كل حاجة طعمها مر في هذا الزمان
.............................. هم هالدنيا وحنا نعيش لهمها
المكان اللي عرفناة ما عاد المكان
............................والقلوب احداث الايام زادت غمها
صاحبي حتى انت ماعاد تستاهل حنان
.......................... انت بعثرت المشاوير وانت تلمها
البكاء في مثل هالحال نوع من الهوان
......................... والمهونة كل رجال حر يذمها
صاحبي لو كان للناس والدنيا امان
.......................... ماتموت ورود الاحلام قبل نشمها
خل عنك علوم الاحباب واللي كان كان
........................... انتهيت وسيرة الشوق ماني يمها
كلما تظما لياليك قمت اكتب عشان
.......................... تنزف جروحي والايام تشرب دمها
الكلام الموحش يخاف نور الشمعدان
.......................... تحترق اسمى معانية قبل يضمها
من زمان اكتب على شان نقراء من زمان
.......................... بس ما شفت المكاتيب جابت همها
هموم المكان
متابعة النقاش، صفحة 15