اللي ساكنه مع اهل ريلها ضروري تدخلين

مبروك الزواج ولاتهملين نفسك اذا جلستي مع زوجك بغرفتكم اكشخي والبسي البناطيل والمني جيب والشورتات والبرمودات وكل شيء زين وضبطي مكياجك اهم شي لابد تخصصين وقت تجلسون فيه مع بعض مثلا بعد صلاة المغرب او بعد صلاة العشاء تتقهوون فيه وتسولفون وانتي كاشخه خصوصا بايامك الاولى غير كذا مكياجك وانتي نازله عند اهل زوجك خليه يكون بسيط بلاشر ومسكرا وكحل جوا العين وروج سيمبل ولاتنسين ترسمين حواجبك اما في غرفتك فشوفي زوجك شو يحب وسويه له سواء من مكياج او لبس ولاتنسين تتعطرين عنده ولاتكثرين من العطر وخاصه المركزه عند اهل زوجك حتى مايشمونها اخوانه او غير المحارم وانتي عارفه هذا مايجوز شرعا برضو شعرك لاتهملينه اذا كنتي تحت عندهم خليك لامته او رافعته اما اذا بغرفتك ففتحي شعرك وفليه ومرات اربطيه وغيري في شكله اسال الله ان يوفقك ويجعلك في عين زوجك اجمل امراه رآها



ماشاءالله والله لو بكتب ماراح اكتب احسن من رده

بالنسبه لملابس الانوثه الحلوه مستحيل تلبسيها الا في حدود غرفتك الله يصبرك ويعينك

انا مو السعوديه
وساكنه مع حمولتي اللي هم اهل زوجي
انا مدري كيف نظامكم بس بقولك نظامي يمكن يفيدك
انا البس ردئ ( شال كبير يغطي لين الركبه اهم شيء بعد الاردف على شان ماتبين) ونقب ( برقع )
بس يقول الردى نفس لون لبسي
في فترة الصباح على الظهر جلابيه بعد العصر تنوره وبلوزه عاد انوع
ومكياجي يكون خفيفي
بس اهم شيء اكون مرتبه

الله يوفقك وانا نفس معاناتك بس انا البس تنوره وبلوزه بس اقعد معهم بعباتي ولا احط اي مكياج غير كحل داخل العين وبعض الاوقات روج نفس لون البشره والبس بغرفتي بس زوجي نادر مايقعد وانا توي متزوجه بس بغرفتي ابدع بلبس النوم او اوقات اكشخ كامل مكياج وشعر ولبس بس بالغرفه حق زوجي اخر الليل والبس اوقات فستان سهره وعطر نادر لان حماي موجود معنا لوشن او عطر ناعم اذا مافيه احد بس عند زوجي ابدع بالعطور حتى لما اطلع عند جماعتهم والله يفرج همك وهمي وعقبال مانطلع بيت عشان الوحده تاخذ راحتها اكثر مع زوجها لاني جربت وعشت ايام موطبيعيه كل شي ينسمع ويسولفون حتى عند اخوانهم عن الاصوات او طلعات وجيات وحتى لو ادخل بكيس من السوق كل الي بالبيت يعرفون