شاركي في النقاش

سجلي الدخول لإضافة تعليق.

التعليقات

40
  1. @ashkro_allh

    عزيزتي عزيزتي عزيزتي صدقيني كأنك تتكلمين عن وضعي لكن الفرق الوحيد اني انا صار لي 5 سنين متزوجه وعندي بنتين.....
    اول ما تزوجته على قولتك يعطيني مصروف حليو وبعض الاحيان يحول لي مرتين في الشهر مع اني ما اكون طلبت منه, هو من نفسه يقوم لي "تراني حولت لك الصباح".. المهم يا ستي اجارنا ب 40 في السنه وماخذ قرض سياره ومصاريف يمين و يسار مالها لزمه وصدقيني في اخر كل شهر ما يبقى في حسابه الا 2000 بس وساعات اقل, كنت اقول له كثير اول ما تزوجنا اقتصد او افتح حساب توفير تحط فيه اول كل شهر مبلغ صغير ومتى ما انزنقنا نلجئ لها لحساب, لكن تدرين وش كان يرد علي "ما عليك طمني بالك من هالناحيه" ما كان يحب ابدا اني افتح هالموضوع, صراحة احس انه هالحين ندم لان كان عنده فرص كثير ممكن يوفر منها لكن ما استغلها.... هالحين وبعد خمس سنين الوضع صار اسوأ ساعات ما يحول لي كل شهر يقعد بالشهرين يالله يحول لي.. طلبات البيت مره زادت وصار عندنا خدامه يبيلها راتب اخر كل شهر وبنتين ويحتاجون مصاريف والاجار ارتفع """لكن الحاجات تزيد والدخل ما يزيد""" . مع العلم اني ابدا ما اتكلم عن ماركات والا مظاهر الحمد لله طالما اني انا وبناتي نلبس مرتب وزين ما يهمني وش يقولون الناس, ولا حتى اتكلم عن السفر والمصاريف, من يوم ما تزوجت ما سافرنا الا لدبي و بالكثير اسبوع مع العلم اني قبل ما اتزوج كل 3 شهور لازم نسافر مع اهلي لكن الحمد لله يا شيخه.. انا كلامي كله عن الحاجات الاساسيه يعني مصيرنا لازم نطلع في بيت ملك وبناتي ما راح ادخلهم اي مدرسه صراحه تعليمهم مهم بالنسبه لي .. متى فعلا حس اننا في ورطه لمن دخلت بنتي المدرسه وطلبو مننا 10 الاف اول الترم وكان على نص الشهر وحسابه شبه مصفر, اضطريت اني اغيب البنت الين ما نزل راتبه وعلى طول سدد الاقساط.. اذا تبين الحق هو الي حطنا في هالوضع, لانه في ايده انه يحسن من وضعه لكن على قولتكي ما عنده طموح. هو يشتغل في شركه خاصه, راتبه كويس , لكن ما عندهم مكافئه سنويه مثل البنوك وترا هذي المكافئه توسع على الناس كثير منها يدفعن اجارات او اقساط مدارس او سفر... انا طلباتي كلها اساسيه..هو تخصصه نادر وكثير شركات كبيره ننكن يوظفونه براتب وحوافز عاليه لكنه عجاز ما يقدم ولا يدور.. الحين الحمد لله الدخل قد الطالع لكن لازم يعرف ان الايام تركض والمصاريف مره بتزيد....
    معاليش مرررره كثرت حكي لكني محتاجه افضفض :)
  2. زوجي نفس الشي دئاما بقول بدي أسوي وأعمل وانسي الموضوع مش عارف يعمل شي وأنا نفسي أحسن مستوانا المالي لإنه عن جد متضايقيين مش عشان أجاري حدا، بالنسبة إلك حبيبتي حلو الطموح عشان الواحد يعيش كويس ويضمن مستقبله بس ما يكون تفكيرك علشان تجاري عائلتك أو عائلة زوجك يعني لازم تتعايشي مع دخلكم.. وإنتي بشطارتك حاولي تجمعي كل شي مبلغ وبعد فترة قوليلي لزوجك معي هالملبغ جمعته خلينا نعمل مشروع خاص فينا وأكيد ما راح يتردد.. والله يوفقك
  3. @naaom_2007

    تعوذى من ابليس تراه حريص على تخريب البيوت
    اقراء فوائد الاستغفار
    حلو التفكير فى المستقبل لكن انت ماتعرفين وش مكتوبك فى الغيب
  4. @lhthat_olkn

    حنين الذكريات 1
    حبيبتي مد رجولك على قد لحافك ليش تجارين اقاربكم وبعدين عيالك بيجون ورزقهم معه توكلت في رزقي على الله خالقي وأيقنت أن الله لا شـك رازقـي وما يك من رزق فليس يفوتني ولو كان في قاع البحار العوامق سيأتي به الله العظيـم بفضلـه ولو لم يكن …
  5. @dnya_alaagb

    صاحبة الموضوع
    شكرا لكل اللي شاركو وردو وشكر اكثر للي قالو لي تجاربهم
    بس بنات انا لما كتبت الموضوع ماقصدت فيه انو انا ابي فلوس عشان اجاري اهلي واهله انا شرحت لكم وضعنا بالبدايه عشان تعرفون وضع اهالينا كيف واحنا كيف ..
    انا مو هاممني اشتري ماركه ولا غيرو الحين هذي اشياء بالنسبه لي توافه وكماليات اهم شي البس مرتب والحمدلله.. يعني انا مافكر بالفلوس عشان كذا لا
    انا اقول الحمدلله والشكر لله على رزقه وادري ربي مايضيعنا وانا متاكده ميه بالميه اننا بنتحسن وان العيال لا جو بيجي رزقهم معهم بس يابنات خلونا نكون واقعيين..لازم يصير في خطه لازم يصير فيه ترتيب للصرفيات لازم يجي اخر السنه ومعنا مبلغ صغنون مو لازم نحركه بس ضمان لاستمرار المعيشه ..
    والله انا متوكله على ربي وماشك باي شي بس ماحب العيشه بالبركة ..ربي عطانا عقول عشان نفكر ..ربي امرنا بالعمل مع التوكل ..
    انا طموحة طموحة لابعد حد واهلي يشجعوني وهو بعد مايقصر ...بس انا انقهر لاشفته ماهتم لنفسه ولاجاب خبر ويحس ان وضعه خيالي ..لا واللي يذبحني اكثر لاجاني مره وقال ودي افتح مغسله ولا ودي اسوي موقع بالنت ولا ودي اتاجر بالعقار..وبس اماني بدون مايحرك ساكن وشكله كذا طبعه لانه زي ماقلت من زمان يشتغل بنفس الوظيفه ونفس المسمى ونفس الراتب بدون اي علاوه والبونس المكتوب في العقد مايعطونه اياه لهم كم سنه وهو سااااكت ولا اهتم ..اقوله اسال طيب شوف يقول لا احسن خلوهم يجمعونها لي ويعطونها مره وحدة ..مع اني لما سألت قالو عادي ممكن يقولون له مافي ولا ريال ولا يقدر يسوي شي ..واقوله قال عادي ..
    بنات انا والله ماهمني لبس ولا همني الا تأمين للمستقبل بس ..الله المستعان بس
    مدري في احد بيفهمني ولا لا

تابعي تجارب أخرى من هذا القسم.