ازوج الولد ولا بدري عليه؟؟؟؟؟؟

عمي شيخ من هيئه كبار العلماء وكل من يعرفه يعرف بقصته
صدقيني ماشد حيله ووصل للدكتواره الا بعد الزواج وتزوج عمره 19
كان تقديره على الجيد جدا ووصل بعد الزواج للممتاز
كله بأمر ربي وتوفيقه
لأن الزواج يعطي دافع كبير للرجل ويخليه يشد حيله عشان المسؤليه اللي وراه

استخيرو رب العالمين ومابعد الاستخاره استشاره
وبهالزمن افضل شي للولد والبنت الزواج..عفه وستر..

اذا كااااان ناوي يتزوج
فلا تترددون
اخطبو له وملكوله
ويجي اذا عدى السنه الاولى ويتزوج
والافضل يخطب وحده خلصت الثانوي عشان يقدم لها على بغثه وتروح تدرس معاه
والله الزواج يحفظه من الفتن
وبالعكس اذا لقيتوله عروس فيها خير راح تهئ الجو وتساعده في غربته

اخطبوا له ولما ينزل في اي اجازة ممكن يتم عقد القران
مدام الامكانات موجودة وبيكون هو تعود علي الوضع برا

توكلي على الله وزوجيه واكسبي فيه اجر وتحافظي عليه من الفتن

زواجه الحين احسن من يرجع لك وفيه مرض لاسمح الله وتندمي بعدين

الله يوفقه ويخليه لك ويسعده يارب وتشوفي اولاده

والله انا اجوف انه الولد بعده صغير على تحمل المسئولية الزواج مسئولية كبييييييييييرة

وخصوصا انه توه 20 سنة يعني بياخذ بنت اصغر من جذيه بعد و بتكون ياااااااهله مع احترامي للجميع

يعني بتحن لاهلها و يمكن تزود همه هم .. و اهو للحين ما عاش حياته زواج يعني حرمة و عيال

واعتقد انه للحين صغير على تحمل كل هذا و فوقهم الدراسه ..

من رايي اذا كان مصمم تخلونه يملك بسسسسسسسسس و يتم يكلمها تلفون

لين يكمل ع الاقل سنتين و لا ثلاث يتزوج ..

وعسى ربي يوفقه و يقدم الي فيه الخير ..