بيتي انسرق....تعالوا اقولكم كيف انسرق...وتستفيدوا من اللي صار لي

لاحول ولا قوة الا بالله
الله يعوض عليكم

فداك الذهب والعود المعتق اهم شى انتم طيبين وسالمين والله يعوضك باحسن من الي راح

الله يعوض عليك ياقلبي
بخير منه
ويجعل كيدهم في نحرهم

انا بقولكم شلون بعد انسرق بيت اهلي
وشوفو العجايب
قبل 12 سنه تقريبا
بيت اهلي مرررررررره محصن بيبان حديد
وشبوك علي المكيفات
حتي الشفاطات فيها شبك
سافرنا
وامي بعادتها دايم ذهبها تحطه في صناديق البنك
يعني الحمد لله مافيه شي
بس ليت فيه ذهب وخلصنا
تدرون شلون دخلو
فكو حديد الشباك بحقت النار لاننا لقينا اثارهم
دخلو منها وقعدو اسبوع بالبيت ياكلون ويشربون
وش تتوقعون سوو
تكسير بالاثاث كل غرفه مايلقون فها شي يكسرونها
بمطرقه
كان بالبيت فيه تجوري بغرفة ابوي وامي
تخيلو كاسرينه تصدقون انهم حاطين فروه حقت البرد عليها عشان مايسمعون
الجيران صوت الدريل بس مافيها الا اوراق مقطعينها كلها
وجايبين بخاخات وكاتبين علي الجدران ومطفين الثلاجات والفريزرات
والريحه ماتتخيلونها
ويوم خلصو جابو اللي حق المويه وغسلو كل البيت عشان ماتبان اثارهم
وخلو اللي مفتوح وراحو
تخيلو البلاط حق المجلس والاسياب والصاله والمطبخ انهدم طاح انخفس
والبويه متقشعه من تحت
والالوان اللي علي الجدران لوحه
ماخذين تلفونات البيت كلها وشاشه كبيره حقت تلفزيون
وماخذين كل عطورات ابوي
والبشوت والشمغ وبدله عسكريه حقت ابوي
وفاكس
اشياء تافه
بس خسرونا خساره ماتتخيلونها
قبل سنه تقريبا
جاء واحد يسأل عن ابوي ومعه شرطيين
تدرون منهو هاذا هاذا من ضمن المجموعه اللي سرقو
طلع ساكن بالحاره اللي ورانا ويعرفنا
هاذا الولد التزم وسلم نفسه وراح للناس اللي سارقين
منهم يبي يستسمحهم عشان يحللونه
يقول اذا ماسمحتم لي حقكم والشرطه معه
ابوي سامحه
شفتو شلون الدنيا صغيره:)