شاركي في النقاش

سجلي الدخول لإضافة تعليق.

التعليقات

75
  1. @shmokh_tybh

    شوفي حبيبتي كل شي سويته معها حلو وربي يجزاك خير عليه مافي مشكله بس عندي عليك ملاحظه تقولين انها تجلس زي القطوه تطالع فيكم طيب يااختي والله اكلمك بجد كيف تجيلك نفس تفرشين السفره وهي تسوي كذا مو مشكله عطيها واحسبي حسابها ترى الرسول صلى الله عليه وسلم يقول في كل كبد رطبه اجرا .....وبعدين بصراحه صرت احس ان الاشياء الي ذكرتيها ماتجيبينها لها تجيبينها لك انتي وبنتك لان لو فعلا كل هالاشياء الي ذكرتي وفرتيها لها مستحيل تبخلين عليها بوجبه ولا مو وجبه بلقمه تاكلها وترد نفسها عنك بجد شي غريب ماتوقعت فيه احد كذا والله ان شغالتي احطلها اكلها قبل احضر اكلنا واذا من برى اطلبلها وجبه لحالها خاصه فيها بالعكس عندك البروست تموت فيه تخيلي اجيبه لها اقسم بالله معدل يوميا اقول حرام يمكن مو مشتهيه اكل البيت ولا فكرت بالي ادفعه لاني محتسبته لله ولا تفكرين بنفسك وزوجك وبس ترى هذي فيها اجر لانها ماجاتك الا وهي محتاجه ولاتقولين انك كذا تدلعينها بالعكس والله ان شغالتي الكل يحسدني عليها ماشاء الله راقيه جدا ويكفي انها تحب عيالي وقايمه بشغلها على اكمل وجه وتسمع الي اقولها بروح حلوه لا تتئفف ولا تتذمر والحمد لله هذا بفضل الله
    وبعدين لو انتي وزوجك مشتهين شي وماتبون تعطونها حرام تاكلون قدامها مايجوز والله اطلعو برى وتعشو وتعالو بس مو تاكلون قدامها وتقولين منتي مقصره وزي ماقلتلك كله باجره
  2. ياساتر يعني بخلانه عليها بوجبه الحين تدفعين لها راتب منتيب قادره تدفعين لها سعر وجبه مايتعدى سعرها 20ريال احتسبيها صدقه ويعوضك عنها ربي وترى هي انسانه مثل ماتحبين هي تحب بعد لاحول ولا قوة الا بالله

    سبحان الله العظيم البعض الخدم عندهم على بالهم عبيد يشتغلون عندهم تراه اجيره ولا تنسين في كل كبدة رطبة أجرا ...
  3. @tmymy2006

    ياكافي وش دعوه ماتعطينها من عشاكم ولا شرهه على انها تناظر اكلكم

    يا اختي اعتبريها صدقه

    انا ما اقول لك اشتري لها من الوجبات الغاليه

    اشتري لها اي شي ريخيص وهو يسد الجوع وياكثر البوفيهات الي تبيع همبرقر 4 ريال
  4. @jo0jo0

    صاحبة الموضوع
    إنا لله وإنا اليه راجعــــــــــــــــــــــــــــــــــــــــــــــون..

    الي تقول شقة وبنت مانتي قادرة عليهم..
    انا موظفة ،،وساعات دوامي طويلة..يعني محتاجة وحدة في البيت..

    والي تقول بخلانة عليها بقيمة وجبة 20،،انا مابخلت عليها ،،ونجيب لها بين فترة وفترة..
    لكن مو دوم..
    اجل وش فايدة الأغراض الي جايبينها لها..((قصدي الي جايبتها لبنتي وزوجي))،،على قولت وحدة من البنات..خخخخخخ
    يعني ما أدري وش المقصد من هالكلمة..

    وبعدين الأكل الي من برا مو دايم وجبة ب 20 ،،
    احيانا نجيب من مطعم الصيني ، احيانا الهندي..
    تصير اكله لأثنين..مو معقولة اني باكل لقمتين عشان اعطيها..

    والي تقولي كمان بخلانة ببرجر ب 4 ريال..!!
    لاوالله مابخلت به..والدليل ان عندها بالفريزر كراتين برجر ،،ومسموح لها تسوي منها..
    حتى الفرينش فرايز ، قايلت لها تسوي منه لو تبي..
    والي اعرفه في عواايل كثيـــرة الأشياء هاذي ماهي مسموحة عندهم..

    فيه ناس تصحى الشغالة وتنام وهي تاكل بس بيض،،وقايلين الحمدالله،،
    الوجبات ماحرمتها منها..
    اغراض الفطور عندها..
    الغدا وتاكل معنا..حتى لو كانت وجبات ب 20،،هه..نجيب لها ..
    لكن بالعشا ،،خلاص ،،
    عندك اغراضك وسوي منها..
    مشكلتها حسيتها تبيني انا الي اقوم واقلي لها واسوي لها..وانا والله ماريحني زوجي،،عشان تشق بي خدامة!!

    يعني الحمدالله قادرين نجيب خدامة او ثنتين ،،وقادرين نأكلهم..

    ياخواتي حنا لاطلعنا وتعشينا برا..استحالة اخليها تناظرني وانا اكل..اطلب لها الأكل معانا ،،






    ماجبناهم عبيــــــــــــــــــــــــــــــــــــــــــــــــد على قولة وحد كمان من البنات..:44:


    كلام بعض البنات ، الصراحة حسسني اني ما أأكلها ومووتتها جوووووووووووووووع..!!!!!!!!!!!!!


    مو حلو التجريح بالكلام واحنا مانعرف ظروف الناس..

    طلبنا النصيحة ،،مو النقد على غير سنع..،،الله يصلحـــــــــــــــــــــــــــــــــــــــــــــــــــــــــــــــــــــكم..
  5. @rafaah_rasy

    بنات قبل ما تقولون مدلعتها ومو مدلعتها تخيلوا نفسك مكانها

    اذا انت تطيقين تشتغلين 12 ساعه باليوم خليها تشتغل

    اذا انت تطيقين مالك اجازه ولا خميس وجمعه لا تعطينها اجازه

    اذا انت تطيقين كل هالكرف براتب اذا كثر مره صار 1000 ريال قولي حرام ما تستاهل

    ولله حنا 8 ساعات باليوم وخميس وجمعه متسدحين في البيت ونتعب ونقول كرف ونفرح بالاجازه

    وهالمساكين استعباد وبالعكس تطلع عينا اذا سمعنا ان احد يعاملهم زين

    بالنسبه للشوكولاتات والتشيبسات وكذا هذي زياده من عندك منتي ملزومه فيها اذا هي تبي تشتري لنفسها بس يجزاك الله خير

    بس الاكل ترى ولله حرام هالاكل غصب على الواحد اذا شم ريحته اشتهاه وهي مسكينه ما شافت خير

    سوي زي ما قالوا البنات جيبي لها معكم شي رخيص بس عن شهوتها

    ولا قولي لها اجيب لك بس من فلوسك

    ووفري الي تصرفينه بانك تقللين من التدليع بالشوكولاته والتشبس وغيره

    بس ترى عصير وكذا لا حارم هذا اكل اساسي مو تدليع

    وباين عليك مره ما شاء الله معاملتك حلوه واكيد انه بيثمر فيها

    ولله كل الي حولنا شغالينهم ينحاشون ويتمشكلون معهم وحنا الحمدلله لأن معامله امي زي معاملتك يعمرون عندنا 15 و20 سنه

    :)

تابعي تجارب أخرى من هذا القسم.