله بدونها مشكله وما شاء الله كانت خياطتها ممتازه الحمد لله وقالتلي باذن الله تولدي طبيعي واللي يقلك غير كده تعالي انا اولدك وكلفتني 1500ريال
    وبالفعل رحت للمواساه في مراجعة الحمل وسالتها لانه في بنات هنا الله يهديهم يقولو الولاده بعدها لازم قيصري يخوفو الوحده المشكله ما جربو بس يقولو سمعنا وسمعنا بصراحه المفروض الواحد اذا ما جرب لا يكتب شي يخوف
    والحمد لله طمنتني الدكتوره ان شاء الله طبيعي ما لم يكن الجنين عنده مشاكل او عندك مشاكل في الحوض لا قدر الله
    وعجبتها الخياطه وسالتني ما شاء الله عند مين سويتيها تقولي ممتازه والحمد لله
    وبخصوص الدكتوره اللي قلتي عنها ما عندي اي فكره عنها واحسان بخش صراحه اسمع ذمها اكثر من مدحها والله اعلم
    واي سؤال انا حاضره لا تستحي احنا اخوات واقترح عليكي تحطي السؤال في تجمع بنات المدينه يمكن تحصلي اجابه
    دعواتك لي بالولاده الميسره السهله في لمح البصر تكفى وانا اختك

تابعي تجارب أخرى من هذا القسم.