بنات انتو تحسون بالاحساس اللي انا احس فيه ؟؟؟؟

السلام عليكم

اخبار الحلوين ***** الله مبسوطين :)

انا بنت عمري 20 سنه خذيت ثانوي وقعدت في البيت

اعيش مع اهلي اللي احبهم كثيييير ويحبوني كثير

طبعا انا عددنا سبعه ثلاث اولاد واربع بنات وانا طبعا اخر العنقووود :04:ههههه

خواتي الثلاث متزوجين كلهم ومن الاولاد متزوج واحد ومافيه في البيت غير انا وامي الحبيبه واخواني الثنين اللي

توهم مابعد تزوجو والخدامه ابوي متوفي الله يرحمه يارب ووسع قبره

ويغسله بالماء ولثلج والبرد وينقه من الذنوب والخطايا كما ينقى الثوب الابيض من الدنس واموات

المسلمين اجمعين

يعني ابوي غالي علي كثييير ماتصورون وشلون كانت حالتي يوم قالولي انه مات الله لايوريكم

خصوصا اني عاد كنت غاليه عليه كثير ومايرضى على باي شيء

ااااه يابنات ماابي اكمل وكتب عن ابوي والله ان عبرتي واقفه في حلقي الله يرحمك ياابوي

نرجع لموضوعنا

انا بعض الاحيان يابنات اتمنى ان خواتي ماتزوجو قعدوا

واساسا انا اتمنى استغفر الله ياربي لاتعاقبني على الكلمه هذي

بس اتمنى ان اصلا مافيه شيء اسمه زواج ليه؟؟؟

لاني بصراحه ماابي نفترق ودي نكون مع بعضنا على طول

الحين كل اربعاء نجتمع كلنا اما في بيتنا او في استراحه وسواليف وضحك واستهبال

ساعه صدر وخصوصا خواتي من النع اللي مضحكين مره والله اني استانس اذا جاء يوم الاربعاء

انا مااقول لكم اني يعني انا ضايق صدري اذا كانو خواتي مو موجودين بالعكس والله

عندي امي والله انا وياها نكفي ساعه صدر وضحك حتى خواني اللي مابعد تزوجو طلعاتهم مو كثيره

ووسعون الصدر ولا جبنا ذا القطوه اسمها فيكي وسعت صدرنا زياده

بس انا اقول اني اشتاق لخواتي كثير ودي يوم ينومون عندنا ونسهر انا وياهم

واذا نامو عيالهم تعالو شوفو عاد نجيب فيلم مرعب وحب وشاهي والمشكله ان حتى لو الفيلم

مرعب يعلقون تعليقات مضحكه وانا ميته من الضحك خصوصا اختى الوسطى هذي هي مهرجتنا الخاصه هههه:17:

ذاك اليوم ال مانزلنا في بيتنا الجديد جو خواتي علشان يعني يساعدونا في تنظيم البيت

وقالو اننا بنمرح اليوم هنا هم قالوه والا ماقالوه انهبلت

قعدنا طول اليوم سهرانين سواليف وضحك وجو هادي لابزران وا شيء وناااااااسه

وامي معنا طبعا وضحك طول الوقت يعني جلستنا ماتنمل :time:

ولا عاد كانو جايبين على قناة mbc2فيلم كلينت ايستوود الكاو بوي المعروف

وخواتي مايواطنون ذا الممثل وانا احبه واحب افلامه تخيلو طول الوقت خاتي قاعدين يعلقون عليه

وضحك عليه وانا متابعه ومتحمسه :f226:ولامره اضحك على اللي يقولونه ولامره اسكتهم ابي اتابع

بس من جد وناسه ودي كل يوم ينومون عندنا ممنوع اصطحاب الاطفال خخخخخخ

لا وامس اختي نايمه عندنا نومت عيالها ورحنا لغرفتي وامي قعدت معنا شوي وطقت سلام وقالت تصبحون على خير

XXXXX

كانت ليله حلوه بصراحه

للاسف امس توها رايحه ااااه يابنات والله يضيق صدري اذا شفتهم يروحون

ودي انهم مايروحون

قلت ميد امي ذاك اليوم

قالتلي هذي سنه الحياه وانتي بعد يوم من الايام بتتزوجين وتروحين بيت رجلس ريضه بعد انتي



خلاصه الكلام اني اشتاق للايام الحلوه

اشتاق لبيتنا القديم اللي تربينا فيه واشتاق لطفولتي كل مشاويري كانت مع ابوي

وين مايروح ابوي ياخذني معه

اشتاق لما كنت ارجع للبيت انا وابوي وكنت اشيل في يدي ميريندا بالفراوله وكانت اختي توها مابعد تزوجت

وتموت في شيء اسمه فراوله وتقعد تلاحقني لين تاخذه مني هههه ياحليلها



اشتاق لما كنت اسوي نفسي كني نايمه وذا شفت امي وابوي داخلين لغرفتهم كنت اطلع من غرفتي

شوي شوي واروح لغرفة خواني الاولاد ويدخلوني معهم ونقعد نشوف فيلم لمايكل جاكسون تذكرون فيلمه المرعب

ماكنا نمل منه
تخيلو في ذيك الليله تورطت قعدت لين الفجر وتو خواني بوصلوني لغرفتي الا ابوي طالع يقوم خواني لصلاه الفجر
قلت ميد خواني :ابوي ابوي وين اتوزا فيه
قالوا :نومي على السرير وغطي نفسس بالكمبل وانا بنسوي نفسنا كننا نايمين وفعلا دخل ابوي
وقعد يقوم خواني >>>الله يرحمك يبه

وانا جامده لاني لو بتحرك بحس فيني وعا اليوم لى خير ورحت ركض لغرفتي ولا كأن شيء صارههههه...




اشتاق وهذا اللي ماراح انساه في حياتي كلها ...

لما كان وقت الشتاء وكنا نجلس كلنا في المجلس امي وابوي يسولفون
واخواني شيء معروف يناظرون الكوره لا وبين مين ومين الهلال والنصر عز الله رحنا فيها >>انا هلاليه على فكره

ابوي طبعا نصراوي يالبه قلبك يبه

كان ابوي دايما يلبس فروه في وقت الشتاء وانا افرح اذا شفته لابسها ليييه؟؟

لاني كنت اجي دايما واقعد في حضنه ويغطيني بالفروه معه ..............>>>مااقدرت تكمل

انا مستعده ادف كل اللي عندي واسوي المستحيل علشان ارجع للحظه هاذي
كنت مرتاحه وانا في حضنه وكان بعض الاحيان يدغدغني وانا ميته ضحك
ذاك اليوم جا بسافر بغيت انهبل قعدت اصيح صياح والله اني اذكر اني متعلقه بثوبه وقاعده اصيح
حتى ان امي قعدت تصيح يوم شافتني اصيح كذا رحمتني ...
(الله يرحمك يااااارب ويرحم اموات المسلمين )




وش اقول وش اخلي

ايام حلوه ايام روعه ماراح انساها في حياتي

ياليت نقدر نرجع الايام هاذي ياليت



واخيرا اتمنى اني ماكون طولت عليكم

بس حبيت انقل لكم اللي احس فيه كل يوم

وارجوكم يابنات كل وحد تدخل تدعي لابوي

وتدعي لامي ان الله يخليها لي ان شاء الله ويخليلي هلي يارب


:27::27:

111 تعليق 15,628 مشاهدة

شاركي في النقاش

سجلي الدخول لإضافة تعليق.

التعليقات

104
  1. @dlaa_atfal

    حتى انامثلك وانامتزوجه انبسط اذااجتمعن خواتي وصجه ولجه لان طبعي ماحب الهدوء

    بس مجرد مايروح الاربعاء والخميس انواع الاحباط

    بس يمكن انااهون منك لان اذارحت لاهلي بغير الخميس والاربعاء تكون بنت اختي موجوده وهي تندمج معي لانه عايشه عند اهلي بس الحين بتتزوج وتروح لبيته واحس اني بافقده

    الله يعين بس

    الله يرحم ابوك واموات المسلمين ويجعل مثواه الجنه اللهم آمين
  2. الله يرحم لابوك و يغفرله .. و يخليلك امك و يحفظك لها ان شاء الله
    الي تمرين فيه طبيعي خصوصا انه خواتك انشغلن ببيوتهن .. و ان شاء الله يجي اليوم و تنشغلين مثلهم .. و اكيد حتى هن يمرن بنفس الشعور مرات .. لاني كوحده مشغوله ببيتها و اولادها و حياتها تجيني اوقات اشتاق فيها لايام زمان و ذكرياتها .. بس انتبه لنفسي و اقول الحمدلله على النعمه
    الله يخليلك خواتك و اخوانك و ان شاء الله دوم مستانسين .. بس بعد حاولي تشغلين وقتك بشي مفيد عشان ما تمرين بساعات ضجر و حنين للماضي
    بارك الله فيكي
  3. @sfn_abh

    لا يالغاليه مهوب انتي لحالتس

    انا كل ما اتذكر الايام الحلوه ايام الاجتماعات ايام ماكانت قلوبنا على بعض

    اخواني واخواتي كلنا في البيت مجتمعين والبيت حنه ورنه وطالع وداخل وزوار وزواير


    الحين امي وابوي كبروا وتعبوا الله يخليهم لنا ويشفيهم قولوا امييين

    واخواني واخواتي تزوجوا اللي سكن بديره ثانيه واللي سافرت مع زوجها برا الله يرجعهم لنا سالمين

    راحت ايام الجمعه ما اقول اننا التهينا وتركنا اجتماعاتنا

    بس اكييد تفرق عن قبل وعن ايامنا وصغرتنا ومراهقتنا

    علاقتنا بخوالي وعماني وزياراتنا وحنا صغار ودايرة امي مع الجيران
    ودايرة ابوي مع اخوياه

    سفرنا مع بعض وحوستنا الله ياااطعم ذيك السفرات على بساطتها

    رمضان وجمعتنا فيه وفطورنا مع بعض وطلعتنا لصلاة التراويح وانتظارنا عن التلفزيون نحتري سليمان العيدي يعلن عن العيد

    صلاتنا العيد ولبسنا وجمعتنا في بيت عماني ولعب بهالصواريخ وغيرها

    ايييييييه الله يرجع طعمها لأن هالايام مستحيل ترجع


    ......


    الحين ابوي داايم في البيت :( ياقلبي قلبه تكفون ادعوا له تكفون ان الله يطمن قلبه ويهدي باله الله يطول بعمره

    وامي ياعمري اسيرة المرض الله يشفيها ويرفعها بالعافيه ,,


    الله يرزقنا رضاهم ويرزقهم برنا

    .......


    الله يرحم ابوك ويغفرله ويجعل جنة الخلد مأواه

    ويخلي لتس امتس ويطول عمرها على صحه وطاعه ويسخركم انتي واخوانتس لبعض ياكريم
  4. @kbl_alrhyl

    بسم الله والصلاة والسلام على رسول الله


    أختي وحبيبتي عاشقة ..


    أولا ,, الله يرحم أبوك رحمه واسعه والله يخليلك أمك والله يحمعنا بأحبابنا في الجنه ..


    ثانيا ,,, بكيتيني الله يهديك ... أنا متعلقه في أبويا كثيييييييييييييييييييييييييييييييييييييييييييييييييييييييييييييييييير الله يحفظه ويخليه تاج على راسي ويحفظ أمي يارب ... يكون في علمك أنا ليا حوالي ال5 شهور ما شفت أهلي لأني دوبي عروسه ونقلت مع زوجي لمقر عمله .. وكل يوم أتذكر أبويا وشوفي الدموع والبكاء .. الله يجمعني فيهم على خير يارب

    ثالثا ,,, إنت يا قلبي ذكرتيني في نفسي كثير قبل ما أتزوج أنا زيك حسااااااااااااااااااسه بمعنى الكلمه وكنت لما يزورونا أخواتي المتزوجات في آخر كل أسبوع أفررررررررح من قلبي ولما يجون راجعين بيوتهم ما أقدر أودعهم أروح في البلكونه أشوفهم وهما نازلين للسياره وأبكـــــــــــــي ..هذا وأنا أشوفهم كل أسبوع تقريبا ..بس أحس قلبي يتقطع أتمنى ما يرجعون بيوتهم وصرت متعلقه فيهم أكثر بعد ما خلفوا وجابوا كتاكيت صغاااار ...

    كنت أقول وأفكر بنفس طريقة تفكيرك وكلامك ....لما أفتكر أخواتي أحيانا وكيف كنا قبل ما يتزوجون وكيف حياتنا ومغامراتنا والأسواق والروحات والجيات والأفلام و و و ...أقعد أبكي وأتضايق مرااااا


    حبيبتي .. أنا متفهمه وحاسه كل كلمه كتبتيها والواضح من الموضوع إنك بعد زواج أخواتك ووفاة الوالد الله يرحمه ويسكن روحه الجنه صرت حساسه أكثر وصايره تحسي بحنين للماضي وصدقيني كلللللللللنا نحن للماضي .. لكن زي ما قالت لك الوالده هذه سنة الحياة تعرفين إيش اللي راح يصير في المستقبل ؟؟

    مستقبلا بإذن الله راح تتزوجي الله يرزقك بالزوج الصالح وراح تتجمعي مع أخواتك في بيت الوالده وراح تكبر العائله وصدقيني راح تتجدد روعة الأيام وتصير الحياة أحلى ومع السنين بيكون عندكم رصيد ذكريات كبير مع عيالكم تضيفونه على رصيد ذكرياتكم الماضي ..صدقيني حلاوة الدنيا إنها ما تسير على وتيره واحده وإنها على طول في تغير صحيح في أقدار تزعلنا وتاخذ من سعادتنا كثير لكن الله رزقنا بالصبر والنسيان وهذه الدنيا يوم حلو ويوم مر يوم معاك ويوم عليك ..

    إنت حاولي تشغلي نفسك وما تسترسلين في أفكارك وحنينك لأن الحنين يتعب خلي أملك في الله كبير وإن الله راح يكتب لكم أيام حلوه في المستقبل ..

    وآخر شي ... أتمنى أكون أفدتك ولو بشي بسيط .. أدعو الله لكم بالسعاده الدائمه




    تقبلي فائق إحترامي وتحياتي لقلبك الطاهر
  5. @ana_zyzy

    الله يرحم ابوووك ويرحم اموووووووووووووات المسلمين ويخليلك امك وجميع الامهات ويحفضهم لنا ولا يحرمنا منهم حسيت بكل كلمه قلتيها وعشت حياتك وانا اقرى وبكيتيني يوم تقولين تجلسين بحضن ابوووووووووك الله يرحمه ويوسع قبررره يارب بس هذي الدنيا وش نسووووووي ولازم نرضى ونحاول مانذكرر الايام الي راحت كلنا نمرر بنفس تجربتك ونذكر كل صغيررره وكبيره وودنا ازمن يوووقف مع من نحب انا احاول انصحك وانا مثلك بضبط اذكرر ابوي وهو بصحته يوم يخاصمنا عشان المدرسه وشقاوتنا انا وخووواتي ونزعل منه والحين اتمنى اشوفه مثل اول ويتقطع قلبي يوم اشوفه مريض وكبر ابغاه مثل اول بس مابيدنا الله يخليه لنا ولا يحرمنا منه يااااااااااااااااارب

تابعي تجارب أخرى من هذا القسم.