شاركي في النقاش

سجلي الدخول لإضافة تعليق.

التعليقات

234

  1. @almkdm

    اصبري حتى تولدين بسلامه
    يمكن يتغير بعد ما يكون اب
    ما اقول الا الله يفرجلك همكي

  2. @aaakl_olkn

    السلام عليكم ...
    اختي الغاليه بدون زعل انتي ماجلستي معه شي حتى تحكمي عليه بهالشكل وانتم يا بنات لا تندفعون وراء مشاعركم ..
    بسألك سؤال كم جلستوا سوا ؟؟
    من شهر العسل وانتي تقولي في مشاكل وانا فاهمه عليها لأني كنت زيك حساسه وفاهمه الحياه غلط فاهمه انه لازم يعزم ويودي ويجيب ويهدي وانا 24 ساعه زعلانه على حالتي لما تعبت وتعب مني ومعي
    لذا ..
    -اتركي العتب عنك وجاب لبنت عمته هديه وانا لا ..انسيها وشيليها من مخك
    لو صحيح ما حبك انتي ممكن تخليه يحبك لكن خليك ذكيه ..مو بالدموع والدلع والزعل
    -كل الاشياء اللي بغيتيها وماصارت وسويتيها وما نفعت غيريها معناها ما جابت ولا راح تجيب نتيجه
    -هو شكله حاس او انتي حسستيه انك احسن منه ماديا واجتماعيا وثقافي بعد . ..ولو ما حسستيه غالبا الرجل لما زوجته تكون اعلى درجه علميه منه يواجهون هالمشكله و الدليل انه يرمي عطورك ولا يعجبه مكياجك !!
    -اهله تقولين واقفين في صفه ..!! ايش رايك تبينهم يكونون ضده ؟؟ بعدين ما عرفوك زيين ولا عاشروك كلها فتره بسيطه اللي عشتيها معهم
    نصيحه بلا رسايل العتب ولا تكثرين التشره على الرجال لأنه حاس انك ما تبينه ولا هو معجبك وهذا موت الرجال ( والا ليه رجع يدخن )
    لذا لو كلمك كلميه ولا تبكين حسسيه انك تغير فيك شي تغيرت نظرتك وتفكيرك لكن لا تكلمينه انتي حاليا
    لا تزعلين مني والله ما ابي الا سعادتك وراحتك وهي تكون بالتفكير المنطقي واللي تبينه منه بعد هو يبيه منك بس بشكل ثاني يبي يحس انك قابله فيه زي ماهو ..اطلبي اللي تبين بس بدون تحطيم ما جبت وما سويت وانا سويت وفعلت ووو
    كلامي هو خلاصه تجربه صعبه صعبه بكل سنواتها وانا حبيت اختصر عليك المشقه
    عموما لو اعجبك كلامي والا تبين شي ارسلي لي بس الله يرضى عليك لا تزعلي ها ... والله ابي مصلحتك وبس

  4. @amyr_klmty_1

    صاحبة الموضوع
    السلام عليكم ورحمة الله وبركاته

    جزاكم الله خير اخواتي


    اموري مثل ماهي

    بس انا قافلة جوالي ..لأني مابي مشاكل او اي توتور يأثر علي ..


    عاقلة ولكن

    معليش اختي انتي ماقرريتي موضوعي كويس
    ولخبطتي الأمور

    اقسم بالله اني ماحب ابين له اني احسن منه
    بالعكس انا تقبلت حياتي
    بالرغم انو فيه اختلاف بين بيت اهلي و عند زوجي
    الا اني حريصة جداً على مشاعره
    وماحب يصير بينا حاجز بسبب المادة او مستوى التعليم
    من اخذته ولا مره قلتله مصروفي قليل واهلي يعطوني اكثر
    أو اني جامعية واحسن منك
    انا تفكيري اكبر اكبر من كذا

    وبالنسبة لسالفة الهدية اللي اعطاها لبنت عمته
    الى يومك هذا ماقلتله ليه عطيتها وانا لا
    او فتحت الموضوع معه ..
    انا انقهر بداخلي بس .. واكبت كل شي بداخل قلبي
    لكن بدون ما اجرحه

    اذا اهله من حقهم يوقفون من صفه لأنه ولدهم ..
    بس عالأقل يوقفون في صف الحق
    يشوفون ولدهم على غلط وحياته تتدمر ماينصحونه !!
    هم عارفين وين الغلط
    لو ولدهم على حق كان كلموني هالفترة ..
    بس مالهم وجه خصوصاُ بعد آخر مره لما رحت الشقة وبكيت لهم وشكيت لهم عن معاملة ولدهم وانه صار يدخن
    مو قادرين يكلموني .. حتى لو كلموني وش راح يقولون !!!!!! وهم عارفين انو البلاء من ولدهم
    بس ربي بيحاسبهم على كل شي ..

    حرااااااام عليك
    انا اللي ما ابيه ؟؟او هو اللي مايبيني ؟؟
    ليه انا قلتله انا مجبورة عليك ؟؟ او مابي اتزوجك ؟
    أو هو ؟؟
    ليه انا اللي اصارخ وافتعل المشاكل ؟؟ او هو ؟؟
    اقسم بالله العظيم من تزوجته مابينت له اني ما ابيه او مغصوبة عليه
    بالعكس انا تقبلت حياتي وانو هذا نصيبي ربي سبحانه كاتبه لي ..
    وش ذنبي اذا هو ماحبني او ماتقبلني ومارتاح لي ؟؟
    وش ذنبي يقولي انا مالي رغبة بالزواج <<(لاحظي قالها لي من فترة الخطوبة )
    صرح لي باللي بداخله من بداية حياتنا

    لو ما ابيه ما كان حملت منه .. انا من تزوجت كنت اتمنى اني احمل على طووول .. وادعي ربي ربي يرزقني بالذرية الصالحة
    كنت عارفة انو مو متقبلني وبالرغم من هذا ما اخذت حبوب منع الحمل
    الا بالعكس كنت مييييييتة ابي احمل بأسرع وقت
    حتى اذا جلست معه اقوله الله يكتب لي احمل قررريب

    حبيبتي
    وش تبيني اسوي اكثر
    قوليلي
    ابوس رجوله عشان يجي ياخذني من بيت اهلي ؟؟؟؟؟

    آآآآآآسفة
    انا لي كرامة وكرامتي فوق كل شي .. مو كل مره اهين نفسي عشانه
    لأني عرفت معدنه .

    اقري موضوعي مره ثانية الله يرضى عليك

تابعي تجارب أخرى من هذا القسم.