قرار زواج بنتي ساعدوني000000000

والله يختي اذا بتكون جنبك بحيث تساعدينها انها تكمل دراستها بعد الزواج فاحس انه مافيه مشكله


انا تزوجت وعمري 16 وخلصت الثانويه والجامعه وانا متزوجه وام عيال لاا وتوظفت بعد.. والفضل لله ثم لأمي الي امسكت عيالي وشالت مسؤوليتهم وانا ادرس.. وثم زوجي لأنه شجعني


وانتوا استخيروا

عزيزتي ام الهنوف
الله يخلي لك عيالك ويخليك لهم
وافقي..لا توافقين:09:........اكيد دوخوك البنات بتناقض آرائهم:)
لكن قبل كل شي انتي تعرفين بنتك اذا هي تصلح تتزوج في هالعمر ولا لأ........مثل ماقالو البنات فيه بعضهم ندموا وبعضهم مبسوطين الله يهنيهم
الأهم ماتربطين بنتك بواحد ماتعرفين رايه اصلاً..لأنه على كلامك كانت امه تكلمك عن بنتك وهم لسا اطفال..!!!!! يعني حتى ماتعرفين اذا الولد اختارها من نفسه، او حتى كان له راي بالموضوع ولا لأ
وانا مع البنات اللي قالو لا تربطينهم بكلمة..
اذا كانو ينتظرونها طوووووووول هالسنين.. ما راح تعجزينهم بكم سنة زيادة
وفعلاً اذا نصيبهم مع بعض راح يتزوجون لو بعد عشر سنين.. واذا ربي ماكتب لهم نصيب ماراح ياخذها لو مابقى على الزواج الا ليلة
ولا تخافين على بنتك تربيتها الصالحة هي اللي تحفظها..ومادامك واثقة من تربيتها صدقيني بتوصل فوق الثلاثين وهي تنخطب:27:
والرجال الصالحين ماراح ينعدمون من الدنيا.. مادري ليه بعض البنات متشاءمات الله يهديهم..

الله يشرح لك صدرك وييسر لك امرك

ياختي بنتك طفلة وشكلها بثالث متوسط.. مالك حق تدخلين براسها سواليف الزواج وهي بهالسن.. خليها تعيش شبابها وان شاء اللي اذا ربي كاتب لها هالعريس بيجيها والا يمكن يجيها اللي احسن منه... هي بتجاريك وتفرح عشان تبي تلبس الفستان الابيض والطرحه بس بكرا اذا ماقدرت تكمل دراستها بتقول ليه زوجتوني بدري وماخليتوني اعيش شبابي زي البنات..
انا اشوف تكلمين المره وتقولين لها ماله داعي نعلق البيت سنتين وان شاء الله اذا تخرج ولدك وبنتي خلصت الثانوي يحلها ربي وحياكم الله باي وقت ومن هالكلام.. واذا تبين الجد لاتطلعين بنتك من بيتها قبل ال20.. واللي تقول تزوجنا بدري وماضرنا غالبيتهم متزوجات من فترة طويلة... بس الحين جيلنا جيل الشغالات والانترنت والتسدح والدلع والبنات مو مثل اول ولافيهم حيل تحمل المسؤولية عشان كذا نسب الطلاق كاثرة الله يكفينا الشر.. فاهم شي ماتطلع البنت من بيت ابوها الا وهي ناضجة وفاهمه وواعية بدورها وبمفهوم البيت والزوج وحقوقه وواجباته الخ... والله يوفقك ويسعدك ويسعد بنتك

شوفي حبيبتي انا تزوجت و عمري 14 سنة و جبت بنتي و انا عمري 16 و الحمد لله الحين عمري 18 يعني تزوجت قبل 4 سنين و يكمل دراستي بعد و انا بعيدة عن اهلي و ما عندي احد بالمكان اللي انا عايشة في و الحمد لله مستانسة بس هي مسؤولية صعبة خصوصا اذا كانت تدرس انا اشوف لو انها تكمل الثانوية قبل الزواج احسن اهم شي الولد يكون كويس انت شوفي بنتك اذا تكدر على الزواج و المسؤولية توكلي على الله و زوجوها بس اهم شي تكون هية مقتنعة و موافقة و تكدر على المسؤولية و لو كانت جنبك بيكون احسن لانك بتساعديها اذا صار عندها عيال
و الله يوفقها ان شاء الله