خَلف ستآئرْ الأحلآمْ ²°‎

.
.
.

احلامنا جزء منا وتحتل هذه الكلمه اوائل الجمل في قاموس حياتنا كل يوم نحلم وتكبر احلامنا معنا ونتأمل في كل فجر جديد ان تتحقق ..

ننساها احياناً واحياناً نتناساها ولكنها تظل ملازمه لنا في كل مكان و زمان ..


وحنا صغار ..
زرعنا في تراب الحلم ... حلم ويشبه العصفور ..!
لكن طار !!


وحنا صغار احلامنا اشبه بالخيالات لإن تفكيرنا وقتها محدود جداً وكل همنا نلعب ونضحك وبس لكن لما كبرنا انصدمنا بواقعنا ومع كل الصدمات والظروف نظل نحلم ..

احياناً نحلم واحنا ندري انها ماراح تتحق لكن نحلم

نحلم لـ /نضحك
نحلم لـ /نفرح
نحلم لـ /نعيش



تًنفّسْوٌ بـ/ـهُدَوّءْ

كل العظماء والناجحين كانت عندهم اسباب كثيره وعقبات تخليهم يتراجعون عن حلمهم لكن مااستسلموا ولاتركو احلامهم
وكانو مقتنعين انها راح تتحقق حتى لو بعد حين
كثير منا يحس ان الحلم الحلو مايتحقق الإ وانت بشبابك وانك لو كبرت خلاص ماراح تستفيد من حلمك
بس الناجحين مايفكرون بهالشي ويتمسكون بحلمهم لـآخر العمر ..



..فَآصِلَه

اكبر مثال عندنا اخونا في الله توماس ايدسون طبعاً هو اللي اخترع المصباح الكهربائي تدرون انه فشل اكثر من 10000 قبل ماوصل لإختراع المصباح وكانو كل اللي حوله يهبطون من عزيمته ويقولون له انت فاشل ولو تنسى هالخرابيط اللي تفكر فيها يكون احسن بس هو كان يقولهم انا في كل مره اتعلم شي لدرجة اني وصلت الى 9999 طريقة غير ناجحة لاختراع المصباح وهذي كافيه اني اتعلم من اخطائي وفي الأخير ابن اللذينا جابهااا وحقق حلم استفاد منه العاااااالم كله ..



اخونا في الله الدكتور روبرت شولر يقول

((أبذل قصارى جهدك وابدأ صغيرا ولكن فكر على مستوى كبير ,عليك باجتياز العواقب,واستثمر كل ماعندك,وكن دائما مستعدا للتصرف,وتوقع العقبات ولكن لاتسمح لها بمنعك من التقدم))


صعبه تشوف بعينك الحلم / ينـداس ..!
كنّك اتطفي .. من دموعـك / حريقـة !

الكثير منا مر بتجارب فاشله في حياته والناجحون هم اللي يستفيدون من تجاربهم
الفشل مو نهايه الدنيا حاول تتعلم من اخطائك وتأكد انك مو افشل واحد بالدنيا
حاول ان تستفيد من اخطاء غيرك ..
مثلاً / تسأل اللي حولك اخوك ابوك امك صديقك صديقتك عن اصعب مرحله فشل مر بها ..؟؟
وبكذا راح تزيد رصيد تجاربك وراح تقوى عندك الإراده وتصر على تحقيق اهدافك واحلامك ..


بَإخّتِصّارْ ..

كم حلم تخليت عنه بسبب الظروف؟

ألم يحن الوقت لتطلق سراح القوى الكامنة المحبوسة داخلك؟ألم يحن الوقت أن تعيش أحلامك؟


مدامنـا بالكـون هـذا ..... نبـي نعيـش !

نبـي نعيـش !
نبـي نعيـش !
نبـي نعيـش !

دنياك ماتسوى ....!!!!


منقول من ايميلي

4 تعليق 500 مشاهدة

شاركي في النقاش

سجلي الدخول لإضافة تعليق.

التعليقات

4
  1. @roaa_almas_2

    آآآآآه ياقصقص جبتيها على الجرح كنت بداية مشواري لتحقيق حلم لكن حسبي الله على من كان السبب وبس مااقدر اقول اكثر من كذا سلمت يمناك على النقل الروووووعهـ
  2. صاحبة الموضوع
    روعة ألماس
    آآآآآه ياقصقص جبتيها على الجرح كنت بداية مشواري لتحقيق حلم لكن حسبي الله على من كان السبب وبس مااقدر اقول اكثر من كذا سلمت يمناك على النقل الروووووعهـ
    الله يسلمك ياقلبي
    بس لاتقولين خلاص الطريق قدامك وعلى قولتهم هذا الميدان ياحميدان
    ابدي بتحقيق حلمك ولاتحققين للي يبون تكسير مجاديفك املهم
    الله يوفقك يااااااااارب

تابعي تجارب أخرى من هذا القسم.